Oranza at Morales, una sa Nat'l cyclists ng Tour of Luzon

ni VA @Sports | Apr. 22, 2025

• 

Photo: Muling masisilayan ang pagpedal ng mga cycling icon na sina Jan Paul Morales at Ronald Oranza sa Tour of Luzon.

Dalawa sa 10 miyembro ng Philcycling National men's team na Southeast Asian Games medalist Ronald Oranza at Jan Paul Morales ang papadyak katunggali iba't ibang teams sa Tour of Luzon: Great Revival na magsisimula sa Huwebes (April 24) sa Paoay, Ilocos Norte.

Pangungunahan ni Oranza, double bronze medalist ng Cambodia 2023 SEAG at ni Morales ang lider sa International Cycling Union (UCI) continental team kasama si veteran Junrey Navarra ang 8th-stage race.

Kakarera rin sina reigning national road champion Marcelo Felipe at Nichol Pareja, sa continental team, Victoria Sports Pro Cycling Team, maging si Ruzzel Agapito ng 7-Eleven Click Roadbike. Sasabak ang teams ng Go For Gold PHL, Dandex T-Prime Cycling, Exodus Army, MPT Drive Hub Cycling, 1 Team Visayas, One Cycling Mindanao at Team Pangasinan.

Mangunguna sina Steven Tablizo at Andrei Deudor sa PHL Under-23 Tom N Toms squad, Joshua Pascual at Julius Tudtud ng Excellent Noodles at Dreyna Orion Cement squads.

Ang opening ceremony ay sa quadrangle ng world heritage site San Agustin (Paoay) Church kung saan si DILG Secretary “Jonvic” Remulla kasama si Abraham “Bambol” Tolentino, pangulo ng POC at PhilCycling na magbubukas.

Iwe-welcome ng gobernador at lider ng Paoay ang 119 atleta at 17 teams sa opening ceremony habang si MPTC Chief Regulatory Officer Arrey Perez ang sa opening remarks. Patutunugin ni DuckWorld chairman Patrick “Pató Gregorio ang kampana na hudyat ng simula ng criterium at track races.

Iuuwi ng individual overall winner ang P500K at ang overall team champion ay P1-M. Dumating na ang CCN Factory Hong Kong kahapon, kasunod ang Malaysia Pro Cycling, Bryton Racing Team ng Taiwan at Gapyeong Cycling Team ng South Korea na darating sa Laoag ngayong Martes. Ang Tour ay may kabuuang 1,074.90-km.

Tuloy ang laban sa Tour of Luzon ng isang siklistang naaksidente

ni MC @Sports News | Apr. 21, 2025

• 

Photo: Bagamat may isang rider ng Mindanao ang naaksidente sa isang ensayo sa Bocaue, Bulacan, nakapagpatahi na ng sugat sa tuhod ay lalaban pa rin ang Pinoy cyclist sa Abril 24 sa Tour of Luzon na idaraos sa Paoay, Ilocos Norte.

Sugatan man ang isang siklistang taga-Mindanao ay nakapagpatahi agad ito ng kanyang malaking sugat sa tuhod upang makahabol sa pagragasa ng Tour of Luzon: The Great Revival na magsisimula sa Abril 24 sa Paoay, Ilocos Norte.

Naaksidente ang hindi na pinangalanang rider sa Bocaue, Bulacan nitong Semana Santa at aniya matapos lapatan ng lunas ang duguang tuhod ay tuloy pa rin ang laban sa Tour na suportado ng Department of the Interior and Local Government (DILG) na nagbalik matapos ang 2 taon na pagtigil ng pedalan na aarangkada muli.

“The revival of this very popular cycling event in the country can foster sports consciousness capable of promoting camaraderie and the spirit of competitiveness among our people,” ayon kay DILG Secretary Juanito Victor “Jonvic” Remulla sa isang memorandum na higit na kailangan ang tulong ng local government units para sa ikatatagumpay ng eight-stage tour.

“All local government units and their officials are hereby enjoined to ensure the orderly and peaceful conduct of the event,” dagdag niya na inaasahan sa opening ceremony ng “The Great Revival” sa tanghali ng Miyerkules (Abril 23) kasama si Abraham “Bambol” Tolentino, pangulo ng Philippine Olympic Committee at ng PhilCycling.

“We are grateful for this support from Secretary Jonvic because the Tour of Luzon isn’t just about cycling and sports, the LGUs are very much involved in this event,” anaman ni Patrick “Pató” Gregorio, ang chairman organizer ng DuckWorld PH.

Iuuwi ng individual overall winner ang P500,000 kung saan ang overall team champion ay may P1-M sa Tour na inagapayan din ng MVP Group’s Metro Pacific Tollways Corp. ni Chief Regulatory Officer Arrey Perez, Iikutin ng tour ang 60 siyudad at munisipalidad sa 7 probinsiya sa North at Central Luzon—Ilocos Norte, Ilocos Sur, La Union, Pangasinan, Tarlac at Pampanga kung saan sa New Clark City ang Executive Race sa Abril 27.

May 17 teams at 119 riders ang sisikad sa Tour na suportado rin ng ng MVP Group’s Meralco, Metro Pacific Investment Corporation at Maynilad.

Flores at Diaz overall champ, pangarap ang National Team

ni Anthony E. Servinio @Sports | Feb. 4, 2025

• 

Photo: Ang mga nag-overall champion sa tatlong karera ng 711 simultaneous run ng Muntinlupa, Davao at Cebu na sina Eduard Flores, Edsel Mural, Maricar Camacho sa 42km, Richard Salano at Arlan Arbois ng 32km, 2nd place si Nhea Ann Barcena at Macrose Dichoso sa 32km, kasama sina Ricky Organisa at Dickyias Mendioro sa 21km na ginawaran ng cash prize ang mga kampeon ng P25thou ni Jose C. Ang, 711 Head Gen Merchandise Division. (A. Servinio)

Patuloy ang pag-usbong ng baguhang si Eduard Flores at idagdag na ang Run 7-Eleven 2025 sa kanyang mga karangalan.

Naitala ng tubong General Santos ang pinakamabilis na oras sa Marathon na sabay-sabay ginanap sa mga lungsod ng Muntinlupa, Cebu at Davao simula Sabado ng gabi hanggang madaling araw ng Linggo.

Umoras si Flores ng 2:32:07 upang mabuo ang apat na ikot at 42.195 kilometro sa loob ng Filinvest-Alabang sa Muntinlupa.

Pumangalawa si Edsel Moral (2:34:01) habang pangatlo ang kampeon ng Cebu City na si Jerald Zabala (1:34:44). “Pangarap ko talaga maging bahagi ng pambansang koponan,” wika ni Flores na dating manlalaro ng UP-Diliman sa UAAP Athletics.

Makakatikim si Flores kung paano katawanin ang Pilipinas at ang mga nagwagi ay ipapadala sa isang pandaigdigang karera ngayong taon.

Sa panig ng kababaihan, pinakamabilis si April Rose Diaz na kampeon ng Davao at ang oras niyang 3:17:45.

Ito ay 31 segundo lang ang agwat sa kampeon sa Muntinlupa Maricar Camacho na 3:18:16 habang pangatlo si Rosalyn Tadlas ng Davao (3:18:34). Naging malupit ang palitan ng hakbang at sa huli ay nanaig si Richard Salano (1:47:37) kay Arlan Arbois (1:50:40) sa 32-kilometro sa Muntinlupa.

Pangatlo ang kampeon ng Cebu Jason Padayao (1:52:27) sa rutang nagsimula at nagtapos sa Citi de Mare at tampok ang tulay ng Cebu-Cordova Link Expressway.

Sa Cebu rin tumakbo ang pangkalahatang nagwagi sa kababaihan na si Cherry Andrin (2:21:08).

Sinundan siya ng mga sumalang sa Muntinlupa Nhea Ann Barcena (2:23:23) at Macrose Dichoso (2:24:59).

Reyna ng Half-Marathon o 21.1 kilometro ang pambansang atleta Christine Hallasgo na tinapos ang karera sa SM Davao sa 1:24:23 at malayo sa mga kapwa-kampeon Artjoy Torregosa ng Cebu (1:29:47) at Joida Gagnao ng Muntinlupa (1:31:26). Ang mga wagi sa kalalakihan ay sina Ricky Organisa (1:09:25) at Dickyias Mendioro (1:10:24) ng Muntinlupa at John Mark Dizon (1:12:00) ng Cebu. (A. Servinio)