Med exam results ni ex-P-Duterte naisumite na sa ICC, pero nananatiling confidential naman

ni Ka Ambo @Bistado | December 8, 2025

Naisumite na ng mga medical experts ang medical exam results kay dating Pangulong Rodrigo Duterte.

May kopya na ng medical report ang mga abogado ni Digong at ang ICC.

-----$$$--

Gayunman, nananatiling confidential ang detalye at hindi pa isasapubliko.

Aantayin pa ang mosyon ng depensa at desisyon ng ICC bago ito maisapubliko.

----$$$--

HINDI nagpapakita sa Senado si Sen. Bato dela Rosa mula nang lumabas ang ulat na naglabas na ng warrant of arrest ang ICC.

Ayon mismo kay Sen. Bato, ibi-break niya ang record ni Sen. Ping Lacson sa haba at tagal na pagtatago nang makasuhan ito sa Dacer-Corbito case na nang lumaon ay naabsuwelto rin.

-----$$$--

UMIINIT uli ang isyu sa regodon ng P60 bilyong pondo ng PhilHealth.

Basic, hindi dapat “natutulog” ang pondo ng bayan.

Dapat itong agad ginagamit para sa kapakinabangan ng lahat.

----$$$--

LUMITAW kasi ang iba’t ibang haka-haka nang iulat na ibinalik sa National Treasury ang pondo ng PhilHealth.

Nabahala agad ang mga miyembro ng PhilHealth dahil baka umano maapektuhan ang kanilang benepisyo.

---$$$--

NAGDUDUDA rin sila sa proseso ng paglilipat.

Sa totoo lang, hindi ginalaw ang kontribusyon ng PhilHealth members.

----$$$--

ANG naapektuhan dito ang ay government subsidy, ‘yung pondo ng gobyerno na pandagdag lang sana sa operasyon ng PhilHealth.

Pero siyempre, marami pa rin ang tumutol.

-----$$$--

SA aktuwal, nasakop ito ng General Appropriations Act of 2024 mismong mekanismo.

Ito ay para ma-realign ang sobrang pondo ng mga ahensya para sa mas malawak at mas urgent na pangangailangan.

-----$$$--

INIYAYABANG pa ng PhilHealth na mayroon silang P500 bilyong chest fund.

Napalawak pa nila ang mga benepisyo.

----$$$--

SA ngayon, halos doble ang benepisyo para sa biktima ng stroke at pneumonia.

‘Yung breast cancer coverage?

Mula P100,000, naging P1.4 milyon.

-----$$$--

SA generic medicines na covered mula 21, naging 53 klase na ang sakop.

At meron pang Zero Balance Billing para siguradong walang pasyenteng uuwi nang may baong utang.

----$$$--

NANG magdesisyon na ibalik ang P60 billion sa PhilHealth para sa 2026, ito ay dahil nakita nila na nagawa ng PhilHealth na palawakin ang mga benepisyo.

Patunay ito na kaya nilang hawakan ang pondo nang tama.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Blue Ribbon Committee, In aid of legislation lang, pero mga senador umaaktong ‘prosecutor’ at ‘persecutor’

ni Ka Ambo @Bistado | December 4, 2025

May nagsasabing walang gaanong kamandag ang imbestigasyon ng ICI kumpara sa Blue Ribbon Committee ng Senado.

Masyadong malamlam at walang kakayahang mag-contempt sa mga nagsisinungaling na resource person.

-----$$$--

Gayunman, higit na kagalang-galang ang proseso sa ICI kumpara sa Blue Ribbon na maraming eksena na mailalarawan na “uncivilized” dahil masasabing tinatakot at ‘binu-bully’ ang mga resource person o ang kanilang mga panauhin.

Mamili kayo ICI o Blue Ribbon?

----$$$---

MALAYA ang mga tao na ikumpara ang proseso sa ICI at Blue Ribbon.

In aid of legislation lang ang purpose sa Blue Ribbon pero umaakto ang mga senador bilang “prosecutor” at may ilang pagkakataon na mistulang “persecutor”.

----$$$--

SA kabilang panig, maayos at mahinahon ang proseso sa ICI at kahit nahahalata nilang nagsisinungaling ang mga “respondent” — mahinahon pa rin sila.

Maaaring para sa kanila, ang mga hawak nilang “ebidensiya” ang magpapasya kung guilty o not guilty ang mga resource persons.

----$$$--

SA totoo lang, anumang makalap na ebidensiya at testimonya ng ICI — ay isusumite sa Ombudsman at malaya ang Ombudsman na magpasya kung ito ay sapat upang makasuhan o ideklarang guilty ang mga resource person.

Mas naaayon sa batas at Konstitusyon ang proseso sa ICI taliwas sa Senado na naghari-harian ang mga “interrogator” kung saan mistulang itinuturing agad na “guilty” ang mga resource persons.

----$$$--

PUMUPOSTURA ang ilang “senator-interrogator” na sila ang “nakakaalam ng katotohanan” — at kapag hindi nagustuhan ang testimonya ng kanilang “panauhin” ikino-contempt ito — sa pagsasabing “nagsisinungaling”.

Makikita rito na “kapos sa pang-unawa” ang ilang senador kung ano ang kanilang trabaho at responsibilidad.

Isa itong kahihiyan.

-----$$$--

MAHALAGANG mai-live stream ang proseso sa ICI upang matuto ang mga senador na maging “kagalang-galang” at maiwasan maging “palengke” ang institusyon na kanilang ginagalawan.

Ang pagiging guilty o hindi guilty — ay matutukoy lamang sa lehitimong husgado — hindi sa Senado, hindi sa Ombudsman at hindi rin sa ICI.

-----$$$--

TAMA lang ang pagla-live stream ng imbestigasyon sa ICI dahil batay sa Konstitusyon -- ang bawat suspek, akusado o respondent -- ay kinukonsiderang “INOSENTE” hangga’t hindi nahahatulan ng hukuman.

Taliwas ito sa proseso sa Senado — mistulang “guilty” ang turing sa ilang ‘binu-bully’ nilang mga“panauhin”.

Isa sa hinihinalang biktima — ay ang nagpakamatay na si dating AFP Chief, ex-Defense Secretary Angelo Reyes na sinasabing nagkaroon ng depresyon matapos ang “pagdinig sa Senado”.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Sen. Risa, pilit inilalako na alternative kontra kay VP Sara

ni Ka Ambo @Bistado | December 3, 2025

Mistulang nilamon ng sistema ang Akbayan na kinabibilangan ni Sen. Risa Hontiveros.

Bistadong bumubuwelo na sila sa 2028 election.

Tsk, tsk, tsk.

----$$$--

Marami ang nagtataas ng kilay sa ipinakikita ng Akbayan matapos nilang isigaw sa Trillion Peso March rally sa EDSA noong November 30 ang “Marcos, step up; Sara, step down!”

Step up si Bongbong Marcos?

----$$$---

INAAKUSAHAN ang Presidente na mismo ang itinuturong mastermind ng P100 bilyong budget insertion, base sa mismong salaysay naman ni Zaldy Co.

Pero, isinisigaw din na step down naman si Sara?

Gayung hindi naman nababanggit man lamang si VP Sara sa flood control mess.

----$$$---

MAY nagtatanong bakit ganito ang postura ng mga makakaliwa at progressive na Akbayan bloc?

Inaakusahan tuloy silang nagmamaniobra na para sa 2028 presidential elections.

----$$$---

MAY nagma-marites na may plano ang Akbayan na itulak si “Santa Santita” Risa sa presidential race sa 2028.

Pilit na inilalako ang “soft, clean, feel-good image kuno” na si Sen. Risa bilang alternative kontra kay VP Sara.

-----$$$--

PROBLEMA nila ngayon ay nananatiling sobrang malakas pa rin si VP Sara sa masa at sa kanyang Mindanao base.

Kapansin-pansin din sa rally na hindi man lang nababanggit at binabatikos ng Akbayan si Congressman Martin Romualdez sa isyu sa flood control scandal.

Ngek!

-----$$$--

MAY mga effigy ng ilang senador at kongresista, pero wala ni isang placard laban sa dating Speaker na ayon kay Zaldy Co ay bilyones ang nakuhang kickbacks mula sa ghost projects.

Anti-corruption ba ang Akbayan?

He-he-he!

----$$$--

NATATANDAAN ba ninyo ang hirit noon ni Senator Alan Cayetano na “bakit kapag si Risa, amendment ‘yan, hindi insertion”?

Kapag iba ang gumawa, biglang “insertions,” “pork,” “corruption.”

Ha! Ha! Ha!

-----$$$--

MALINAW ang double standard, lalo na mula sa grupong binansagan ang sarili na “moral compass” ng oposisyon.

May hirit din itong si Rep. Chel Diokno na wala raw siyang political ambitions.

Pero naging kongresista at natalo sa pagka-senador.

Anubayan?----$$$--

PUMALAG sa kanila si Congress-meow Kiko Barzaga.

Ereng Makabayan bloc, diretso ang panawagan: mag-resign ang lahat ng sangkot, mula ulo hanggang buntot.

-----$$$---

KUNG susundan ang paglalarawan, parang totoong drowing ng mga ‘buwaya’.

May ulo, may buntot.

Ho! Ho! Ho!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.