Mga libreng paraan para alagaan ang mental health, alamin!

ni Mharose Almirañez | September 15, 2022

Kung puwede lang sana mamuhay nang payapa, kung saan hindi mo kailangang problemahin ang iyong healthy lifestyle, physical looks, love life, sexual desire, career growth at monthly bills ay napakagaan siguro ng buhay.

‘Yung tipong, sa sobrang stress mo ay wala ka nang ibang naiisip gawin kundi pumunta sa malayo para umawra at mag-enjoy, by thinking na deserve mo naman ‘yun. Pero siyempre, hindi mo naman puwedeng i-restore ang iyong mental health nang hindi nade-destroy ang iyong savings, ‘di ba?

Bilang concerned citizen, narito ang ilang tipid tips para maging stress-free sa buhay:

1. MAG-PRAY. Sa tuwing may pinagdaraanan kang mabigat na problema, isipin mo na lamang na hindi naman ‘yun ibibigay sa ‘yo ng Diyos kung alam Niyang hindi mo ‘yun malalagpasan. Humingi ka ng sapat na talino, tibay at lakas ng loob para malagpasan ang lahat ng humahamon sa iyo. Knows mo bang mas nakagagaan sa pakiramdam kapag binibigkas mo ang iyong panalangin sa halip mag-pray sa isip?

2. UMIWAS SA MGA TOXIC NA TAO. Well, hindi ka naman mai-stress kung hindi ka magpapa-stress. Kaya sa halip na makisama sa mga nakakainis na tao ay lumayo ka na lamang. Posible kasing kaya mo naa-attract ang negativity ay dahil puro negative vibes ang nasa paligid mo. Kumbaga, sila ang humahatak sa ‘yo para ma-stress. So beshie, kung alam mong toxic ‘yan, ‘wag ka nang mag-stay. Gets?

3. MAG-BUDGET NG EXPENSES. Mahirap nga naman kung puro ka lamang labas ng pera, pero hindi mo naman alam kung saan sila napupunta. Naku, beshie, nakaka-stress nga ‘yan! Mainam kung gumawa ka ng budget plan upang ma-track ang iyong expenses. Ihiwalay mo na rin ang pambayad sa bahay, kuryente, tubig, internet, insurance at loans. Siyempre, kabilang din sa basic needs ang pagkain, kaya huwag mong kalimutang maglaan ng budget para sa groceries. Kuwentahin mo na rin kung magkano ang magagastos mo sa pamasahe for the whole month. I-disregard mo muna ang milk tea, coffee at online shopping kung tight ang iyong budget. Okie?

4. MAG-EXERCISE. Nakakawala ng stress ang pag-e-exercise, kaya isama mo na ito sa iyong schedule. Sey ng experts, kada pawis na inilalabas mo sa iyong katawan ay may katumbas na daily dose of happiness. Hindi lamang nito nabu-boost ang iyong mood, concentration at alertness kundi nai-improve rin nito ang iyong cardiovascular at overall physical health. Gasino lang naman ‘yung 15 minutes na exercise, ‘di ba?

5. MATUTONG MAKUNTENTO. Huwag kang maghahangad ng mga bagay na alam mong wala ka o can’t afford dahil hindi nakaka-healthy ng mindset ‘yung porke trending, dapat ay mayroon ka rin nu’n. Sa madaling salita, huwag kang mainggit, “‘Pag inggit, pikit,” sabi nga nila. Kumbaga, nate-tempt tayo sa makikinang na bagay na nakikita ng ating mga mata, kaya bago pa ito i-process ng ating utak, pumikit na lamang tayo.

6. MAGING POSITIBO. Lahat ng bagay ay may dalawang sides, kaya kung puro negative ang nae-encounter mo, hanapin mo ‘yung kabilang side. Isipin mo na lang na sa tuwing nalulungkot ka ay makinig ka lamang ng sad songs dahil negative plus negative, is equal to positive. Mindset ba, mindset.

Additional tips na rin ang pagso-social media detox o take a break from technology. As much as possible ay i-maintain mo ang anim hanggang walong oras ng tulog, at ang walong baso ng tubig kada araw. Magbasa ka ng mga inspirational books, makipagkuwentuhan sa friends at huwag na huwag mo kakalimutang tumawa, because laughter is the best medicine.

Ngayong alam mo na kung paano maiiwasan ang stress, sana ay makatulong ang mga nabanggit upang magkaroon ka na ng payapang mental health.

Kung sakaling lumala ang iyong nararamdaman, kumonsulta agad sa doktor upang mabigyan ng karampatang treatment. After all, hangad nating lahat ang magkaroon ng masayang mindset. Kaya beshie, anuman ang pinagdaraanan mo ngayon, magiging okay ka rin.

Hope you feel better soon, beshie!

Akala mo ay oks, pero red flag pala… Alamin: mga ugali ng partner na ‘di dapat i-tolerate

ni Jersy L. Sanchez - @Life & Style| September 12, 2022

Sabi nga, “Love is blind” — true ‘yan, at isa pa, minsan ay pagmamahal ang dahilan kaya nananatili ang isang tao sa ‘bad relationship’.

Well, wala namang perpektong relasyon, pero mahalaga na malaman natin ang mga behavior o ugali na “major red flag” para makatagpo tayo ng fulfilling relationship.

Siyempre, kailangan nating malaman ang mga bagay o ugali ng ating partner na hindi dapat kunsintihin, anu-ano nga ba ang mga ito?

1. CONTROLLING BEHAVIOR. Kapag kinokontrol ng iyong partner ang mga ginagawa mo o gusto niya na pareho kayo ng values kahit pa iba ang mga gusto mo. Gayunman, binigyang-linaw ng mga eksperto na maraming paraan para makontrol ka ng iyong partner at hindi okay ang mga ganitong behavior.

2. GASLIGHTING. Sey ng experts, ang gaslighting ay isang common trait para sa mga controlling partner. Halimbawa, ipinaparamdam niya sa iyo na ang mga bagay na inaalala mo ay katawa-tawa. Maaari niya ring iparamdam na may mali sa ‘yo kapag nagpapahayag ka ng iyong feelings tungkol sa isang bagay.

3. ABUSE. Knows n’yo ba na ang controlling behavior ay maaaring mauwi sa abusive relationship? Ayon sa mga eksperto, maaari itong maging emotional o verbal abuse. Halimbawa umano nito ang pangmamaliit niya sa iyo, ginagawa kang katatawanan sa harap ng ibang tao, gayundin ang panga-gaslight tuwing nag-e-express ka ng iyong feelings. Kabilang din ang physical abuse, kung saan madalas kang sinasaktan ng iyong partner tuwing may hindi kayo pagkakaunawaan. Kapag ganito ang sistema n’yo, inirerekomenda ng mga eksperto na humingi ng tulong sa mga propesyunal.

5. DOESN’T BRING OUT THE BEST IN YOU. ‘Yun bang, pakiramdam mo ay hindi nakakatulong ang partner mo para mailabas ang “best version of yourself”. Kapag ganyan ang nararamdaman mo, sign ‘yan na may mali. Kung ang partner mo ay may mga sinasabi o ginagawa na hindi nakakatulong para ma-boost ang iyong confidence, senyales din ‘yan na hindi ka niya nirerespeto. Ang sakit, ‘no?

6. HE/SHE ISOLATES YOU. Paano? Kapag umabot na sa puntong kinokontrol niya kung sino ang mga taong dapat o hindi mo dapat makasama, red flag ‘yan, besh. Alam nating mahalaga ang independence sa isang relasyon, pero kapag inilalayo ka niya sa iyong pamilya at mga kaibigan, sign ito na gusto niyang ipakita na siya ang dominante, kahit pa ang kapalit nito ay ang iyong happiness, personal relationships at self-care.

7. HE/SHE WANTS YOU TO CHANGE. Bukod sa inilalayo ka niya sa mga taong mahalaga sa iyo, red flag din ‘yung pinipilit ka niyang magbago. Halimbawa nito ay ang mga hobbies, personality traits at iba pang mahalaga para sa iyo. Paalala ng mga eksperto, kung gusto ng partner mo na baguhin ang mga nabanggit, mali ‘yun. Kapag totoong mahal ka ng isang tao, susuportahan niya ang mga gusto mo at hindi ka niya pipiliting magbago for his/her own convenience.

8. HE/SHE JUDGES YOU. Kapag ginagawa niya ito sa iyo, tiyak na hindi ka niya nirerespeto. Ang partner na palaging ipinupunto ang mga imperfection mo ay isang red flag. Halimbawa, palagi siyang may sinasabi sa iyong personality, gayundin, madalas ka niyang i-body shame — ang mga ito ay immature at manipulative ways para makontrol ang inyong relasyon.

9. IGNORES YOUR SEXUAL NEEDS & LIMITS. Na-experience mo na bang ma-pressure sa sexual activity dahil hindi ka willing o wala kang consent, o kaya naman, hindi na niya naibibigay ang sexual needs mo? Well, ayon sa mga eksperto, normal na magkaiba ang turn-ons at libido ng magkarelasyon, pero ang hindi normal ay ang pag-overstep sa sexual boundaries.

10. HE/SHE DOESN’T SUPPORT YOU. Sa totoo lang, hindi healthy ang isang relationship kung ang partner mo ay hindi naniniwalang magtatagumpay ka sa iyong mga pangarap. Kung iniinsulto niya ang iyong work ethic, minamaliit ang iyong mga achievements at kinukumbinsi ka niyang tanggihan ang mga bagong oportunidad para mapalago ang iyong career, isip-isip ka na, besh.

Ang red flag ay puwedeng lantaran o subtle lamang.

Bagama’t kailangang mag-compromise ng bawat isa para mag-work ang isang relasyon, may mga ugali na sobrang toxic at hindi dapat i-tolerate. Higit sa lahat, kailangan itong solusyunan, pero kung hindi na kaya, bitaw na.

Sa totoo lang, may mga isyu na hindi madaling mapansin, at minsan ay in-denial tayo dahil mahal natin ang tao, pero mga beshy, importanteng malaman ang mga ito upang maiwasang mabulag at hindi masyadong magbuhos ng atensyon at oras sa isang toxic na relasyon.

Oks lang din na humingi ng tulong sa mga propesyunal o sa mga taong malapit sa atin dahil ang mahalaga ay maisalba mo ang iyong sarili sa maling tao.

Gets mo?

Para ‘di minus points sa HR… Dos & Don’t’s sa job interview

ni Mharose Almirañez | September 8, 2022

Nakabisado mo na ba ang paulit-ulit na tanong ng HR officer sa bawat job interviews na pinuntahan mo? ‘Yung tipong, confident ka naman sa iyong sagot, ngunit hindi mo mapigilang mag-overthink kung bakit hanggang ngayon ay hindi ka pa rin nila tinatawagan o natatanggap sa work.

Fresh graduate ka man o seeking for a better opportunity sa ibang kumpanya, narito ang ilang tips na puwede mong gawin sa iyong paghahanap ng trabaho:

1. AYUSIN ANG RESUMÈ. Maliban sa pangalan, address, contact number and employment record, tiyakin mong updated ang ipinasa mong resumè. Baka kasi hintay ka nang hintay sa callback nila, ‘yun pala ay lumang cellphone number pa ang nakalagay du’n. Puwede mong i-bullet ang iyong achievements, skills and certifications. Hangga’t maaari ay iangkop sa ina-apply-ang trabaho ang format ng iyong resumè. Maaari mo ring tanggalin ang mga unnecessary information para sa posisyong ina-apply-an mo. Mainam din kung isang pahina lamang ang iyong resumè.

2. ‘WAG AGAW-EKSENA ANG SUOT SA JOB INTERVIEW. Mapa-semi-formal, casual o corporate attire man ‘yan, siguraduhing angkop ang iyong kasuotan sa pupuntahang job interview. Dapat ay komportable ka sa iyong suot upang maiwasan ang pagkairita. Nakakahiya namang tingnan kung namamawis ang iyong kilikili sa suot mong long sleeve, ‘di ba? O kaya nama’y sa sobrang tingkad ng kulay ng iyong coat ay halos masilaw na sa ‘yo ang interviewer. Naku, beshie, minus points ‘yan!

3. MAKIPAG-EYE-TO-EYE CONTACT SA INTERVIEWER. Dito nila malalaman kung may focus ba ang isang aplikante o hindi madaling ma-distract. Ang pakikipag-eye-o-eye contact ay isa ring pahiwatig na may respeto ka sa nag-i-interview sa ‘yo. Iwasan lamang ang matagal na pagtingin nang direkta dahil baka mailang siya sa ‘yo.

4. TELL ME ABOUT YOURSELF. Ito ang madalas na ginagamit bilang paunang tanong ng mga interviewer. Paano nga ba ito sasagutin? Keep It Short & Simple o KISS. Huwag mong idetalye ang iyong talambuhay dahil walang plus points ang may pinakamalungkot na sagot. Sa halip, maging proud ka sa iyong achievements. Ilahad mo kung paano mo na-turn into strength ang iyong weaknesses. Ibida mo ang iyong pagiging good communicator, team player, multitasker at iba pang nagawa sa dating trabaho.

5. PAGHANDAAN ANG POSSIBLE QUESTIONS. Bukod sa tell me something about yourself, i-expect mo na rin ang mga tanong na;

• How do you see yourself five years from now?

• Why should we hire you?

• Ano’ng mayroon ka na wala ang ibang applicant?

• Bakit ka nag-apply sa kumpanyang ito?

• Ano’ng maaambag mo sa kumpanya?

6. MAGING TAPAT SA SAGOT AT IPAPASANG DOKUMENTO. Malalaman nila ‘pag ikaw ay nagsinungaling sa iyong resumè. Mahigpit mag-background check ang mga kumpanya, lalo na’t laganap pa rin ang mga pekeng dokumento. Maaaring makapasok ka nga sa kumpanyang ‘yun, pero hindi katagalan ay malalaman din nila na peke ang iyong mga ipinasang dokumento at baka umabot pa sa floating status. Magkakaroon ka pa ng bad record na maaaring humantong sa blacklisting sa iba’t ibang kumpanya. Ang masaklap ay magkakaroon ka pa ng kasong falsification of documents.

Sana ay makatulong ang mga nabanggit sa iyong paghahanap ng trabaho.

Additional tips na rin kung halimbawang bigyan ka ng interviewer ng tricky questions, tulad ng, “How do you sell me this pen?” at “How do you describe your favorite color into a blind person?” Ilan lamang ang mga ito sa karaniwang tanong sa mga aplikante kapag selling industry ang pinapasok tulad ng retail, real estate, insurance, BPO, atbp.

Upang mapamangha ang interviewer, magpokus ka sa pangangailangan nila sa ballpen —huwag lamang sa detalye nito. Gumamit ka ng mga leading questions o ibalik mo ang tanong sa kanya; Halimbawa, “Sir may ipapirma po sana ako sa iyo, may ballpen ka po ba r’yan?” Kapag sinabi niya na wala siyang ballpen ay ‘yun na ang hudyat para bentahan mo siya ng ballpen.

Gets mo?