May laban si Pacquiao sa huling bahagi ng taon

by Gerard Arce @Sports News | July 16, 2026

 Photo:File

Nananatiling bukas sa posibilidad na magkaroon ng laban ngayong taon si 8th-division World champion Manny “Pacman” Pacquiao bagamat naantala ang inaabangang bigtime rematch kontra American boxing legend Floyd “Money” Mayweather Jr. na nakatakda dapat sa Setyembre 2026 sa Las Vegas, Nevada.

May namumuong plano na laban para sa 47-anyos na Filipino boxing legend at hinahanapan ng makakatunggali ng kanyang kampo na itatakda sa huling quarter ngayong taon, bago tumulak sa laban kay Mayweather sa Enero 2027. 

“We are looking for the right partners to do an exhibition, and then find boxers for a pro-fight, so there will be a lot of things coming up,” pahayag ni MP Promotions Chief Executive Officer Jaspreet “Jas” Mathur. “There is a plan to have a fight this year and to roll into next year for the big fight.”

Bukod umano sa undefeated American boxer, nauna na ring inasinta ng kampo ni Pacquiao ang sumabak ito sa isang panibagong world title fight, kung saan huling beses sumabak ang pambato ng General Santos City kontra Mario “El Azteca” Barrios para sa World Boxing Council (WBC) welterweight title noong Hulyo 19, 2025 sa MGM Grand Garden Arena sa Las Vegas. 

Nagtapos ang naturang upakan sa kontrobersyal na majority draw, upang mapanatili ng Mexican-American ang kanyang titulo, na kalauna’y naagaw sa kanya ni Ryan “KingRy” Garcia sa bisa ng 12-round unanimous decision nitong Pebrero 21 sa T-Mobile Arena sa Las Vegas, Nevada.

“We have a lot of boxers that are possible candidates for a pro fight, yes, we do, we always have. I mean, even before the Floyd fight came about, I had somebody else that I wanted to put in a fight together who’s actually very close to me, another pro boxer who is champion right now,” wika ni Mathur, kung saan inamin nitong target nilang makalaban si World Boxing Association (WBA) titlist Rolando “Rolly” Romero, bago pa ito mailinya sa laban kay Teofimo Lopez sa darating na Agosto 22.

“I actually want to put the Rolly fight together; that was my plan from the beginning. I was even talking about it last year because I’m already with Manny, and Rolly is also with my company in Limitless. Rolly is also a dear good friend. So that’s a very direct situation,” dagdag ng 41-anyos na tubong New Delhi, India, na tinukoy ring posibilidad sana si Ryan Garcia.

“Everything is on the table; it’s on the table. All of these boxers are on the table, but our focus is on what is in front of us right now, and as I said, we want to break records.” 

Pac-May 2 walang atrasan tatala ng bagong kasaysayan

by Gerard Arce @Sports News | July 14, 2026

 Photo:File / Netflix

Nanindigan ang kampo ng nag-iisang eight-division World champion Manny “Pacman” Pacquiao na maitutulak ang inaabangang rematch kontra American boxing legend Floyd “Money” Mayweather sa susunod na taon na tinitingnang lilikhang muli ng maraming rekords sa kasaysayan.

Matagal inantabayanan ang ikalawang sagupaan sa pagitan ng dalawang International Boxing Hall of Famer na unang nasilayan noong Mayo 2, 2015 sa binansagang “Battle for Greatness” o “Fight of the Century” na ginanap sa jampacked na MGM Grand, kung saan lumikha ng kasaysayan pagdating sa pay-per-view at kabuuang kinita sa pandaigdigan.

Ito pa rin ang nananatiling naratibo ni MP Promotions Chief Executive Officer Jaspreet “Jas” Mathur kasunod ng panibagong pagkaka-antala ng nakatakdang sagupaan sa Setyembre 25 sa Las Vegas, Nevada at patuloy nilang ibibigay kung ano ang gusto ng nakararaming sports fans sa buong mundo, at maaaring sumira sa naunang nilang ginawang rekord.  

“What the fans want to see is what the fans want to see, [and] what the people want to see, what the people want to see. Everybody wants to see Floyd and Manny one more time. That’s going to break more records; that’s going to be the most-viewed event again in today’s era, in the streaming era,” pahayag ni Mathur kahapon sa ginanap na press conference sa Wilcon IT Hub sa Makati City. 

“They both this one fight to happen. Floyd is not backing down from this, and neither is Manny. Neither of them is backing down; there’s never been an instance that their backing out. Floyd has never backed out of a fight in his life; I don’t think he’s going to back out of the fight today.”

Matatandaang nasangkot sa isang ‘Breach of Contract’ na kaso si Mayweather na isinampa ng CSI Sports Events, na siyang namamahala sa exhibition fight kontra Mike Tyson, kung saan napaulat na mayroon ding kaantabay na exhibition match si Mayweather laban kay Mike Zambidis ng Greece.

“Negotiation is happening until the last day, when it comes to Floyd, so, negotiations are negotiations, that’s business. No one’s not open to negotiations, just negotiations between parties that have their head straight and better looking for the finish line with a deal,” eksplika ng 41-anyos na tubong New Delhi, India.

“There’s a very complicated situation, even though frustrating for Manny, Manny understands because I took the time to explain to Manny exactly whats been going on here from day one.”

Wala pa mang nakalatag na eksaktong petsa sa kanilang laban sa susunod na taon, nananatiling bukas ang pintuan ng 47-anyos na Filipino boxing legend sa anumang exhibition fight, o kaya’y maging sa anumang world title fight, kung saan maaaring iharap rito sa mga susunod na laban sina World Boxing Association (WBA) welterweight titlists Rolando “Rolly” Romero, World Boxing Council (WBC) champ Ryan “KingRy” Garcia o maging si International Boxing Federation Liam Paro ng Australia.

“Everything is on the table; it’s on the table. All of these boxers are on the table, but we’re focus is on what is in front of us right now, and as I said, we want to break records,” wika ni Mathur.

Pac-May Fight nabalahaw uli, may kaso pa ang mamang itim

by Gerard Arce @Sports News | June 27, 2026

Photo: File

Wala pang katiyakan ang eksaktong petsa ng inaantabayanang makasaysayang rematch sa pagitan nina unbeaten Floyd “Money” Mayweather at nag-iisang 8th-division titlist Manny “Pacman” Pacquiao matapos itong ipagpaliban pansamantala kasunod ng kasong kinakaharap ng unbeaten American boxer sa ibang promotion.

Kinumpirma ni Pacquiao sa Boxingscene na ang planadong salpukan sa Setyembre 25 sa Netflix ay pormal ng ipinatigil dulot ng kinakaharap na ‘breach of contract’ ni Mayweather na isinampa ng CSI Sports Events, na siyang namamahala sa exhibition fight kontra Mike Tyson, kung saan napaulat na mayroon ring kaantabay na exhibition match si Mayweather laban kay Mike Zambidis ng Greece.

Ang mga paglilitis na kinasasangkutan ng CSI sa U.S. Southern District Court ng New York ay naglalayong magbigay ng utos sa pagtatangkang labanan ni Mayweather sa isang eksibisyon sa Greece laban kay Zambidis.

Sakaling maisaayos ni Mayweather ang isyung legal sa CSI, maaaring maitulak ang laban sa Setyembre na magsasantabi sa laban kontra Pacquiao, kaya’t tinitingnan na mauurong ang nasabing rematch, na sinasabing maaaring ganapin na lamang sa susunod na taon sa Las Vegas, Nevada sa Estados Unidos.

Mayroong nakalatag na concert sa The Sphere, na pagmamay-ari ng Madison Square Garden sa Set. 19 na katatampukan ng legendary band na Eagles, kaya’t ito ang isa sa naging dahilan upang ilipat ang laban. 

Nakatakda sanang ganapin ang exhibition match nina Mayweather at Tyson noong Abril 25 sa Republic of Congo bilang pagkilala sa 1974 ‘Rumble in the Jungle,’ subalit nausog matapos ma-injured si Tyson sa ensayo. Sa kabilang banda, nagkaroon na rin ng pagbabago sa petsa ng laban ng Pac-May 2 na nalipat mula sa The Sphere sa Sept. 19 patungo sa MGM Grand sa Sept 25.