Nanood, nag-share ng video ng Ateneo shooting, iimbestigahan — NBI

by Jeff Tumbado @News | August 26, 2026

Photo: File / LTO

Iimbestigahan ng National Bureau of Investigation (NBI) ang mga indibidwal na umano’y nanood, kumuha ng video at nagbahagi sa social media ng footage kaugnay ng shooting incident sa Ateneo de Zamboanga University (ADZU) kamakailan.

Ayon kay NBI Director Melvin Matibag, bahagi ng isasagawang imbestigasyon ang pagtukoy sa mga taong nag-record at nagpakalat ng mga video ng insidente.

Tinitingnan din ng mga awtoridad kung may paglabag sa batas o iba pang posibleng pananagutan ang mga sangkot sa pagbabahagi ng naturang mga materyal.

Samantala, tinukoy na rin ng NBI ang isang grupo ng ‘groomers’ ng mga menor-de-edad sa social media.

Sinabi ni Matibag na napasok nila ang group chat ng mga ito na nag-collapse kalaunan.

Nasa libo aniya ang miyembro ng grupo, kabilang ang mula sa ibang bansa pero karamiha’y mga Pilipino.

Pawang 12 hanggang 19-anyos, sabi ni Matibag, ang tina-targetnito, at pinagagawa ng karahasan ang mga biktima bilang bahagi ng ‘initiation.’

Kapag nagawa umano ito, magkakaroon sila ng promotion, halimbawa kung papatayin ang sarili ay mapo-promote sila sa ‘sainthood.’

Dagdag ni Matibag na posibleng galing sa iisang grupo ng groomers ang nang-impluwensya sa mga estudyanteng shooter sa San Jose National High School sa Tacloban City at sa Ateneo de Zamboanga University sa Zamboanga.

Makikipagpulong aniya sila kay Executive Secretary Ralph Recto, mga opisyal ng DICT, Cybercrime Investigation and Coordinating Center (CICC) at sa Meta sa Huwebes.

100 websites na nag-i-stream ng school shootings, iba-block ng telcos

by Mervin Reyes @News | August 23, 2026

Photo: Circulated

Mahigit 100 website na nagho-host o nag-i-stream ng footage ng school shootings at iba pang matinding karahasan ang iba-block ng PLDT, Smart at Globe kasunod ng pamamaril sa isang paaralan sa Zamboanga City.

Sinabi ng PLDT na saklaw din ng blocking ang network ng Smart, kaya hindi na maa-access ng kanilang subscribers ang mga natukoy na website.

“We have decided to ban these kinds of sites preemptively, as soon as they are discovered. Our networks will not be used as a channel for content that glorifies violence and puts our communities, especially our children, at risk,”  ani PLDT Chief Operating Officer Butch Jimenez.

Ayon naman kay Globe General Counsel Froilan Castelo, may pananagutan ang telcos na makatulong sa mas ligtas na online environment, lalo na para sa mga bata.

Pamamaril sa US, 12 patay, mahigit 50 sugatan

ni Mary Gutierrez Almirañez | May 24, 2021

Labingdalawa ang patay, habang mahigit 50 ang sugatan sa naganap na mass shooting sa United States nitong Linggo.

Ayon sa ulat, nangyari iyon matapos ipagbawal ni US President Joe Biden ang paggamit ng ‘assault weapons’ upang hindi na maulit ang magkakasunod na barilan sa FedEx facility sa Indianapolis, sa isang office building sa California, sa grocery store sa Boulder Colorado at maging sa birthday party at ilang spa sa Atlanta.

Sabi pa ni Biden, “(I) did not need to wait another minute, let alone an hour, to take common sense steps that will save lives in the future and to urge my colleagues in the House and Senate to act."

Aniya, "We can ban assault weapons and high capacity magazines in this country once again."

Sa kabuuan nama’y mahigit 200 mass shooting incident na ang iniulat, simula nu’ng naganap ang barilan sa magkakahiwalay na lugar sa America, batay sa tala ng Gun Violence Archive.

Sa ngayon ay hindi pa rin malinaw ang nangyayaring barilan.