Dyip sinagasaan ang SMB, Paul, lumipat sa Warriors

ni MC @Sports | July 17, 2023

Nalampasan ng Terrafirma Dyip ang kabuuangpanalo sa buong PBA Season 47 sa pagpapatuloy ng PBA on Tour at sungkitin ang ikaapat na panalo sa iskor na 85-72 laban sa 11-man San Miguel team kagabi sa Filoil Ecooil Centre, San Juan City.

Tanging kabuuang 3 games ang napagwagian ng Dyip noong nakaraang season laban sa 31 na pagkatalo. Ang panalo na rin ang nagpapigil sa three-game losing skid ng Dyip para umangat sa 4-6 sa isang game na lamang ang nalalabi sa kanilang iskedyul.

Namuno si Juami Tiongson para sa Terrafirma na nakagawa ng 15 puntos, six assists at three steals.

Tinapos naman Golden State Warriors ang kanilang trade sa Wizards para kay guard Chris Paul, ipinadala sina forward Patrick Baldwin Jr. at guards Jordan Poole at Ryan Rollins sa Washington kasama ang isang pares ng draft pick.

Makatatanggap ang Wizards ng 2027 second-round selection at 2030 first-round choice, sinabi ng team sa pag-anunsyo ng swap.Pinapirma rin ng Golden State ang beteranong free agent guard na si Cory Joseph.

Isang 12-time All-Star, ang 38-anyos na si Paul ay nakatakdang umakma at mag-pressure sa Splash Brother tandem nina Stephen Curry at Klay Thompson habang nagsusumikap ang Warriors na habulin ang isa pang kampeonato.

Matapos manalo ng titulo noong 2022, natalo ang Golden State sa Western Conference semifinals kay LeBron James at sa Lakers. Naabot ni Draymond Green noong nakaraang linggo ang kasunduan sa isang bagong $100 milyon, apat na taong kontrata. Nakuha ng Washington si Paul mula sa Phoenix Suns noong Hunyo 24.

Nag-average ang point guard ng 13.9 points, 8.9 assists, 4.3 rebounds at 1.54 steals sa loob ng 32.0 minuto habang sinisimulan ang lahat ng 59 laro na nilaro niya para sa Phoenix noong nakaraang season.

Mga pangalan ng U.S.A men's team sa FIBA Cup, inilabas na

ni Anthony E. Servinio / MC @Sports | July 10, 2023

Pormal na inihayag ng USA Basketball ang 12-player World Cup roster noong Huwebes, na walang pagbabago sa grupo na gumawa ng mga pangako sa mga nakaraang linggo.

Lahat ng 12 ay pumirma sa kanilang mga kasunduan na maglaro. Pumirma ang mula sa New York sina Jalen Brunson at Josh Hart; Brooklyn, Mikal Bridges at Cam Johnson, Paolo Banchero ng Orlando, Anthony Edwards ng Minnesota, Tyrese Haliburton ng Indiana, Brandon Ingram ng New Orleans, Jaren Jackson Jr. ng Memphis, Walker Kessler ng Utah, Bobby Portis ng Milwaukee at Austin Reaves ng Los Angeles Lakers.

Sasanayin ang mga manlalaro sa rules ng FIBA bago ito sumalang sa isang linggong training camp sa Agosto 2 sa Las Vegas.

Gagabayan ang koponan ni Steve Kerr ng Golden State, katuwang ni Erik Spoelstra ng Miami, Tyronn Lue ng Los Angeles Clippers at Mark Few ng Gonzaga.

Ang coaching staff ay magtitipon upang magpatuloy sa paggawa ng mga plano sa Las Vegas sa unang bahagi ng susunod na linggo.

Inaasahan ding magiging bahagi ng pagtitipon na iyon si Jim Boylen, na nagturo sa mga koponan ng G League at mga internasyonal na manlalaro na dumaan sa 12-laro na iskedyul upang maging kwalipikado ang U.S. para sa World Cup.

Sa 12 na manlalaro, siyam ang may kahit ilang nakaraang karanasan sa USA Basketball at anim — Ingram (24.7), Edwards (24.6), Brunson (24.0), Haliburton (20.7), Bridges (20.1) at Banchero (20.0) — nag-average ng hindi bababa sa 20 puntos kada laro sa NBA noong nakaraang season.

Ngunit wala pang kahit isa sa kanila ang naging bahagi ng World Cup o Olympics.

Mananatili ang mga Kano sa Maynila para sa kabuuan ng torneo at magkakaroon ng group-stage games laban sa New Zealand sa Agosto 26, Greece sa Agosto 28 at Jordan sa Agosto 30. Ang paligsahan ay ang pangunahing qualifier para sa 2024 Paris Olympics.

Poland tinalo ang Brazil, Italy winalis ang Slovenia

ni MC / Clyde Mariano @Sports | July 8, 2023

Bumida si Wilfredo Leon nang isadsad ng world’s top-ranked team Poland sa 25-23, 22-25, 25-21, 25-21 na score win ang Brazil sa Men’s Volleyball Nations League (VNL) 2023 kahapon sa Mall of Asia Arena, Pasay City.

Nagbagsak si Leon ng 22 points, 20 attacks, one block, at 1 service ace nang umibayo ang Poland sa 8-2 sa Week 3. Bumaba ang Brazil sa 7-4.

Nanguna naman si Yuri Romano para sa powerhouse Italy nang walisin ang Slovenia, 25-13. 25-22, 25-17 at palawigin ang winning streak. Naglagpak ang star opposite hitter ng 16 points, 11 attacks, three service aces, at 2 blocks nang umiskor ang Italians ng ikatlong sunod na panalo sa liga at umibayo sa 8-3.

Samantala, unang ginapi ng Slovenia ang China, 25-21, 25-20, 24-26, 25-23 upang umangat sa playoff.

Matapos ang 2-0 lead laban sa world no. 1 Poland sa pahirapang five set defeat sa nakaraang laban, may natutunang aral ang Slovenians upang gitlain ang comeback bid ng China.

Umangat ang Slovenia, world no. 8 sa 7-3 upang pumatas sa Brazil at Italy para sa third to fifth place kasunod ng kanilang unang mga panalo para kumarera sa Top-8 finish ng final preliminary leg ng VNL dito sa bansa habang ang final round ay idaraos sa Poland sa Hulyo 19 hanggang 24.

Nasundan ni Klemen Cebulj ang kanyang 20 puntos na nagawa laban sa Poland sa bisa ng 21-point masterclass, single block sa 4th upang itulak ang Slovenia sa match point.

Nakagawa si Jingyin Zhang ng 16 points para sa China na dumanas ng ikalawang sunod na talo sa Philippine leg. Sadsad ang China sa 2-8 at nasa 14th place.