Luis, duda kung anak niya si Peanut

ni Angela Fernando @Entertainment News | June 13, 2024

Nag-takeover si Jessy Mendiola sa YouTube channel ng asawang si Luis Manzano para sa Father's Day special ng ‘Luis Listens’ at upang ipakita ang sacrifices ng mister para sa kanilang pamilya.

Sa episode na ito ng vlog ni Luis, nausisa ni Jessy kung may advice at kung ano ang natutunan ng mister bilang ama sa anak nilang si Isabella Rose Tawile "Peanut" Manzano. Pagbabahagi naman ni Luis sa mga katulad nilang magulang at provider, “A provider has to do what a provider has to do.”

Ipinakita rin ni Luis ang respeto niya sa ibang mga magulang na kailangang malayo sa kanilang pamilya upang maibigay ang pangangailangan ng mga ito, lalo pa't he's speaking from experience at hati ang oras sa pamilya at trabaho.

Humirit din ng biro si Luis sa vlog at sinabing kung minsan ay nagdududa na siya kung anak niya ba talaga si Peanut dahil sa mga biruan nilang kapitbahay lang siya ng mag-ina. Ngayon daw ay promoted naman na siya dahil hinahanap na rin ni Peanut ang lambing ng kanyang papa.

Nagbigay naman ng mensahe si Jessy para sa mister na tila naging emosyonal pa. Sey kasi ng aktres, nakikita niya ang hardwork ng asawa upang mapunan nito ang kanilang pangangailangan at makapaglaan ng oras sa pamilya at sobrang naa-appreciate niya ito.

Dagdag ni Jessy, si Luis daw ang tipo ng taong hahatiin ang katawan kung pwede para lang magkaroon ng oras sa work at sa kanila ni Peanut.

Pinuri naman ng netizens ang mag-asawa dahil kita kung gaano nila inirerespeto ang kanilang pagsasama. Sey ng madla, mas nakita raw nila ngayong bagay na bagay talaga sina Luis at Jessy dahil mutual na mataas ang tingin nila sa isa't isa.

Madir, ‘di na ma-take ang pagtrato ng in-laws

ni Sis. Isabel del Mundo @Mga Kuwento ng Buhay at Pag-ibig | June 5, 2024

Dear Sister Isabel,

Magandang araw sa inyo riyan sa BULGAR. Ang isasangguni ko sa inyo ay tungkol sa aking in-laws, ang hirap pala talagang makisama ‘no?

Ang tinutukoy ko ay ang magulang ng asawa ko. Akala ko magiging masaya kami ng anak ko na maka-bonding sila, pero konsumisyon pala.

Bawat kilos namin ay napupuna, maski sa pagluluto ng pagkain, dapat daw ay isama silang lahat. Eh maliit lang ang budget namin dahil maliit lang naman ang pinapadala ng asawa kong nasa abroad. Kung tutuusin, kulang na kulang iyon sa pag-aaral ng mga bata at panggastos namin. 

Napilitan kami ng mga anak ko na magbakasyon muna rito sa in-laws ko dahil bakasyon din ng mga bata.

Gusto ng asawa ko maka-bonding ng mga anak namin ang in-laws ko. Hirap na hirap talaga ako kung paano pakikisamahan ang in-laws ko. 

Doon ko na-realize na sobrang hirap pala talaga makisama, balak ko na sanang umuwi sa bahay namin. May sarili naman kaminb bahay sa Batangas habang sa

Laguna naman nakatira ang in-laws ko. Hindi ko naman maikuwento sa asawa ko na nahihirapan akong pakisamahan ang magulang niya. Kaya sinarili at kinikimkim ko na lang ang konsumisyong nararanasan ko.

Tama bang umuwi na kami ng mga anak ko sa sarili naming bahay? Hindi ko na kasi kaya ang ugali at pagtrato nila sa akin. Hihintayin ko ang payo n’yo.

Nagpapasalamat,

Dolor ng Batangas

---

Sa iyo, Dolor,

Lawakan mo pa ang pang-unawa mo, maging broad minded ka at matutong makisama sa ibang tao lalo na sa in-laws mo.

Kung hindi mo na talaga kaya ang ugali at pagtrato nila, tama lang na bumalik kayo sa sarili n’yong bahay kaysa mamatay ka sa konsumisyon dahil sa hindi magandang pagtrato nila sa iyo. 

Gaano na ba kayo katagal d’yan? Kung 2 weeks na kayo riyan, sapat na ‘yun upang maka-bonding ng mga anak mo ang mga kamag-anak nila. 

Huwag ka rin magpakita ng attitude sa kanila, pakisamahan mo pa rin sila, dahil ganyan talaga ang buhay.

Ang taong marunong magtiis at makisama  ay ginagantimpalaan ng langit.

Huwag kang mag-alala dahil nakatingin sa iyo ang  Diyos. May gantimpala kang makukuha kapag nalampasan mo ang pagsubok na iyan sa buhay mo.

Sumasaiyo,

Sister Isabel del Mundo

Tips para sa mga first-time mom

ni Jenny Rose Albason @Lifestyle | June 5, 2024

Isa ka rin ba sa mga excited na magkaroon ng baby, ngunit natatakot at nangangamba kung paano maging mabuting ina?

Knows namin na marami kayong tanong kung ano ang mga dapat gawin. Ang mga tip na aking ibibigay ay makakatulong para sa mga first-time mom upang maging confident kayo sa pag-aalaga ng inyong newborn baby.

1. MATUTONG HUMINGI NG TULONG. Ang isa sa pinakaimportanteng bahagi sa pag-aalaga ng baby ay ang pag-aalaga rin ng iyong sarili. Matutong humingi ng tulong lalo na sa ganitong sitwasyon na ikaw ay bagong panganak. Oki? Para ‘di ka rin mabinat, besh! 
   

2. PAANO BUHATIN SI BABY?

Ang una n’yong dapat gawin ay maghugas ng kamay (o gumamit ng hand sanitizer).

Ang mga newborn ay wala pang malakas na immune system, kaya mataas ang kanilang panganib na magkaroon ng infections. Siguraduhin ding ang lahat ng hahawak sa iyong baby ay malinis ang kamay.

Pangalawa, suportahan ang ulo at leeg. Ingatan ang ulo sa tuwing  bubuhatin si baby. 

Pangatlo, huwag aalugin si baby, sa paglalaro man o kapag naiirita. Ang pag-alog ay maaaring magdulot ng pagdurugo sa utak o kamatayan. Kung kailangan mong gisingin ang iyong baby, kilitiin ang kanilang mga paa o hipan ng mahina sa kanilang pisngi.

Pang-apat, always make sure na naka-secure si baby kapag gumagamit ng carrier, stroller, o car seat. 

1. PAANO MAKIPAG-BONDING KAY BABY? Ang pagkakaroon ng bonding ay nangyayari sa mga unang oras at araw pagkatapos ng kapanganakan. Kapag ang mga magulang ay gumawa ng malalim na koneksyon sa kanilang anak. Ang physical closeness ay maaaring makatulong upang makabuo ng emotional link na makakatulong sa iyong baby na mag-develop sa ibang paraan.  

Ang isa pang paraan na maituturing na bonding ay ma-inlove sa iyong baby. Ang mga bata ay lalaking mabuti kung mayroong magulang o mahal sa buhay na magmamahal sa kanila unconditionally.

Ang isa pang paraan ay skin-to-skin contact (o ang tinatawag na kangaroo care), kung saan hawak mo ang iyong baby sa iyong dibdib. Makakatulong ito para sila ay pakalmahin at ma-regulate ang kanilang heartbeat. Ito ay Magandang practice para sa mga nanay at tatay.

Narito kung paano gawin ang skin-to-skin contact sa iyong baby:

• Iwasang gumamit ng scented perfumes o lotions at lumayo sa mga naninigarilyo.

• Umupo nang tahimik, makipag-usap ng mahina, mag-hum, kumanta, o magbasa.

1. PAANO MAGLAGAY NG DIAPER? Dahan-dahang punasan si baby sa harap hanggang likod gamit ang tubig, cotton ball, at washcloth o wipes.

Pangalawa, maglagay ng diaper cream kung kinakailangan lalo na kung nagkakaroon na ng rashes si baby.

At pangatlo, huwag kalimutang maghugas ng kamay pagkatapos magpalit ng diaper. Oki?

1. KAILAN DAPAT PALIGUAN SI BABY? Sa unang ilang linggo, ang mga sanggol ay nag-i-sponge bath. Pagkatapos matanggal ang umbilical cord at gumaling ang tuli (kung tinuli ang iyong baby), maaari na silang paliguan sa lababo o maliit na plastic na batya.

Kapag ang iyong baby ay handa na para sa bathtub, dapat ay banayad at saglit lang. 

Kung sila ay nagagalit, bumalik sa sponge bath sa loob ng isa o dalawang linggo, pagkatapos ay subukang muli ang bathtub. 

Ang madalas na pagligo ay maaaring makapag-dry sa balat ng baby.

1. GAANO KADALAS DAPAT PAKAININ SI BABY? Kung pinapakain mo man ang iyong baby sa pamamagitan ng breastfeed o bote, maaaring napapaisip ka pa rin kung gaano kadalas ba dapat gawin ito. 

Generally, inirerekomenda na pakainin ang mga baby kapag nanghihingi — ibig sabihin, sa tuwing sila ay nagugutom. Maaaring ipakita sa iyo ng iyong baby na siya ay nagugutom sa pamamagitan ng pag-iyak, paglalagay ng mga daliri sa kanilang bibig, o paggawa ng mga ingay habang dumedede. 

Ang bagong panganak na sanggol ay kailangang pakainin tuwing 2-3 oras.

Ang breastfeed babies ay nakakakuha ng sapat na pagkain kung sila ay:

• Mukhang satisfied

• May higit 6 na beses na umihi o dumumi ng ilang beses sa isang araw.

• Nakakatulog ng maayos

Ang pagiging first-time mom ay maaaring maging mahirap, ngunit sa paghahanda at suporta, matagumpay mo rin itong mairaraos. Mula sa pag-unawa sa mga pangangailangan ng iyong baby hanggang sa pangangalaga ng iyong sarili at paghingi ng tulong, makikita mo ang tiwala at kasiyahan sa iyong bagong tungkulin sa buhay bilang isang ina.

Remember, hindi ka nag-iisa sa journey na ito. Oki??