Acad Arena Spaces sa campus Esports, mas palalawakin pa

ni MC @Sports | April 15, 2023

Sisimulan ng AcadArena ang campus gaming sa pamamagitan ng AcadArena Spaces-co-branded na gagawing isang convertible student hubs para sa mga mag-aaral na lumalahok sa gaming, esports, o technical knowhow-na unang itatayo sa National University (NU) Laguna ngayong Abril.

Ang dream space ng AcadArena ay magiging fully-equipped sa mga high-end PCs at may student lounge para sa pag-aaral, paglalaro at iba pang events, na may modular design na akma sa pangangailangan ng estudyante.

Bukod sa computer laboratory sa academic institutions, may mga programa rin para sa mga estudyante ng AcadArena para maunawaan ang esports at gaming at maging fundamental part ng campus life at maibigay ang pinakamainam na kapaligiran sa guro at mag-aaral. "We've always treated campuses as our partners in esports- thus when developing Spaces we focus on balancing the specific needs of a campus with the wants of esports athletes and student gamers," ayon kay AcadArena Scholastic Partnerships Manager Atty. Isaiah San Miguel.

Maglalaan ang NU Laguna ng mixed-use Space upang mapalawak ang physical space ng programa. Isang classroom at learning center sa buong araw at play area at mobile lounge makaraan ang class hours. "We’re proud to say that our approach has been well-received, and we're already in talks with several other campuses who are interested in developing their unique AcadArena Space," ayon kay AcadArena Co-Founder and Chief Executive Officer Kevin Hoang "We believe that the success of these Spaces is down to our ability to work closely with campus officials to understand the needs of their students and create Spaces that cater to those needs. Empowering people to be everyday heroes AcadArena is devoted to developing and supporting student gamers across our network of 800 campuses and 100+ student clubs. A clear focus on what communities need has been the guiding principle in the development of Spaces - we know what students need, we know what features Spaces can provide to empower them. "

Sapatos ni Jordan, nabili sa $2.2-M, ex-NBA cousins, lalaro sa Guaynabo

ni MC @Sports | April 14, 2023

Nabenta sa mahigit 2.2 Million Dollars o katumbas ng P121,271,700.00 na sneakers ni NBA Superstar Michael Jordan sa ginanap na auction sa Amerika.

Ang sapatos ay isang “Bread’ Air Jordan 13s na isinuot ni Jordan sa Game 2 ng 1998 NBA Finals, kung saan nasungkit nito ang kanyang pang-anim at panghuling Championship ring.

Nahigitan na ni Jordan ang kanyang record na $1.5M sa naibenta rin nitong sariling pares ng sapatos noong September 2021 sa ginanap na auction. Itinago ng auction house ang pagkakakilanlan ng mapalad na nakabili sa mga sapatos ngunit ayon sa management, may autograph si Michael Jordan sa mga ito.

Noong nakaraang taon ay naibenta rin sa auction ang kanyang NBA Jersey sa halagang $10.1Million, o katumbas ng P556, 636, 250.00.

Samantala, ang dating NBA All-Star center na si DeMarcus Cousins ay lumahok sa Guaynabo Mets ng propesyonal na liga ng basketball ng Puerto Rico kahapon.

Sinabi ng Guaynabo Mets sa isang pahayag na ang 32-taong-gulang na free agent na si Cousins “ay mayroon pa rin kung ano ang kinakailangan upang maglaro sa NBA,” ngunit dinadala ang kanyang mga talento sa basketball-crazy na Puerto Rico.” Hindi kaagad available ang mga detalye sa kontrata.

“Si DeMarcus ay isa sa mga pinakamahusay na manlalaro ng basketball sa kanyang henerasyon, at mula sa pananaw ng talento, siya ang magiging isa sa pinakamahusay na makalaro,” sa Puerto Rican league, sabi ng co-owner ng Mets na si Marc Grossman. “Ang kanyang kakayahang mag-shoot at palawakin ang pag-drayb ay dapat na isang mahusay na katangian.”

Standard Insurance Centennial 5 nagwagi sa Rolex China Sea Race

ni MC @Sports | April 11, 2023

Pinangunahan ni Ernesto “Judes” Echauz ang Standard Insurance Centennial 5 upang pagwagian ang makasaysayang karera sa Rolex China Sea Race matapos ang limang taon na hindi nakasabak sa torneo.

Kabuuang 18 international boats ang naglayag mula sa Hong Kong noong Miyerkules kasama ang Centennial V at naunang nakarating sa finish ng Subic Freeport noong Sabado.

Naorasan ang bangka ni Echauz sa 12 hours, 45 minutes at 47 seconds sa pagdaong upang tanghaling kauna-unahang Philippine boat na nagkampeon sa 61-year-old race.

"Makasaysayan ito! Kauna-unahan ito sa Philippine boat na nagwagi sa Rolex China Sea Race,” masayang wika ni Echauz. “Isang prestihiyosong karera ito sa amin."

Naunang naglayag ang Centennial 5 sa start line kabuntot ang Hong Kong iconic skyline mula sa Victoria Harbour at napanatili ang bilis ng kanilang paglarga sa Rolex China Race na inorganisa ng Royal Hong Kong Yacht Club sa tulong ng Manila Yacht Club kung saan ang finish ay idinaos sa host na Subic Bay Yacht Club.

Namalakaya sa event sa unang blue water race sa Asya ang mga bangka sa distansiyang 565-nautical miles (1,046 kilometers) patawid ng South China Sea hanggang Subic Bay kung saan nasukat ang sailing skill, enerhiya, tiyaga at team spirit ng grupo.

Binubuo ang grupo ni kapitan Echauz ng all-Filipino crew na mga bago at dating miyembro national sailing team mula sa PH Navy.

Kasama rin sa Standard Insurance Centennial V crew sina Ridgely Balladares, Rubin Cruz, Richly Magasanay, Stephen Tan, Bernard Floren, Joel Butch Mejarito, WhokDimapilis, Harry Kim Lumapas, Emanuel Amadeo,Miguel Magsanay, Franco Hilario, Louie Perfectua, Elmer Cruz, Nazer Domingo, JeansonLumapas, Alaiza Belmonte, Paula Bombeo, Ricky Domingo at Jericho Marbella.