Putol-tubig ng Maynilad at Manila Water, suspendido

ni Lolet Abania | August 4, 2021

Naglabas ng direktiba ang Metropolitan Waterworks and Sewerage System Regulatory Office (MWSS-RO) sa Maynilad at Manila Water na isuspinde muna ang mga disconnection activities matapos na isailalim ng gobyerno ang National Capital Region (NCR) sa enhanced community quarantine (ECQ) mula Agosto 6 hanggang 20.

Sa isang pahayag ngayong Miyerkules, inatasan ng MWSS-RO ang mga water concessionaires na suspendihin nila ang nakatakdang pagputol sa serbisyo ng tubig sa mga residente sa NCR sa panahon ng ECQ. Anila, “To ensure water supply availability within their service areas.”

Isasailalim ang NCR sa ECQ sa loob ng dalawang linggo dahil sa panganib na maaaring maidulot ng Delta variant ng COVID-19. “Maynilad will suspend the disconnection of the water service of accounts with bills that fall due within the ECQ period. This is in compliance with the directive of our regulators, and also in line with our effort to ease the financial burden on our customers whose livelihood may be constrained by the ECQ restrictions,” pahayag ng pamunuan ng Maynilad.

Ayon naman sa Manila Water, “As directed by the MWSS-RO, we will abide with the directive and suspend disconnection activities during the ECQ from August 6 to 20.” Samantala, umapela ang MWSS-RO sa local government units (LGUs) sa Metro Manila, Cavite, at Rizal na payagan ang mga meter readers ng Maynilad at Manila Water na ipagpatuloy ang on-site water reading at billing operations kahit nasa ilalim na ng ECQ.

“This will enable the concessionaires to bill their customers based on the actual water consumption, and help minimize billing complaints that may abound if the customers were to be billed on average consumption,” paliwanag ng MWSS-RO. Tiniyak naman ng ahensiya na ipapatupad ng Maynilad at Manila Water sa kanilang meter readers at iba pang personnel ang mga health at safety protocols habang nagsasagawa ng “read-and-bill.” “The agency will continue to protect the welfare of the public, especially during this difficult time of the pandemic,” sabi pa ng MWSS-RO.

Kasalukuyang nagseserbisyo ang Maynilad sa mga customers na nasa west zone gaya ng mga lungsod ng Caloocan, Las Piñas, Makati, Malabon, Manila, Muntinlupa, Navotas, Parañaque, Pasay, Quezon, Valenzuela. Kabilang din ang mga lugar sa Cavite tulad ng mga siyudad ng Bacoor, Cavite, at Imus at mga bayan ng Kawit, Noveleta, at Rosario.

Ang Manila Water ay nagseserbisyo naman sa east zone kabilang ang Mandaluyong, Makati, Pasig, Pateros, San Juan, Taguig, Marikina, at bahagi ng Quezon City at Manila, at mga bayan ng Angono, Baras, Binangonan, Cainta, Cardona, Jalajala, Morong, Pililia, Rodriguez, Tanay, Taytay, Teresa, San Mateo, at Antipolo sa lalawigan ng Rizal.

Mga lugar sa Metro Manila at Cavite mawawalan ng tubig

ni Lolet Abania | June 7, 2021

Inianunsiyo ng Maynilad Water Services, Inc. sa lahat ng kanilang mga kostumer ang posibleng service interruptions sa Metro Manila at Cavite ngayong linggo.

Sa mga advisories na nai-post sa social media account ng Maynilad, asahan nang makararanas ng low pressure o mahina hanggang sa walang supply ng tubig sa mga sumusunod na lugar:

Sa Caloocan City – Hunyo 7 (1 PM-9 PM), mahina hanggang sa walang supply ng tubig dahil sa mataas na demand ng tubig sa Bagbag Reservoir.

Ang mga apektadong lugar ay Barangay 6, 8, 10,11,12, 53, 54, 55, 77, 78, 80, 81, 83 to 99, 101, 102, 103, 105, 106, 107, 109 to 116, 122 to 136, 138 to 142, 144 to 147, 150, 151, 161, 164, Balingasa, at San Jose.

Sa Malabon City – Hunyo 7 (1 PM-9 PM), mahina hanggang sa walang supply ng tubig dahil sa mataas na demand ng tubig sa Bagbag Reservoir.

Ang mga apektadong lugar ay Barangay 161, Concepcion, Dampalit, Hulong Duhat, Ibaba, Longos, Maysilo, Panghulo, Potrero, San Agustin, Santolan, Tanong, at Tonsuya. Sa Parañaque City – Hunyo 7 (1 PM) hanggang Hunyo 8 (1 AM), mahina hanggang sa walang supply ng tubig dahil sa mataas na demand ng tubig sa Bagbag Reservoir.

Ang mga apektadong lugar ay Barangay BF Homes, BF International/CAA, at San Pedro. Sa Hunyo 9 (6 AM hanggang 9 PM), mayroong facility maintenance activity sa Putatan Water Treatment Plant 1.

Ang mga apektadong lugar ay BF Homes, Don Bosco (Aeropark, Dona Soledad Ext., Russia, Saudi Arabia), Marcelo Green (Sampaguita Ave., Marcelo Phase 8, San Antonio (along Dr. A. Santos, Goodwill 3, Soreena, Meliton), at San Martin De Porres.

Sa Hunyo 9 (4 PM) hanggang Hunyo 10 (12 midnight), magkakaroon ng facility maintenance activity sa Putatan Water Treatment Plant 1.

Ang mga apektadong lugar ay Don Bosco (Malacañang Subd., Remmanville Executive Subd., Sta. Magdalena St.), Marcelo Green (Remaining Barangay Marcelo Green areas along Marcelo Avenue), Merville, Moonwalk, San Antonio (San Antonio Valleys, Welcome Village), at San Isidro.

Sa Pasay City – Hunyo 9 (4 PM) hanggang Hunyo 10 (12 midnight), mayroong facility maintenance activity sa Putatan Water Treatment Plant 1.

Ang mga apektadong lugar ay Barangay 181 to 185, at 201. Sa Imus City – Hunyo 7 (3 PM) hanggang Hunyo 8 (5 AM), mahina hanggang sa walang supply ng tubig dahil sa mataas na demand ng tubig sa Aguinaldo Pumping Station.

Ang mga apektadong lugar ay Barangay Anabu II-C, Anabu II-C (south of Daanghari), Anabu II-E, Anabu II-F, Malagasang I-D to Malagasang I-F, Malagasang II-A to Malagasang II-D, Malagasang II-F, at Malagasang II-G.

Sa Hunyo 9 (10 PM) hanggang June 10 (3 AM), mahina hanggang sa walang supply ng tubig dahil sa network maintenance sa kahabaan ng Villa Nicasia.

Apektado ang Barangay Tanzang Luma II at ang mga lugar papuntang Villa Nicasia III, Better Life Subd. Kasalukuyang nagseserbisyo ang Maynilad sa mga kostumer sa west zone, kabilang ang mga lungsod ng Caloocan, Las Piñas, Makati, Malabon Manila, Muntinlupa, Navotas, Parañaque, Pasay, Quezon at Valenzuela, gayundin sa ilang lugar sa Cavite gaya ng Bacoor, Imus, Kawit, Noveleta at Rosario.

Walang tubig mula Hunyo 7-10

ni Lolet Abania | June 4, 2021

Makararanas ng pagkawala ng serbisyo ng tubig ang mga kustomer ng Maynilad Water Services, Inc. sa bahagi ng Makati, Pasay, Parañaque, Quezon City at Valenzuela simula sa Lunes (Hunyo 7) hanggang Huwebes (Hunyo 10).

Sa isang advisory, ayon sa Maynilad, ang Bangkal, Magallanes, Pio del Pilar at San Isidro sa Makati ay mawawalan ng tubig simula 11 PM ng Lunes (Hunyo 7) hanggang 7 AM ng Martes (Hunyo 8).

Ayon sa Maynilad, ang water interruption ay dahil sa pagkakabit ng isang 1.3 feet diameter flowmeter sa Arnaiz corner Manila South Diversion Road sa Barangay Pio Del Pilar.

Ang Don Bosco, Marcelo Green Village, Merville, Moonwalk, San Antonio, San Isidro, San Martin De Porres, at Sun Valley sa Parañaque ay walang supply ng tubig mula 7 PM ng Hunyo 7 hanggang 7 AM ng Hunyo 8, habang sa Barangays 181 hanggang 185 at Barangay 201 sa Pasay City ay may water interruptions sa pareho ring oras at petsa.

Sinabi ng Maynilad na magsasagawa sila ng mga repairs ng isang leak sa 3 feet diameter water pipeline sa kahabaan ng West Service Road at maintenance activities para sa Villamor Pumping Station sa Barangay 183.

Samantala, ilang kustomer sa Quezon City at Ugong, Valenzuela City ang mawawalan ng supply ng tubig simula 9 PM ng Martes (Hunyo 8 hanggang 1 AM ng Huwebes (Hunyo 10).

Apektado ang mga lugar sa Quezon City kabilang ang Bagbag, Bagong Silangan, Batasan Hills, Commonwealth, Greater Fairview, Gulod, Holy Spirit, Nagkaisang Nayon, North Fairview, Payatas, San Bartolome, Santa Lucia, Santa Monica, Sauyo, at Talipapa dahil sa water interruptions.

Pansamantalang isa-shutdown ng Maynilad ang kanilang North C Pumping Station at North C Annex sa Quezon City para sa gagawing leak repair, kasabay ng maintenance works sa naturang pasilidad.

Magsasagawa rin ng interconnection sa mga bagong installed water pipelines sa Barangay Batasan Hills, Commonwealth at Payatas, gayundin, ang decommissioning ng mga kasalukuyang water pipeline sa Barangay Santa Lucia, Quezon City.

Pinapayuhan ng Maynilad ang lahat ng kustomer na mag-ipon ng sapat na tubig.