VP Leni at pamilya, lilipad patungong Amerika

ni Lolet Abania | May 14, 2022

Ipinahayag ni Vice President Leni Robredo ngayong Sabado na siya at kanyang pamilya ay nakatakdang lumipad patungong United States upang dumalo sa graduation ng kanyang anak na si Jillian.

“We will be gone for a few days to just spend time with family and take a well deserved rest before all of us restart the lives we have put on hold,” sabi ni Robredo sa kanyang social media post.

Ayon kay Robredo, ito ang unang pagkakataon na makakapag-travel siya kasama ang kanyang pamilya na walang trabahong aasikasuhin, simula nang mamatay ang asawang si Department of the Interior and Local Government (DILG) Secretary Jesse Robredo noong 2012.

“We are sorry if we cannot accept the numerous requests for meet ups. We will do that some other time in the future. For now, we just need to spend as much time together,” saad ni VP Leni. Nagbilin naman ang outgoing vice president na anumang mahalagang usapin na kailangang agad tugunan ay idirekta ito sa kanyang chief of staff na si Boyet Dy.

Tiniyak din ni Robredo sa kanyang mga supporters na siya ang mangunguna sa preparasyon para sa paglulunsad ng Angat Buhay NGO sa Hulyo.

“The entire OVP Family is making all the preparations for the official turnover of the office to the duly elected 15th Vice President,” dagdag niya. “Again, my most profound gratitude to everyone,” sabi pa ni VP Leni.

Hindi pinalad si Robredo laban sa katunggali niya na si dating Senador Ferdinand “Bongbong” Marcos Jr. sa presidential race, kung saan nakakuha siya ng 14,822,051 votes kumpara kay Marcos na may 31,104,175 votes sa May 9 elections.

Mula sa mahigit 98 percent ng election returns na nakolekta, pinaniniwalaang si Marcos na ang uupong pangulo ng bansa. Nitong Biyernes, pinasalamatan na ni VP Leni ang kanyang mga supporters sa kanilang pagsisikap sa pagtulong sa kanyang kampanya para sa katatapos na eleksyon.

Kasunod ng opisyal na anunsiyo ng lider... #KakampINC vs. INC 'bloc voting' for BBM-Sara, trending

ni Zel Fernandez | May 6, 2022

Martes nang gabi nang mag-trending sa social media ang #KakampINC kasunod ng opisyal na anunsiyo ng religious group na Iglesia ni Cristo (INC) na suportado nito ang tambalang BongBong Marcos at Sara Duterte ngayong 2022 elections.

Taliwas sa naging pasya ng pinuno ng INC, umalingawngaw sa social media ang panawagang #KakampINC bilang pagpapahayag ng ilang mga miyembro ng INC na ang kanilang suporta ay para sa tambalan nina VP Leni Robredo at vice-president aspirant Kiko Pangilinan.

Bagaman karamihan umano sa mga miyembro ng INC ay sadyang maka-BBM-Sara, sa kabila ng naging pasya ng kanilang lider ay umalma pa rin ang ilan pang kaanib sa kilalang 'bloc voting' ng Iglesia dahil sila ay mga Leni-Kiko supporters.

Bukod sa pagiging trending ng #KakampINC, dalawa pa umanong grupo ang nabuo sa social media tulad ng “Mga titiwalag for Leni” at “2.6 million minus one” bilang pagpapahayag ng pagkadismaya sa desisyon ng INC, na tinatayang mayroon umanong 2.6 milyong kasapi.

Gayundin, maging sa Twitter ay nag-ingay ang ilang aktibong kaanib ng INC at nagpahiwatig na anuman ang mangyari sa kanilang pagiging miyembro ng Iglesia ay pipiliin pa rin anilang ibotong pangulo si Leni at si Kiko bilang bise-presidente ngayong nalalapit na eleksiyon.

Kahit pangalawa sa surveys... Kampo ni VP Leni, kumpiyansang mananalo si Robredo sa eleksiyon

ni Zel Fernandez | May 5, 2022

Kumpiyansa umano ang kampo ni presidential candidate VP Leni Robredo na mananalo ito bilang pangulo sa darating na halalan sa Mayo 9.

Batay umano ito sa antas ng citizen mobilization at volunteer engagement na naobserbahan sa sa mga pangangampanya ni Robredo na hindi pa umano nakita sa mga nakalipas na eleksiyon.

Ayon kay Atty. Barry Gutierrez, spokesperson ni VP Robredo, pinatutunayan aniya ito ng mga malalaking campaign rallies ng bise presidente kung saan daanlibo ang mga nagsisidalo at libu-libo pang mga nagsasagawa ng house-to-house campaign para sa presidential aspirant.

Gayunman, base sa pre-election survey ng Pulse Asia, nananatiling nangungunang presidential bet si Ferdinand “Bongbong” Marcos, Jr. na sinundan naman sa pangalawang puwesto ni Robredo.

Samantala, umaasa ang partido ng bise presidente na aabot sa kalahating milyon o higit pa ang dadalo sa Miting de Avance nito sa Makati City sa Sabado.