Mga seaman, libre sa LRT 2 at MRT 3 sa June 25

ni Mai Ancheta | June 24, 2023

Libre sa pamasahe ang lahat ng seaman sa Light Rail Transit 2 at Metro Rail Transit 3 sa June 25, 2023 bilang pagkilala sa Day of the Filipino Seafarers.

Batay sa anunsiyo ng Light Rail Transit Authority, may libreng sakay ang LRT 2 mula alas-7 ng umaga hanggang alas-9 ng umaga, at alas-5 ng hapon hanggang alas-7 ng gabi.

Ang libreng sakay naman sa MRT 3 ay mula alas-5:30 ng madaling-araw hanggang sa last trip sa ng gabi. Hanggang alas-9:30 ng gabi ang operasyon ng North Avenue station ng MRT 3 habang ang operasyon ng Taft Avenue ay hanggang alas-10 ng gabi.

Ang Day of the Filipino Seafarer ay taunang ipinagdiriwang ng bansa bilang pagkilala sa mga masisipag at masigasig na Pinoy seamen at sa kontribusyon ng mga ito sa maritime industry.

Kinikilala rin ang mga Filipino seafarer dahil sa malaking kontribusyon sa ekonomiya ng bansa sa pamamagitan ng kanilang dollar remittances.

Libreng sakay sa LRT-2

ni BRT | April 30, 2023

May libreng sakay ang LRT-2 para sa mga manggagawang Pinoy sa ilang piling oras sa Mayo 1, Araw ng Paggawa.

Tatakbo ang libreng sakay ng LRT-2 para sa mga nagtatrabaho sa pampubliko at pribadong sektor mula alas-7 hanggang alas-9 ng umaga.

Magbabalik ang libreng sakay sa parehong araw simula alas-5 ng hapon hanggang alas-7 ng gabi.

Kailangan lang magpakita ng ID mula sa kumpanyang pinagtatrabahuan o anumang valid government-issued identification card.

Inaasahang makikinabang sa libreng sakay ang mga pupunta sa mga job fair sa Araw ng Paggawa.

Gagawin ang libreng sakay para sa mga manggagawa bilang pagkilala sa makabuluhang ambag sa pag-unlad ng bansa.

March 6-12 — MMDA.. Libreng sakay, walang coding

ni BRT | March 3, 2023

May plano na ang Metropolitan Manila Development Authority (MMDA) kung paano matutulungan ang mga komyuter na maaapektuhan ng malawakang tigil-pasada sa Marso 6 hanggang 12.

Sa press briefing kahapon, sinabi ni MMDA chairperson Romando Artes na magde-deploy sila ng mga bus at van para sa libreng sakay, katuwang ang opisina ni Vice President Sara Duterte.

“Nagpapaimbentaryo po tayo ng assets ng mga LGUs (local government units) para po sa possible deployment para i-augment ‘yung public transport, kung sakaling matuloy itong nationwide transport strike,” ani Artes.

Pinag-aaralan din ang pagsuspinde sa number coding scheme sa Metro Manila.

“Magsu-suspend tayo, if ever, ng number coding scheme para ‘yung 20 percent na nababawas sa mga private vehicles,” dagdag nito.