Hindi raw P19M… BAGONG BILING TESLA CYBERTRUCK NI ANNE, P6.7 M LANG

ni Beth Gelena @Bulgary | February 2, 2026

Photo: IG @annecurtissmith

Bina-bash si Anne Curtis sa pagkakabili niya ng bagong sasakyan na Tesla Cybertruck na nagkakahalaga umano ng P19 milyon. 

Maging ang kanyang kasuotan na denim Adidas jacket ay pinuna rin ng mga bashers.

Sey ng mga netizens… “Go lang, Anne Curtis, deserved mo magkaroon ng ganyan, kasi ang bait mong tao.”

“Go, Anne, afford mo naman ‘yan at bagay talaga sa awrahan mo. You look so pretty always, my lods (idol).”

“Mapapa-sana all ka na lang talaga, idol Anne. Sana po, i-share n’yo naman po sa amin ang yaman n’yo kahit konti. Hehehe! God bless po.”

May computation pang ibinigay ang isang basher, “Explain to me, how can a $175,000 cost P19 million sa ‘Pinas?”

“Tesla Cybertruck 2026 is only ranging from $79K (P4.6 M to $114,990 (P6.7 M) depending on trims. That’s not 19M pesos. If she bought it that much, she was cheated. Unless she bought 2!”

Hay, naku, mga netizens nga naman, sobrang mapanuri kapag ang isang artista ay nakabili ng mamahaling bagay. 

Hindi naman ipinangangalandakan ni Anne Curtis ang kanyang pinaghirapang ani, tanging mga Marites lang ang pumupuna sa nabili niyang sasakyan.

---

Una, si Ian…

THE KINGDOM, DEDMA RIN SA FAMAS

Tila nagiging kontrobersiyal ang Filipino Academy of Movie Arts and Sciences (FAMAS) ngayong taon kahit tapos na ang kanilang 73rd FAMAS Awards noong Agosto 2025. 

Nauna ang hindi pagtanggap ni Ian Veneracion para sa special award na Child Stars Icon, at ngayon naman ay ang tungkol sa hindi pagbibigay ng kopya ng pelikulang The Kingdom (TK).

Ayon kay Atty. Vince Tañada, artistic director ng FAMAS, simpleng dahilan lamang ang rason: hindi nag-submit ng entry ang production team ng pelikula.

“Sa FAMAS, kailangang mag-entry. ‘Yun ang mga pipiliin namin… May isa lang talaga, ayaw mag-entry. Kahit anong pilit namin, ‘Sige na! Kasi puwede talaga kayong manalo,’” paliwanag ni Atty. Vince sa mediacon ng inaugural ng FAMAS Broadcast Arts Awards.

Dagdag pa niya, ilang beses silang nag-e-mail at nakipag-communicate sa team ng TK, ngunit walang naging tugon mula rito. 

Naniniwala ang FAMAS na karapat-dapat sana ang pelikula sa mga nominasyon dahil sa kalidad ng production design at cinematography, pati na rin ng performance nina Vic Sotto, Piolo Pascual, Cristine Reyes, Sue Ramirez, Sid Lucero, Nico Antonio, Zion Cruz, Ruby Ruiz, Iza Calzado, at Cedrick Juan.

“‘Yung The Kingdom last year… ayaw nilang mag-entry. Naka-ilang e-mail kami, ayaw nilang mag-entry. Eh, ayaw, eh!” dagdag pa ni Atty. Vince.

Hmmm… Mukhang hindi maganda para sa kredibilidad ng FAMAS ang nangyayari ngayon. Tama ba na nawawalan na yata ng tiwala at respeto sa kanila ang ilang celebrities natin?

Bukas ang BULGAR sa magiging pahayag ng kabilang panig.

---

NAG-OATH-TAKING na ang mga bagong halal na 2026 Philippine Movie Press Club (PMPC) officers kung saan si Hon. Marcos Mamay ang nagsilbing inducting officer. 

Nanumpa sila ng kani-kanilang mga katungkulan sa harap ni Hon. Mamay nitong Enero 30, 2026.

Si Mamay ay vice-mayor ng Nunungan, Lanao del Norte, at isang movie producer. 

Pinangungunahan ang 2026 PMPC officers at board members ng newly-elected president na si Fernan de Guzman, na nagbabalik sa kanyang pang-apat na beses na pamumuno sa grupo.

Ang iba pang bagong opisyal ng PMPC na nanumpa ay sina Rodel Fernando (vice-president); Eric Borromeo (secretary); Mildred Bacud (assistant secretary); Boy Romero (treasurer), Jimi Escala (assistant treasurer), Joey Austria (auditor); Evelyn Diao (PRO - English); at Glen Sibonga (PRO - Filipino).

Board of Directors sina John Fontanilla, Leony Garcia, Melba Llanera, Mell Navarro, Rommel Placente, at Francis Simeon.

Ayon kay Mamay, “Malaking karangalan po na maimbita po tayo para mag-administer ng oath sa new officers ng PMPC. Maraming salamat sa PMPC at sa bagong president na si Fernan de Guzman. Sana, tuluy-tuloy na ito. Sana ay maganda ang pamamalakad para sa kabutihan ng buong PMPC, ng ating media friends and press, at sana, magtagumpay lahat ng mga adhikain natin.”

Inihayag din ni Mamay ang hangarin niyang masuportahan at matulungan ang PMPC lalo na sa pagsasagawa at pag-oorganisa nito ng taunang Star Awards for Movies, Music, at Television. Napili ng PMPC si Mamay na maging inducting officer dahil sa magandang imahe at kredibilidad niya bilang public servant, pati na rin ang naibibigay

niyang ambag sa showbiz industry bilang movie producer.

Si Marcos Mamay ay na-elect na vice-president for Operations ng Vice Mayors League of the Philippines (VMLP) noong 29th National Convention. Nagsisilbi rin siyang national vice-president of the League of Municipalities of the Philippines (LMP).

Casino Plus brings an elevated entertainment and leisure experience at the Second Baccarat Tournament Grand Finals

by Info @Brand Zone | January 29, 2026

P30M Champion Prize, Exciting Perks, and a Special Appearance of Maris Racal Exclusively for Qualified VIP Players

Manila, Philippines — Reinforcing its commitment to premium, player-first engaging experiences, Casino Plus elevates entertainment and leisure for its online users with the live Second Baccarat Tournament Grand Finals on 31 January 2026, exclusively for its qualified VIP players at the Newport World Resorts.

Unparalleled Entertainment Experience

This year’s tournament features a prize pool of up to ₱52 million, with the Champion set to take home ₱30 million. Compared to the ₱5 million champion prize previously seen in publicly announced tournaments in the Philippines. This year’s top prize is approximately six times higher, setting a new benchmark for local baccarat tournament payouts. 

"Our priority has always been to craft player-first experiences built around trust, fairness, and responsible gaming.” said Evan Spytma, The BEST ONLINE CASINO in the Philippines CEO of Casino Plus. “The Second Baccarat Tournament Grand Finals is our way of giving back to the players who are at the heart of Casino Plus. We endeavor to deliver entertainment that is not only thrilling, but thoughtfully designed and rewarding, elevating every touchpoint of the Casino Plus ecosystem." 

"What makes this tournament special is how it seamlessly bridges the online excitement our players love with an elevated in-person championship experience. It’s a dynamic evolution of our platform, bringing digital energy into real life in a premium, unforgettable way. From luxurious accommodations to exclusive entertainment and multi-million prizes, we designed the Grand Finals to honor our online users with the kind of hospitality and excitement they won’t find anywhere else," Spytma shared.

A Distinctive and Luxurious Hospitality, Leisure, and Dining Experience for Participants

This year’s edition introduces key upgrades from the inaugural tournament. Qualified face-to-face participants will have the ultimate pampering experience, comprised of a complimentary two-night luxurious five-star accommodation, lavish and refined dining options, and round-trip airfare or land transfers. This curated leisure journey sets the tone, helping participants reset and gear up for the thrills of competition.

The championship finals will mark the event’s most thrilling peak. Casino Plus will welcome its ambassador, Maris Racal, as a special guest performer on-site, giving audiences an up-close live performance from the popular actress, singer, and songwriter. On finals day, spectators will witness the crowning moment and immerse themselves in the full championship atmosphere, making the day not only a competitive highlight but also a memorable entertainment experience. Casino Plus hereby formally invites fans and members of the public aged twenty-one (21) years old and above to join us on-site on January 31 to witness the championship moment live.

Championship Rewards

The championship finals will mark the event’s most thrilling peak. Casino Plus will welcome its ambassador, Maris Racal, as a special guest to present the awards, giving audiences an up-close experience with the popular actress, singer, and songwriter. On finals day, spectators will witness the crowning moment and immerse themselves in the full championship atmosphere, making the day not only a competitive highlight but also a memorable entertainment experience. Casino Plus hereby formally invites fans and members of the public aged twenty-one (21) years old and above to join us on-site on January 31 to witness the championship moment live.

Qualifiers in the Online Matches 

The Casino Plus Baccarat Tournament officially kicked off online in September 2025. From September to November, the tournament advanced through monthly rounds, with the top five finishers each month earning direct qualification for the Grand Finals. In addition to the monthly qualifiers, the tournament also featured a Wild Card route that opened on December 1 and culminated in a final showdown on December 20. The top 20 Wild Card performers, together with invited VIP entrants, completed the Grand Finals roster to compete for the ultimate championship.

The on-site Grand Finals at Newport will be played across multiple baccarat rounds, with fixed hands and time limits, and enhanced by elements such as secret betting cards to raise the competitive intensity. All participants must pass eligibility checks and compete in person; proxy participation or substitute play is strictly prohibited to safeguard fairness and tournament order. Qualified finalists will face off head-to-head on the main stage for the tournament’s highest honors.

The tournament is open to Casino Plus–registered users aged 21 and above, subject to full KYC verification supported by a valid government-issued ID.

For more information, visit casinoplus.com.ph or follow https://www.facebook.com/CasinoPlusPH

#2ndBaccaratTournament #LiveBaccarat #CasinoPlusPH

Iskul Scoop: Heart of a teacher, soul of a fighter… Kuwento ng gurong cancer survivor

ni Jenny Rose Albason @Life & Style | October. 2, 2025

Ngayong Teacher’s Day, hindi lamang natin ipinagdiriwang ang galing sa pagtuturo ng ating mga guro, kundi higit sa lahat ang kanilang mga kuwentong nagbibigay-inspirasyon at lakas ng loob.

Ang pagiging guro ay hindi lamang trabaho, dahil ito ay isang bokasyon na nangangailangan ng malasakit, pasensya, at matibay na pananampalataya sa buhay.

Kaya naman, kilalanin natin ang isa sa mga huwarang guro ng Tugatog National High School (TNHS) na si Mrs. Melanie Cepe Santos, isang Values Education teacher na hindi lang kilala sa kanyang husay sa pagtuturo, dahil kilala rin siya sa kanyang pakikipaglaban sa pagsubok na kanyang nalampasan.

Noon ay hindi talaga pangarap ni Mrs. Santos ang maging isang guro. Masaya na siyang nagbo-volunteer sa orphanage at tumutulong sa mga bata. Ngunit nang matapos niya ang kursong Psychology at kumuha ng education units, unti-unting nabuo ang kanyang landas patungo sa pagtuturo.

Nag-take siya ng masteral sa Early Childhood Education at Special Education. Akala niya’y sa elementary siya mapupunta, pero dahil Guidance ang kanyang major, inilagay siya ng Professional Regulation Commission (PRC) sa Values Education secondary level, at du’n niya natagpuan ang kanyang tunay na kasiyahan. 12 years na niyang niyayakap ang propesyong ito bilang guro at tagapaghubog ng kabataan.

Ayon kay Mrs. Santos, isa sa pinakamalaking hamon na kinakaharap niya ay ang pagbabago ng ugali ng mga kabataan. Aniya, minsan ay nawawala na ang simpleng paggalang na dati’y likas sa mga kabataan. Kaya’t mas nakita niya ang kahalagahan ng Values Education—ang pagtuturo ng respeto, tamang asal, at pagpapakatao, mga bagay na ideally natututunan sa tahanan ngunit ngayon ay kailangan na ring ituro sa paaralan.

Ngunit sa kabila ng kanyang malasakit sa mga estudyante, dumaan siya sa pinakamadilim na yugto ng kanyang buhay. Dalawang taon na ang nakalilipas, at mismong Teacher’s Day rin umano lumabas ang kanyang biopsy result na may malignant na bukol siya sa kanyang dibdib. Una niyang naisip, “Bukas kaya, buhay pa ba ako?” Noon ay breastfeeding pa siya, at inakala ng unang ultrasound na galactocele o namuong gatas lamang ang bukol na ito. Kung maaga lang umano itong naalis, baka hindi na umabot sa cancer.

Ngunit makalipas ang ilang buwan, mabilis itong lumaki at lumabas na siya ay may stage 2 breast cancer na.

Bagama’t may mga public hospital na maaari niyang lapitan, hindi siya nakaramdam ng kapanatagan sa mahabang proseso ng paghihintay. Isa pa, natatakot din siyang umabot pa ito sa stage 4 bago pa tuluyang maagapan. Kaya’t kahit mahirap, nag-loan siya upang magpagamot sa pribadong ospital.

Ang iniisip niya’y hindi lamang ang kanyang sarili kundi ang kanyang dalawang anak. Pinakamahirap para sa kanya ang ideya na iiwan ang mga anak nang napakabata pa. Dumating ang mga panahong halos hindi na siya makangiti at dumanas din ng depresyon.

Gayunpaman, nagpatuloy pa rin siya sa pagtuturo kahit na ramdam niyang naaapektuhan na rin ang kanyang trabaho. Marami ang nagsasabi sa kanya ng “Kaya mo ’yan!” ngunit alam niyang hindi sapat ang mga salitang iyon. Hanggang sa natagpuan niya ang kanyang sandalan—ang mga kapwa survivor.

Sa pakikipag-usap sa kanila, natutunan niyang hindi awtomatikong kamatayan ang cancer. Maraming nakalalampas, kahit stage 4 pa at dito siya humugot ng lakas para lumaban.

Ayon kay Mrs. Santos, malaking biyaya ang maagang diagnosis. Bagama’t dumaan siya sa matitinding gamutan, pinili niyang harapin ito nang may tapang. Nagbago rin ang kanyang pananaw—natutunan niyang pahalagahan ang bawat araw na para bang ito na ang huli.

‘Ika nga niya, “Every day is the last day,” kaya’t sinisiguro niyang puno ng saysay, pagmamahal, at oras para sa pamilya ang bawat sandali.

Marami ang nag-udyok na itigil muna niya ang pagtuturo habang sumasailalim sa chemotherapy. Ngunit para sa kanya, mas manghihina lamang siya kung palagi siyang nasa bahay. Sa halip, pinili niyang manatili sa paaralan dahil ang mga estudyante na rin ang nagsilbi niyang liwanag at dahilan upang patuloy na lumaban. Gayunpaman, lagi umano siyang nag-iingat, nagsusuot ng mask, at lumalayo kapag kinakailangan, pero kahit na ganu’n hindi pa rin niya hinayaang maapektuhan ang kanyang propesyon.

Noong nagsimula nang malagas ang kanyang buhok, napagdesisyunan niya nang magpa-shave at magsuot ng turban. Inakala niyang pagtatawanan o kakaiba ang magiging reaksyon ng mga estudyante, ngunit sa halip, nakita niya ang malasakit at pagtanggap ng mga ito. Sa simpleng mga kilos, naramdaman niyang hindi siya nag-iisa.

Mula sa karanasang ito, natutunan niya ang pinakamahalagang aral—ang mahalin ang buhay at ‘wag itong aksayahin. Mahal niya ang kanyang trabaho, ngunit higit pa roon, mahal niya ang kanyang mga estudyante, dahil para sa kanya, hindi sapat ang pagiging mahusay sa pagtuturo ng asignatura. Ang tunay na guro ay marunong magmahal at umunawa, dahil iyon ang mas tatatak sa isipan ng mga bata.

Bilang Values at Guidance teacher, handa siyang magbigay mula sa sariling bulsa—maging pagkain man o kaunting tulong, lalo na sa mga estudyanteng kapos. Ngunit higit sa materyal na bagay, mahalaga para sa kanya ang pakikinig at pagbibigay-oras sa mga estudyante.

Sa kanyang pananaw, normal lamang ang makaramdam ng lungkot at panghinaan ng loob kapag may pinagdadaanan. Aniya, “Kung nalulungkot ka, okey lang ‘yan, iiyak mo lang dahil valid ang nararamdaman mo.” Subalit, mahalagang matuto tayong bumangon pagkatapos.

“Okey na, tama na, naiyak ko na,” dagdag pa ni Mrs. Santos. At pagkatapos ay pabiro pa niyang sinabi, “Disney princess ka na ulit.” Paalala na kahit sa gitna ng sakit at hirap, may puwang pa rin para ngumiti at magpatuloy.

Bilang cancer survivor, simple ang kanyang mensahe—manatiling positibo. Darating at darating tayong lahat sa dulo, ngunit habang may buhay, dapat punuin ito ng pag-asa at mabuting kaisipan.

Dagdag pa niya, ang pagtuturo ay hindi trabaho lamang kundi isang misyon. Hindi ito madali, puno ng sakripisyo, at madalas hindi nasusuklian ng sapat. Ngunit ang gantimpalang tunay na mahalaga ay makita ang mga estudyanteng natututo, nagtatagumpay, at nagiging mabuting tao.

Sa huli, nagbigay ng mensahe si Mrs. Santos sa mga nais maging guro balang-araw: huwag lang maging mahusay sa pagtuturo ng paksa, kundi maging huwaran at inspirasyon sa buhay. Dahil ang tunay na pamana ng guro ay hindi lamang kaalaman, kundi ang pusong marunong magmahal at magbigay ng pag-asa.

Sa bawat guro na gaya ni Mrs. Melanie Cepe Santos, na patuloy na lumalaban hindi lamang para sa kanyang sarili kundi lalo na para sa kanyang mga estudyante, malinaw ang isang bagay—ang pagtuturo ay higit pa sa propesyon, ito ay isang tawag ng puso.

Sa kabila ng mga sakit, hamon, at pagsubok, nananatili siyang matatag na paalala na ang tunay na guro ay hindi lang nagtuturo ng aralin, kundi nagbibigay-pag-asa, inspirasyon, at liwanag din sa gitna ng dilim.

Ngayong Teacher’s Day, ipinaaalala sa atin ni Mrs. Santos na ang pinakamahalagang aral ay hindi nakikita sa libro, kundi sa kung paano natin pinapahalagahan ang buhay at ang bawat taong nakakasama natin sa ating paglalakbay.

Ang kanyang kuwento ay patunay na kahit sa gitna ng unos, may guro pa ring handang magsilbing gabay—at iyon ang pinakamagandang pamana na maiiwan niya sa kanyang mga estudyante at sa mundo.

---

So, kung gusto n'yong maging bahagi rin ng Iskul Scoop at meron kayong mga kuwento, inspiring stories o events na gusto n'yong i-share sa mga ganap sa inyong campus, mag-email lang sa iskulscoop@gmail.com para mailathala sa aming pahayagan.