Atong, jackpot sa dyowa… SUNSHINE, PROUD NA 48 NA PERO HITSURANG 28 LANG

ni Mercy Lejarde @Showbiz Talkies | July 20, 2025

Photo: Sunshine Cruz - IG

Nagdiwang ng kaarawan ang aktres na si Sunshine Cruz noong nakaraang July 18, 2025. Nagbahagi ang magandang aktres ng larawan na nagpapakita kung gaano pa siya kaganda at ka-sexy sa edad na 48.

Kung titingnan si Sunshine ay mukha lang siyang 28 at hindi 48 dahil sa ganda ng mukha at katawan nito.

Saad ni Sunshine sa post niya, “48 today! (red heart & folded hands emoji).

“I’m incredibly grateful for another year. My heart is full thanks to the unwavering love and support of those around me.”

Napakarami ng mga artistang bumati kay Sunshine, tulad nina Ara Mina, Vina Morales, Arlene Muhlach, Yana Concepcion. Bumati rin ang mga pinsan niyang sina Rodjun Cruz at Geneva Cruz.

Sabi nga ni Geneva sa comment section ng post ni Sunshine ay “48 going on 28! Love you, cous (cousin)! Happy Birthday!”

Sabi naman ni Vina Morales ay “Ang ganda n’yang babaeng ‘yan. B-day girl, wishing you good health and more blessings. Love you, Sis.”

Happy birthday, Sunshine! Kantahan na nga lang natin si birthday girl ng… “You are my sunshine, my only sunshine, you make me happy, when skies are gray. You'll never know, dear, how much I love you. Please don't take my sunshine away…”

Pak, ganern!

Kaya naman, parang naka-mega jackpot sa lotto itong si Atong Ang sa kanyang pretty and sexy dyowa.

---

Kumain lang sa noodle house, nag-concert na…

ROBIN, NAKIPAG-JAMMING SA MGA TAGA-BRUNEI NG OPM SONGS

SA social media post ng aktres at TV host na si Mariel Rodriguez ay nagbahagi siya ng video clip noong nakaraang adventure nila sa Brunei ng kanyang pamilya.

Makikita sa video ang saya ng senador at aktor na si Robin Padilla at ng asawa nitong si Mariel sa pakikipaglaro sa mga anak nila.

Sigurado si yours truly na hindi makakalimutan ng mga anak nina Senator Robin at Mariel ang mga masasayang moments nila kasama ang butihing ama at ina.

Kuwento nga ni Mariel sa post niya, “On our last Brunei adventure, hindi lang food trip ang nangyari dahil may pa-mini-concert din si Robin along the way! (smiling face with smiling eyes emoji).

“Unang stop: kumain kami sa sikat na beef noodle soup place na Soto Pabo, and guess what? Some locals knew a Tagalog song kaya nakipag-jam si Robin on the spot! (microphone emoji & musical notes emoji).

“Next, we explored Jerudong Park Playground, and sobrang surprising lang because almost empty ang place except us kaya parang private theme park experience ang feel namin this time!

"And to cap off the day, habang nagdi-dinner kami ay biglang tumugtog na naman ng another Tagalog song… pero this time, boses ni Robin ang narinig namin! (face screaming in shock & fire emoji).

“Grabe, from Manila to Brunei, umabot na talaga kung saan-saan ang OPM! (CD & globe showing Asia-Australia emoji).”

Ang suwerte ng mga anak nina Robin at Mariel, meron silang mapagmahal na mga magulang. Hindi importante ang mga material na bagay sa kanilang pamilya, mas importante ang panahon at oras na ibinigay nila sa mga anak nila. 

Bongga kayo d’yan, Sen. Robin Padilla at Mariel Rodriguez.

Meant to be, but not meant to last? Mga dahilan kung bakit may pinagtagpo pero 'di itinadhana

ni Mabel Vieron @Life, Love and Relationship | June 8, 2024

Minsan, may mga taong dumarating sa buhay natin para mahalin, pero hindi para makasama habambuhay. Ouch, ‘di ba? Pero aminin mo, relate ka ‘no?

Nakilala mo siya sa pinaka-unexpected na panahon. Isang simpleng chat, isang random na comment sa post mo, o ‘di kaya’y isang tinginan sa gitna ng crowd na parang sinadya ng langit. Subalit bakit parang laging may hadlang?

Bakit parang lahat na lang ng signs, nagsasabing hindi kayo sa dulo?

Ang sakit, besh. Kasi kahit ano’ng pilit mong isalba, may mga relasyong sadyang hindi itinadhana—kahit pa pinagdikit na kayo ng pagkakataon.‘Ika nga nila, “Pinagtagpo pero hindi itinadhana” ang isa sa pinakamasakit na love story. Yung akala mo siya na, pero hindi pala. ‘Yung binuhos mo lahat ng oras, effort, pagmamahal, pero sa huli, wala ka ring napala kundi luha at tanong na, “Bakit hindi naging kami?”

Pero don’t worry, besh. Hindi ka nag-iisa. At para mas maintindihan mo pa ang mga “bakit” ng puso mo, narito ang 5 dahilan kung bakit may mga taong kahit gaano mo pa kamahal, ay hindi mo rin makakatuluyan.

1. TUTOL ANG PAMILYA. Ipagpalagay nating mayaman ang pamilya nila, samantalang simpleng pamumuhay lamang ang meron kayo. Kadalasan, estado sa buhay ang pinakamalaking hadlang kaya hindi nagkakatuluyan ang dalawang nagmamahalan. 

‘Yung tipong, mamatain ka ng buong angkan niya to the point na sila pa mismo ang magpe-pressure sa iyo. So, beshie, what if, offer-an ka ng mga magulang niya ng P1M para lamang lubayan ang anak nila, tatanggapin mo ba?

2. HINDI PA READY MAG-COMMIT. ‘Yung tipong same vibes kayo at aminado kayong pareho n’yong gusto ang isa’t isa, subalit hindi puwedeng maging kayo, sapagkat hindi pa siya handang pumasok sa panibagong relasyon. Aniya, self-love raw muna. Kunsabagay, paano niya mamahalin ang iba, kung mismong sarili niya ay hindi niya alam kung paano mahalin? Ipagpalagay nating sumugal nga siya sa relasyong hindi pa siya handa, ang ending ay magsusumbatan at mag-aaway lamang kayo hanggang mauwi sa hiwalayan.

3. HINDI PA NAKAKA-MOVE ON SA EX. Kahit pa sabihing ex na ‘yun, ano’ng laban mo kung mas matagal ang pinagsamahan nila? Hindi ka naman siguro masokista para pumayag maging panakip-butas, ‘di ba? Siguro nga, may taong pinagtagpo lamang para i-comfort ang isa’t isa. 

4. MAY DYOWA O ASAWA NA SIYA. ‘Yung akala mo, single kaya agad mo siyang pinatulan, pero kalaunan ay nalaman mong may sabit pala siya at muntik ka pang maging kabet. Naku, beshie, ‘wag mong i-romanticize ang salitang, “You and I against the world,” sapagkat hindi mo deserve maging third party. Siguro, may mga taong pinagtagpo para magkaroon ng thrill ang boring nilang love life, pero hindi para makuntento sa kung ano lamang ang puwede nitong ibigay sa ‘yo

5. MAY IBANG NABUNTIS. Kapag alam mong may batang involve, sumuko ka na. Huwag kang magpamanipula sa sasabihin niyang, “Paninindigan ko lang ‘yung bata, pero ikaw pa rin ang mahal ko.” Sapagkat kung talagang mahal ka niya ay hindi siya mambubuntis ng iba. Isipin mo na lamang na kung ipagpapatuloy n’yo ang inyong relasyon ay may isa na namang inosenteng sanggol ang madadagdag sa listahan ng mga broken family. Sabihin n’yo mang, “True love conquers all,” ngunit may mga tao talagang pinagtagpo lang, pero hindi itinadhana. Huwag mong ipilit kung hindi puwede lalo’t may batang involve.

Ngayong alam mo na ang ilang struggles na pinagdaraanan ng bawat nagmamahal— ang tanong, gugustuhin mo pa rin kayang ma-in love?Kaya bes, kung nasaktan ka man, okey lang ‘yan! Hindi ka nag-iisa. Minsan, hindi sapat ang pagmamahal lang. Minsan, kahit gaano mo pa siya kamahal, may mga puwersang mas malakas pa sa “kayo.

”At kung dumating man ang panahong mapagtanto mong hindi talaga kayo itinadhana, huwag mong ikahiya o ikalungkot. Isipin mo na lang, baka may mas magandang plot twist pa sa’yo si Lord. ‘Yung tipo ng pag-ibig na hindi mo kailangang ipaglaban araw-araw, dahil kusa kayong ipaglalaban ng tadhana para sa isa’t isa.Love smart, bes.

Huwag lang puso, gamitin din ang utak. ‘Wag mong hayaang masayang ang luha mo sa taong hindi naman kayang pahalagahan ang lahat ng ibinuhos mong pagmamahal.Sa huli, tandaan n’yo na may mga taong dadaan lang para turuan tayong magmahal ng tama, pero hindi ibig sabihin nu’n ay sila na ang para sa atin. 

At huwag kayong mag-alala, dahil tiyak na may darating pa na mas deserving, ‘yung hindi mo na kailangang habulin, kasi siya mismo ang mananatili. Oki?

Para maibenta raw ‘pag gipit sila… KIRAY, P1M NA ENGAGEMENT RING ANG HININGI SA BF

ni Lucille Galon @Special | May 11, 2025

Kiray Celis - IG

Ibinulgar ng aktres-comedienne na si Kiray Celis ang sagot sa matagal nang tanong ng marami kung bakit inabot ng ilang taon bago siya inalok ng kasal ng longtime partner niyang si Stephan Estopia. 

Ito ay mapapanood sa interbyu ni Julius Babao para sa YouTube (YT) vlog.

“Isa talaga sa mga dahilan kung bakit natagalan si Stephan mag-propose, kasi sinabi ko sa kanya, ang minimum na singsing na tatanggapin ko, P1 million,” sey ni Kiray.

Hindi lang daw luho ang hinihingi niyang halaga—may malalim daw itong dahilan. 

Ayon kay Kiray, “‘Pag nagyaya ka magpakasal, dapat prepared ka. Kasi kung sakaling mangailangan kami, puwede naming ibenta 'yung singsing. Hindi naman sa gusto kong ibenta, pero in case of emergency, parang insurance kumbaga.”

Bilang breadwinner ng kanyang pamilya, inamin ng aktres na isa sa mga nagmulat sa kanya ay isang personal na problema. 

Kuwento niya, “Nu’ng mawala ‘yung sister-in-law ko 2 years ago, du’n ko talaga na-realize ang bigat ng responsibilidad. Kakabili ko lang ng sasakyan nu'n, tapos ang mahal pala ng lupa at kabaong. Dapat talaga, handa ka sa lahat.”

Well, para sa kaalaman ng mga Marites, engaged na nga sina Kiray at Stephan, at handa na rin silang ikasal ngayong taon sa Maynila. 

Ayon kay Kiray, nais niyang panatilihing personal o pribado ang selebrasyon.

Aniya, “Tinatanong ako ng wedding coordinator ko kung gusto ko ba ng star-studded na kasal. Siyempre, trending ka 'pag ganu'n. Pero mas pinili ko na lang na mga ka-close lang talaga namin ang imbitado—‘yung mga taong mahal namin at kilala kami.”

Na-finalize na rin daw niya ang listahan ng mga ninong, ninang at bridesmaids. 

Sey niya, “Inuna ko pa nga ‘yun kaysa sa iba, kasi gusto ko sure na 'yung mga taong importante sa amin, nandu'n.”

At ang engagement ring? Ayon kay Kiray, 3-carat diamond ang ibinigay sa kanya ni Stephan na pasok sa kanyang requirement.

Bongga! Congratulations, Kiray!

---

NAG-TRENDING sa socmed (social media) ang komento ng aktres na si Alexa Ilacad sa pagpapapayat ni Mika Dela Cruz na makikita sa Instagram (IG). 

Proud kasing ibinulgar ng aktres na si Mika sa kanyang socmed ang weight loss journey niya—mula sa 63 kilos, bumaba ito sa 48 kilos. 

Grabe, total transformation talaga dahil malaki ang ipinayat niya na pinagkaguluhan din ng mga Marites.

Naging usap-usapan ito dahil ex-girlfriend ni Nash Aguas si Alexa. Si Nash ay mister na ngayon ni Mika. Nagpakasal sila last year.

Ito ang sey ni Alexa kay Mika, “SLAYYY!!! Great job!!”

Reply ni Mika, “Salamat, Alexa. Huhuhu! Proud of our journeys!”

True the fire nga, dahil mismong si Alexa na ang nag-confirm na nagkaayos na sila ni

Mika, matapos ang matagal na panahon ng hindi pagkikibuan.

Noong 2024 kasi, napansin ng mga fans na pina-follow na nila ang isa’t isa sa Instagram (IG). Instant kilig para sa kanilang supporters, na umaasang magbabalik ang pagkakaibigan nila.