E-Painters sakalam vs. BWB, Filipinas suportado sa FIFA

ni MC / Clyde Mariano @Sports | July 24, 2023

Kahit anong panahon, tag-ulan o tag-init man ay hindi napigilan ang second running Rain or Shine E-Painters at pininturahan ang Blackwater Bossing, 131-108 para sa 7 panalo sa siyam na laro sa malapit nang magtapos na dalawang buwan na tune up games sa PBA Preseason on Tour sa FilOil EcoOil Center sa San Juan City kagabi.

Ito ang pangalawang blowout na panalo ng RoS at dinuplika ang 117-88 panalo sa NLEX Road Warriors. Kinontrol ng ROS ang laro mula simula at kunin ang pangatlong sunod na panalo matapos yumuko sa Beermen at ipalasap sa Bossing ang pang-apat na kabiguan sa 10 laro.

“We wish the ‘Filipinas’ women’s team the best of luck as they make history in their FIFA World Cup debut!”

Ito ang mensahe ni Pangulong Ferdinand Marcos Jr. sa Philippine national women’s football team na gagawa ng historic debut sa FIFA World Cup.

Samantala, sinimulan na ng Filipinas ang kanilang kampanya sa Group A sa FIFA Women’s World Cup sa pakikipagtipan sa Switzerland bagamat nabigo noong Biyernes sa Forsyth Barr Stadium sa Dunedin.

Kasalukuyang ranked No. 46 sa FIFA women’s world rankings ang tropa ni Australian coach Alen Stajcic ay hahapin pa na kasunod ang mataas pa sa kanila na ika-20 puwesto at titiisin din ang malamig na panahon na may average na 7-degree Celsius (44.6-degree Fahrenheit) sa mga nakalipas na araw.

Baon ang international seasoning at experience kung saan nagsanay sila sa US, Europe, Asia at South America, ang Filipinas ay tiwala pa rin sa sandaling sumalang kontra New Zealand larong suportado ng Philippine Sports Commission.

Ang mga Pinay ay nanalo sa lima sa kanilang huling mga laro, habang ang kanilang huling talo ay ang 1-5 setback sa Sweden sa isang closed-door unofficial friendly dito noong Lunes at sa Swisso.

Table Netter Cruz, handa na 2 major int'l tournament

ni MC @Sports | July 21, 2023

Kumpiyansa si Philippine Table Tennis Federation (PTTF) president Ting Ledesma sa kahandaan ng Pinoy table netters sa pagsabak sa dalawang major international tournaments bunsod na rin ng impresibong kampanya ng Philippine Team sa nakalipas na torneo abroad.

Sasalang ang National Team, binubuo ng mga players na isinabak sa 31st SEAG sa Cambodia nitong Mayo sa prestihiyosong Asian Championship sa Set. 3-10 sa South Korea, habang nakatuon din ang paghahanda ng PTTF sa hosting ng World Junior Championship sa Oktubre sa Puerto Princesa, Palawan. “We’re happy to say that table tennis is getting better and with the recent success of our national team for the past few months sa abroad, Malaki ang impact nito lalo na sa mga kabataan na patuloy na lumalaban para mapalakas ang table tennis,” pahayag ni Ledesma patungkol sa program ng PTTF sa kabila ng kakulangan ng pondo at limitadong tulong pinansiyal mula sa pamahalaan. “Nauunawaan naman namin ang Philippine Sports Commission (PSC) dahil hindi lang naman kami ang sports na sinusuportahan nila,” aniya sa Tabloids Organization in Philippine Sports, Inc. (TOPS) ‘Usapang Sports’ nitong Huwebes sa Conference Room ng PSC sa loob ng Rizal Memorial Sports Complex sa Malate, Manila.

Binanggit din ni Ledesma sa program na itinataguyod ng PSC, Behrouz Persian Cuisine at Pocari Sweat na galing sa mga kaibigan, pribadong sector at sariling pera ang gagamitin ng Phl team sa Asian Championship. Pangungunahan ni Kheith Rhynne Cruz, ang No.1 women player sa bansa, ang kampanya sa Korea na target ang medalya na magbibigay sa koponan nang panibagong sigla bago ang World Junior event sa Palawan.

Galing ang 16-anyos na si Cruz sa 2 gold finish sa SEA Youth C'ships sa Brunei at pangunahan ang girls team sa silver medal finish sa team event.

Gilas girls u16 nang talunin ang Iran, angat sa Division A

ni MC @Sports | July 18, 2023

Umalagwa sa huling bahagi ng second-quarter ang girls ng Gilas Pilipinas under-16 team upang agarang magapi ang Iran at tuluyang pumalaot ang Pilipinas sa 83-60 na pagwawagi sa Division B finals ng FIBA U16 Women’s Asian Championship sa City Arena Prince Hamza kahapon ng umaga.

Napigilan ng Filipinas ang mas matatangkad pero wala pang karanasan na Iranians, first-time participant sa torneo na naungusan agad sa 11 points sa second period at manaig sa scoring kontra sa itinuturing na mabigat na katunggali mula sa Middle East sa bisa ng 22-11, at umalagwa pa sa 41-26 lead sa first half.

Nagpakawala agad ang Gilas Pilipinas ng 9-0 start sa third at napinigilan ang Iran nang walang nagawang field goal sa higit 5 minuto at tuluyang mahawakan ng Pinay cagebelles ang tempo.

Sa third quarter, nagpatuloy sa pagbibigay ng pressure ang Gilas nang hindi man lang pinapaiskor ang Iranians sa unang tatlo at kalahating minuto sa bisa ng matitinding depensa.

Pinahirapan ni Allysa Palma sa kanyang interior defense ang katunggali sa bisa ng two blocks sa unang 4 na minutong laro habang ang ibang Filipinas ay pumukol ng 12 na hindi masagot na puntos ng Iran para sa 53-26 lead nang sundan pa ng three-point basket ni Sophia Canindo sa nalalabing 7:02 sa third at hindi na lumingon pa ng Gilas.

Sa pagwalis sa 5 laro sa torneo at itinanghal na kampeon sa Division B, umangat ang Gilas cagebelles sa Division A ng FIBA U16 Asian Championship at magsisimulang makalaro ang top-tier teams simula sa 2025 edition ng tournament.