11 senatorial candidates para sa Robredo-Pangilinan tandem

ni Lolet Abania | October 15, 2021

Inilabas na ni Vice President Leni Robredo, standard bearer ng oposisyon ngayong Biyernes, ang mga pangalan na bubuo sa kanilang 11-man Senate slate para sa 2022 national at local elections.

Sa press briefing kasama ang kanyang running-mate na si Senador Francis “Kiko” Pangilinan, binanggit ni Robredo ang kanilang mga napiling kandidato sa pagka-senador:

1. Senador Richard Gordon

2. Senador Joel Villanueva

3. Senador Miguel Zubiri

4. Senador Risa Hontiveros

5. Senador Leila de Lima

6. Dating Vice President Jejomar Binay

7. Dating Rep. Teddy Baguilat

8. Sorsogon Gov. Chiz Escudero

9. Dating Senador Antonio Trillanes IV

10. Human rights lawyer Chel Diokno

11. Alex Lacson ng Kapatiran

“They are the ones who heeded our call for unity,” ani Robredo.

“We are together in expanding our ranks based on principles.”

"Mga kinatawan sila ng mas malawakang puwersang handang tumindig para isulong ang bago, matino, at makataong pamamahala, mula sa tuktok ng pamahalaan hanggang sa bawat sulok ng burukrasya,” sabi pa ni Robredo.

Gayunman, sinabi ni Robredo idadagdag na lamang nila ang nasa 12th slot sa susunod na araw.

“We want to get someone who will best represent the marginalized sector,” diin ng bise presidente.

Pagtakbong VP ni Pangilinan... KC Concepcion, todo-suporta

ni Lolet Abania | October 10, 2021

Labis ang suporta ng aktres na si KC Concepcion sa kanyang stepdad na si Senador Francis “Kiko” Pangilinan na tatakbo sa pagka-bise presidente sa May 2022 elections.

Sa official Instagram page ni KC, sinabi nito na ang desisyon ni Sen. Kiko na tumakbo para sa ikalawa sa pinakamataas na executive position sa bansa ay pinakamalaking hakbangin na tatahakin ng kanilang pamilya.

“Your love for family and country is genuine and true. Thank you for all the things that you do. This is our family’s biggest milestone yet,” ani KC.

“Dad, whatever the outcome, let the welfare of others be your motivation and strength,” dagdag ng dalaga.

Nai-share din ni KC, na anak ng aktor na si Gabby Concepcion at Megastar Sharon Cuneta na asawa naman ni Pangilinan, sa kanyang followers ang brief profile ng stepdad, kung saan aniya ay qualified sa posisyon para maging bise presidente.

“A Harvard alumnus. A UP and La Salle raised lawyer. An Ateneo professor. 20 years of serving the people as Senator,” pagmamalaki ni KC.

“You deserve my vote and the Vote of the People. May God bless the long journey towards becoming the next Vice President of the Philippines. Mahal kita,” sabi pa ng aktres.

Gayunman, sa kabila na magkalayo ngayon ang dalawa, labis naman ang pasalamat ni Pangilinan kay KC sa suportang ibinibigay nito.

“Thank you for the love and support, my eldest. It means so much. God’s purpose not mine. We surrender the effort to the Almighty. The battle is His. Love you too,” ani Pangilinan.

Nagpahayag din ng suporta si Megastar Sharon sa political plans ng kanyang asawang senador.

Batid ng lahat na very vocal si KC, kung paano naging mabuting ama sa kanya si Pangilinan lalo na noong growing up years ng aktres hanggang sa ngayon.

Sa mga nauna nang post ni KC, binanggit din niyang dahil sa senador, “…that I have a thirst for knowledge, am able to focus on and accomplish goals at work, achieve things with the courage that I can, with hard work, patience, and most especially the constant act of educating myself.”

“Together with all that mom and my grandparents instilled in me I want to thank you for helping to make me, me, in more ways than one,” sabi pa ni KC.

Pangilinan, tatakbong VP sa 2022 elections

ni Lolet Abania | October 8, 2021

Si Sen. Francis “Kiko” Pangilinan ay naghain na ng kanyang certificate of candidacy (COC) para tumakbo sa pagka-bise presidente at running mate ni VP Leni Robredo sa 2022 elections.

Sinamahan ni Robredo si Pangilinan sa paghahain ng COC sa Sofitel Philippine Plaza sa Pasay City ngayong Biyernes.

Ang 58-anyos na si Pangilinan ay pangulo ng Liberal Party na ang dating chairwoman ay si Robredo, kung saan ang chairman emeritus naman ng partido ay si yumaong dating Pangulong Benigno “Noynoy” Aquino III.

Kilalang oposisyon sina Pangilinan at Robredo sa ilang polisiya ni Pangulong Rodrigo Duterte, kabilang dito ang war on drugs, ang usapin sa West Philippine Sea, at pagsusulong ng death penalty.