Vitamin D3, oks na panlaban sa depresyon at pampalakas ng immune system

ni Mabel G. Vieron - OJT @Life & Style | April 30, 2023

Ang Vitamin D3 ay mahalaga dahil ito ang nagpapalakas ng ating katawan at sumusuporta sa ating mental well-being. Maaari tayong makakuha ng naturang bitamina mula sa mga talaba, salmon, tuna, baboy, gatas, yogurt, orange juice at cereal.

Maaari ka ring makakuha nito sa pamamagitan lamang ng paglabas — ang iyong katawan ay nagde-develop ng bitamina na ito kapag ang iyong balat ay nasikatan ng araw.

Ayon kay Taylor Moree, registered dietician, ang Vitamin D3 ay maraming epekto sa ating physical at mental health. Tinutulungan ng Vitamin D3 ang ating katawan na makakuha ng calcium at phosphorus na parehong nakakatulong para sa ating mga buto.

Kung walang sapat na Vitamin D3, hindi ka umano makakakuha ng sapat na calcium upang mapanatili ang density ng buto. Gayundin, ang kakulangan ng Vitamin D3 ay maaaring humantong sa rickets, isang kondisyon na nagiging sanhi ng panghihina at paglambot ng buto ng mga bata.

Ang mababang level ng Vitamin D3 sa katawan ay maaari ring humantong sa pagkakaroon ng depresyon. Batay sa pananaliksik, inirerekomenda na mag-take ng mga supplement na mayroong Vitamin D3 na makakatulong sa mga taong nakakaranas ng depresyon.

Noong 2019, sinuri ang 948 kalahok na nagkaroon ng depresyon at napag-alaman na ang Vitamin D3 ay may katamtamang epekto sa pagbabawas ng mga sintomas ng depresyon.

Gayunman, ang mga resulta mula sa ibang pag-aaral tungkol sa Vitamin D3 at depression ay halu-halo, may ilang pananaliksik na nagmumungkahi na ang Vitamin D3 ay ‘di gaanong nakakatulong upang mapabuti ang sintomas ng mga may depresyon.

Ang pananaliksik sa hinaharap ay maaaring makatulong sa pagbibigay-linaw sa pagitan ng Vitamin D3 at ang mga benepisyo nito.

Marami pang pananaliksik ang kailangan, ngunit ang pag-inom ng supplement na mayroong Vitamin D3, maaari itong maging proteksyon sa panahon ng trangkaso at iba pang sakit.

Ito rin ay maaaring maging bahagi ng autoimmune disease, isang kondisyon kung saan ang iyong immune system ay nagiging sobrang aktibo at inaatake ang iyong katawan.

Kung patuloy ang kakulungan natin sa Vitamin D3, maaari tayong makakuha ng iba’t ibang sakit. Ayon sa mga eksperto, narito ang mga naturang sakit;

• Multiple sclerosis

• Lupus

• Rheumatoid arthritis

• Diabetes

• Sakit sa bituka

Sa kabilang banda, ang mga supplement na mayroong Vitamin D3 ay maaaring makatulong na mapababa ang tsansang makakuha ng mga sakit na ito.

Batay sa ilang mananaliksik, ang kakulangan ng Vitamin D3 ay maaaring humantong sa kanser. At ayon naman sa ibang eksperto, mas mataas ang tsansa na mamatay ang isang tao sa kanser kung may mataas na level ng Vitamin D3.

Gayunman, natuklasan ng mga eksperto na ang magkasalungat na ebidensya sa kung gaano karaming Vitamin D3 ang maaaring makaimpluwensya sa kanser. Kaya ang karagdagang pananaliksik ay maaaring magbunga ng panibagong pananaw.

Ang Vitamin D3 ay mahalaga para sa ating mga buto, immune system, at kalusugan.

Maraming tao ang hindi nakakakuha ng sapat na bitamina, ngunit madali kang makakagawa ng mga hakbang upang mapalakas ang iyong sarili sa pamamagitan ng pagkuha ng kaunting sikat ng araw.

Kung sa tingin mo ay hindi ka nakakakuha ng sapat na bitamina mula sa alinman, maaari mo ring tanungin ang iyong doktor kung ano’ng supplement na mayroong Vitamin D3 na makakatulong sa iyo.

Kaya mga ka-BULGAR, maging wais pa rin tayo sa pag-take ng mga supplement, okie?

Tips para maiwasan ang mabilis na pagtanda ng balat

ni Jersy L. Sanchez @Life & Style | April 24, 2023

Ngayong ‘digital age’, parte na ng araw-araw nating pamumuhay ang paggamit ng laptop o computer, smartphone at iba pang electric devices na mayroong blue light.

At dahil hindi maiwasan, nakakabahalang magdulot ito ng hindi magandang epekto sa ating katawan, partikular sa ating balat.

Bagama’t may mga pag-aaral at ebidensya na nagsasabing ang blue light exposure ay nakakasira sa ating pagtulog – kaya hindi inirerekomenda ang pag-scroll sa socmed before bed time – mas kumplikado umano ang epekto ng blue light sa balat.

At sa totoo lang, hindi natin matitiyak kung gaano karaming blue light exposure ang nakakapagpabilis ng pagtanda ng ating balat, pero hindi ibig sabihin nito na wala na tayong gagawin upang mapigilan ang skin aging.

Sa isang pag-aaral noong 2018 tungkol sa blue light at wrinkles, ang isang oras ng exposure sa blue light ay nakakapagdulot umano ng reactive oxygen species (ROS), na may kaugnayan sa premature aging ng balat.

Samantala, sa isang pag-aaral nito lamang taon, napag-alaman na may kaugnayan ang reactive oxygen species at skin damage, kung saan napabilis umano nito ang aging process. Gayunman, binigyang-diin ng mga eksperto na hindi pa nila alam ang ‘precise’ o tukoy na dahilan ng aging process.

Kaya naman, para maiwasan ang mabilis na aging process at maprotektahan ang inyong skin laban sa wrinkles at dark spots, narito ang ilang tips:

1. MATULOG. Ayon sa pag-aaral, bukod sa blue light, isa ring dahilan ng early aging ay ang poor sleep o kakulangan ng tulog. May isang pag-aaral na ang kakulangan ng tulog ay may malaking epekto sa mababang recovery ng skin barrier. Dahil dito, bagama’t hindi natin kontrolado kung gaano kahabang oras tayong nakatutok sa work computer, make sure na bawasan din ang oras ng panonood ng TV bago matulog upang mas mabilis na makarecover ang ating skin barrier at matulog nang maaga upang mas mabilis na maka-recover ang skin barrier.

2. SKIN CARE. Rekomendasyon ng experts, mag-apply ng antioxidant tulad ng Vitamin C serum, na nakakatulong sa pag-brighten at pag-neutralize ng environmental damage sa ating skin. Napakarami nang available na serums sa local drug store at sobrang affordable pa, kaya naman, kering-keri ‘yan ng budget.

3. MINERAL SUNSCREEN. Inirerekomenda rin ng mga eksperto na pumili ng mineral sunscreen na may kakayahang ma-block o harangan ang UV rays mula sa araw. For sure, alam nating na lahat na mahalagang mag-apply ng sunscreen kung lalabas ng bahay, pero knows n’yo ba na dapat pa ring gumamit nito kahit hindi tayo lalabas? Yes, besh, ‘yan ay dahil posible pa ring makaapekto ang sunlight sa skin kahit nasa loob ka, gayundin kung gagamit ka ng electronic devices tulad ng laptop o computer, cellphone, at TV.

Kung ginagawa mo na ang mga naturang tips, ipagpatuloy n’yo lang ang mga ito. Para naman sa mga ka-BULGAR na nagsisimulang alagaan ang kanilang balat laban sa mabilis na aging, make sure na gagawin n’yo ang mga nabanggit na rekomendasyon.

Gets mo?

Tips para mapalago ang negosyo sa maliit na puhunan

ni Mabel G. Vieron - OJT @Life & Style | April 24, 2023

Lahat tayo ay nangangarap na guminhawa ang buhay o ‘di kaya ay yumaman.

Kaya ang ilang sa atin ay pinapasok na ang lahat na puwedeng pagkakitaan.

‘Ika nga nila, “Huwag mawalan ng pag-asa, basta masipag at madiskarte ka, sasagana ang iyong buhay.” Kaya naman, narito ang ilan sa mga paraan kung paano mapapalago ang negosyo sa maliit na puhunan:

1. Dapat ay alam natin kung gaano kalaki ang magiging puhunan sa negosyo upang magkaroon na ng ideya sa puwedeng maging Return of Investment (ROI).

2. Maghanap na maaaring gawing negosyo na swak sa iyong puhunan. Halimbawa, pagbebenta ng silog meals, pagbebenta ng mga frozen products, at pagtatayo ng online shop. Patok ang mga naturang negosyo para sa mga estudyante at mga nagtatrabaho na wala nang oras para mamili sa mga mall.

3. Humanap ng magandang lugar dahil mas mainam kung malapit sa paaralan, opisina at sa mga lugar na maraming tao.

4. Hangga’t maaari, paikutin ang puhunan. Iwasang gamitin ang kita para sa mga bagay na ‘di naman nakakadagdag sa iyong puhunan.

5. Tandaan mo, responsibilidad mo bilang may negosyo na palaguin ang iyong mga mamimili. Siguraduhin na maayos at malinis ang kapaligiran upang maiwasan ng reklamo ng mga mamimili. Pagdating naman sa online, siguraduhing maayos at maipadala nang tama ang order ng iyong mga customer.

6. Upang lumago ang iyong negosyo, paunti-unti mong dagdagan ang iyong paninda. Pumili ka ng iba pang produkto na maaari mo pang itinda nang sa gayun ay lumaki ang iyong negosyo.

Higit sa lahat, maging tapat at ‘wag maging gahaman. Dahil mas pahahalagahan ka ng iyong mga customer kung ikaw ay tapat sa kanila.

Oh, alam niyo na mga ka-BULGAR, maaari niyo na rin itong sundin upang pare-parehas tayong umasenso!

Gets mo?