Mindanao State University gymnasium binomba, 4 patay

ni Eli San Miguel - Trainee @News | December 3, 2023

Patay ang hindi bababa sa apat na katao nang may naganap na pagsabog sa gymnasium ng Mindanao State University (MSU) sa Lungsod ng Marawi, ngayong Linggo.

Nangyari ang pagsabog habang isinasagawa ang misa sa gymnasium ng unibersidad.

Mahigit sa 40 katao ang dinala sa pampublikong ospital na Amai Pakpak Medical Center matapos ang mapaminsalang pagsabog. Anim sa kanila ang nasa loob ng operating room.

Naglabas na ng pahayag ang MSU ukol sa insidente.

“We unequivocally condemn in the strongest possible terms this senseless and horrific act and extend our heartfelt condolences to the victims and their families,” pahayag nila.

Kinondena rin ni Lanao del Sur Governor Mamintal Alonto Adiong Jr. ang "pambobomba" at nanawagan sa mga otoridad na imbestigahan ang pangyayari.

“Here in my province, we uphold basic human rights, and that includes the right to religion. Terroristic attacks on educational institutions must also be condemned because these are places that promote the culture of peace and mold our youth to be the future shapers of this country,” aniya.

Sinabi ni Police BGen Allan Nobleza, direktor ng Police Regional Office-Bangsamoro Autonomous Region in Muslim Mindanao, na hindi pa natutukoy ng mga otoridad ang motibo o ang uri ng pampasabog na ginamit.

"Tinitingnan pa natin kung ito ba ay may koneksyon sa mga operations na inilunsad ng puwersa ng kasundaluhan at kapulisan sa BARMM," pahayag ni Nobleza.

Marawi City, 7 pang bayan sa Mindanao, isinailalim sa Comelec control

ni Lolet Abania | April 26, 2022

Inianunsiyo ng Commission on Elections (Comelec) ngayong Martes na inilagay ang Marawi City at pitong iba pang munisipalidad sa Mindanao sa ilalim ng kanilang kontrol, batay sa rekomendasyon mula sa security forces ng gobyerno.

Labintatlong araw bago ang May 9 elections, inilagay sa ilalim ng Comelec control ang walong sumusunod na lugar sa Mindanao:

Sa Maguindanao:

• Buluan

• Datu Odin Sinsuat

• Datu Piang

• Mangudadatu

• Pandag

• Sultan Kudarat

Sa Lanao del Sur

• Marawi City

• Maguing

Ang Marawi City ay tinaguriang “ground zero” dahil sa 5-buwang mahabang labanan sa pagitan ng government security forces at ng ISIS-linked Maute group.

“Upon the joint recommendation of the Philippine National Police and Armed Forces of the Philippines and Regional Election Director Ray Sumalipao, the Committee on the Ban on Firearms and Security Concerns (CBFSC) placed [has placed these areas] under COMELEC control,” saad ni Comelec Chairman Saidamen Pangarungan sa isang statement.

Una na ring isinailalim ng Comelec sa kanilang kontrol ang bayan ng Tubaran at Malabang sa Lanao del Sur.

Sa Comelec Resolution No. 10757, nakasaad na ang isang lugar ay maaaring isailalim sa Comelec control batay sa sumusunod na mga pangyayari:

• History of/or current intense rivalry among contending parties. Such rivalries could motivate people to engage in violent acts;

• Incidents of politically-motivated violence involving aspirants/candidates and other supporters;

• Violence may be facilitated by the employment of Private Armed Groups (PAGs); and

• Serious armed threats posed by the Communist Terrorist Groups (CTGs), & other threat groups including BIFFs, Abu Sayyaf Group, Maute Group, & other analogous threat groups as may be declared by the competent authority or other paramilitary forces, private armies or identifiable armed bands widely perceived to have committed terrorism, fraud or other election irregularities and threaten or disrupt the holding of free, peaceful, honest, orderly, & credible elections in any political division, subdivision, unit or area.

Ayon pa sa Comelec, na-identify na rin nila ang 104 “areas of election concern” sa buong bansa, subalit hindi pa muna nila ilalabas kung saan naka-pending para sa anila, “monitoring".

Matapos ang giyera noong 2017... Pabahay sa mga taga-Marawi, ipamimigay na

ni Zel Fernandez | April 25, 2022

Nakatakdang pagkalooban ng pamahalaan ng mga karagdagang permanent shelters ang mga taga-Marawi na wala pa ring disenteng tahanan hanggang sa kasalukuyan.

Sa pagpapatuloy ng isinasagawang rehabilitation efforts ng gobyerno sa Marawi City, ipinahayag ng Department of Human Settlements and Urban Development (DSHUD) na nakatakda nitong ipamahagi ang mga karagdagang housing units sa mga pamilyang nawalan ng tirahan noong sumiklab ang giyera sa lungsod taong 2017.

Ayon kay Task Force Bangon Marawi Chairman at DSHUD Secretary Eduardo Del Rosario, tinatayang aabot sa 400 housing units ang ipamimigay ng ahensiya sa mga Marawi internally displaced persons (IDPs).

Kaugnay nito, nananatiling positibo ang kalihim na makababangong muli ang ekonomiya sa lungsod kasunod ng pagtatapos ng mga proyektong imprastruktura, habang inaasahan na mas marami pang IDPs ang makababalik na sa pinakaapektadong lugar sa mga susunod na buwan.

Samantala, ang mga housing units ay nakatakda namang ipagkaloob sa darating na Mayo, kasabay ng pagdiriwang ng Week of Peace.