Malalaking media network, bigong ilantad ang tunay na sitwasyon sa ‘Pinas

ni Ka Ambo @Bistado | Nov. 3, 2024

Deadlock sina ex-US President Donald Trump at VP Kamala Harris.

Meaning, kahit nag-substitution sa hardcourt ang Democrats tabla-tabla pa rin ang laban.

Malakas talaga si Trump!

----$$$--

WALANG mababago sa US at kalakaran sa buong daigdig kapag nanalo si Harris.

Repleksyon siya ng tradisyunal na pulitika.

-----$$$--

SAKALING magwagi uli si Trump, masasaksihan uli ng Amerika at buong daigdig ang inobasyon at pagbabago sa kalakaran.

Kinakabog ang China, Iran, Russia at North Korea sa isang panibagong Trump presidency.

----$$$--

KUMBAGA sa boxing, ilang beses nang na-knockdown ni Trump ang mga diskarte ng

Democrats.

Pinakauna ang kumbinasyon ng mga kaso na isinupalpal sa kanya sa iba’t ibang korte.

Pero, nadiskaril ang mga ito bago maghalalan.

-----$$$--

UNFAIR kay Trump ang pag-atras ni US President Joe Biden na malinaw na tinalo na niya

sa unang round.

Pandadanyo ito ng Democrats, dahil sa boxing kahit lupaypay na ang kalaban, walang “substitution”.

-----$$$--

OKEY lang, dahil iyan talaga ang batas, pero dapat ay malaki ang ungos ni Harris dahil mas batambata siya at may enerhiya kaysa kay Trump, pero bakit — hindi siya makaungos nang todo?

Ilang araw na lamang, at malalaman na kung sino ang “maghahari o magrereyna” sa buong daigdig.

Nanonood ang lahat — kabilang ang mga Pinoy.

-----$$$--

MAHALAGA ang resulta ng US election dahil imbes na bumuti ang sitwasyon sa daigdig, gumagrabe ito.

Aktuwal nang nagpasaklolo ang Russia sa North Korean soldiers kontra Ukraine.

----$$$--

ANG ibinababalang Ikatlong Digmaang Pandaigdig ay nagniningas na ang mitsa.

Aktuwal na ring kasali ang South Korea sa giyera sa Europe.

-----$$$--

NAKAPAGTATAKANG naduduwag ang NATO at EU na aktuwal na makisawsaw sa naturang digmaan — gayung obvious na kasali na rin sila.

Aktuwal na pagkukunwari o kaplastikan ‘yan.

Kumbaga sa chess, nang-uungguy-unggoy pa sila.

----$$$--

SA West Philippine Sea ay ganyan din ang sitwasyon dahil kakambal nito ang girian ng China at Taiwan.

Aktuwal nang pinaliligiran ng Mainland China ang Taiwan at Pilipinas.

Bigo ang mga nagdudunung-dunungan na political analyst na maibunyag ang “mga nasa likod ng balita”.

----$$$--

HINDI si Digong o DDS ang problema o isyu na dapat pagtuunan, bagkus ay ang napipintong digmaan kung saan hindi makakaiwas ang Luzon.

Mulat tayo na ang ibinababad sa media — mainstream at social media ay simpleng maruming pulitika.

Kaawa-awa ang ordinaryong tao na nabaon na sa pagiging “marites”.

-----$$$--

BIGO ang malalaking media network na ilantad ang tunay na sitwasyon sa bansa.

Ito ay dahil personalidad ng mga media practitioner ang inilalako — imbes ang aktuwal na isyu sa paligid.

Walang inobasyon, walang malalim na pagsasaliksik ang mga hitad!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Ex-P-Duterte, nagpakita sa Senado, may “balls”!

ni Ka Ambo @Bistado | Nov. 1, 2024

Nagpakita si ex-PRRD sa Senate hearing.

Iyan ang may “balls”!

---$$$--

IPINAMALAS ni Digong ang kanyang disposisyon.

Isang aktuwal na eksampol ito kung ano ang depinisyon ng disposisyon.

-----$$$--

MALINAW na ang kanyang desisyon ay orihinal at nagmula sa sarili niyang kamalayan at kaisipan.

Hindi idinidikta ng sinuman ang kanyang mga desisyon — at walang umiimpluwensya.

----$$$--

ANG tinatalakay at ipinaliliwanag ay tungkol sa depinisyon — hindi kasama rito kung “tama o mali” ang kanyang desisyon.

Ang pagiging “tama o mali” ay nakadepende sa moralidad, tradisyon at aktuwal na hudikatura o hukuman.

----$$$--

NAPAKAHALAGA sa isang lider na mayroong disposisyon.

Kakaunti ang nakakaintindi nito, pero nauunawaan ito ng mga mahistrado.

----$$$--

WALANG banal sa lupa, lahat ng tao — makasalanan!

Ang kasalanan o paglabag sa batas ng tao at sa Diyos — ay nakabatay sa itinakdang testament o batas.

Pero, kung walang espisipikong testament o batas, ang mali at tama ay nakabatay din sa moralidad, tradisyon o nakamihasnang sosyedad o relihiyon o sekta.

----$$$--

ISANG halimbawa, ang diborsyo at pag-aasawa ng higit sa isa — labag sa Konstitusyon.

Pero, kung ito ang nakamihasnan o ng moral at tradisyon — walang nalalabag na batas.

----$$$--

MALINAW ang disposisyon ni Digong.

Malinaw din ang depinisyon niya ng karapatang pantao.

Para kay Digong, may karapatan ang lahat ng tao na mabuhay nang maayos at ligtas sa panganib mula sa krimen na ginagawa ng mga adik at drug pusher.

----$$$-

PAREHO lang may “karapatang mabuhay” ang mga biktima ng pagpatay sa kampanya kontra droga, at maging ang biktima ng mga pusher at adik.

Malaking debate ‘yan sa mga barberya, chat group hanggang sa hukuman.

-----$$$--

MAHALAGANG maunawaan ng mga mambabatas partikular sa Kongreso kung ano ang espisipikong depinisyon ng “human rights”.

Naiimpluwensyahan kasi ng mga “dayuhan” ang tunay na depinisyon ng “human rights” upang guluhin ang mga umiiral na gobyerno.

----$$$--

GAYUNMAN, ang Korte Suprema lamang ay ang makakapaglinaw kung ano ba ang depinisyon ng human rights.

Para lamang ba ito sa biktima ng mga otoridad o ito ay para rin sa karapatan ng bawat nilalang laban sa mga kriminal?

----$$$--

NAKAPAGTATAKANG maging ang mga kapanalig ni Digong ay nahihirapang unawain ang kanyang disposisyon.

Hindi kasi ito isang ordinaryong sitwasyon at desisyon.

----$$$--

Sa aktuwal, hindi ang human rights ang tunay na isyu, bagkus ay ang proseso kung paano mabilis na masusugpo ang kriminalidad at mabigyan agad ng “katarungan ang mga biktima” ng pagpatay — elemento man ng gobyerno o sibilyan ang mga suspek!

Sa totoo lang, iyan ay isang maselang palaisipan — walang isang tumpak na kasagutan!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Duterte vs. Romualdez sa 2028 presidential bout?

ni Ka Ambo @Bistado | Oct. 24, 2024

Lumubog ang Bicol dahil sa Bagyong Kristine.

Babalik kaya ang mga pulitikong dumalaw kay ex-VP Leni sa kasagsagan ng fiesta ng Penafrancia?

-----$$$---

DINEDMA lang ni PBBM ang histerya ni VP Sara.

Napakalaki ng kanyang tama.

----$$$--

INIMBITAHAN sa pagdinig ng Kongreso si ex-PRRD.

Napasakay sila.

He-he-he!

----$$$--

ITINUTURING pa rin ni VP Sara na BFF si Manay Imee.

Sa ngayon.

-----$$$--

MISTULANG nagdedeklara ng giyera ang bise presidente ng bansa.

Eh, kontra kanino?

----$$$--

MALINAW na hindi si PBBM ang makakalaban ng mga Duterte sa 2028 presidential election.

Kumbaga sa boxing, sanayin niya ang kamao kung saan niya ito patatamain habang nag-eensayo.

-----$$$--

KUNG napipikon at nag-aalburoto si VP Sara, ibig bang sabihin ay hindi siya mapipigil nang umakyat sa gradas sa 2028?Kung magkagayon, si Speaker FM Romualdez ang kanyang makakabangga.

----$$$--

NAIIPIT naman sa nag-uumpugang bato si Sen. Imee.

Ano ang kanyang dapat gawin?

Wala lang, magpokus lamang siya sa senatorial campaign at sikaping makapasok sa Top 5.

-----$$$--

SAKALING mag-topnotcher si Sen. Imee sa midterm election, posible siyang magkandidatong bise presidente. 

Ang malinaw, siyempre, hindi siya puwedeng maki-tandem sa kanyang pinsang buo.

---$$$--

ANG presidential derby sa 2028 — ay apektado ng resulta ng 2025 election.

Diyan masusukat kung matutuloy ang Duterte vs. Romualdez presidential bout.

----$$$--

SA ngayon, kahit ano pang negatibong propaganda, malinaw na mas nakakaangat si VP Sara kaysa sa House Speaker.

Hindi ‘yan tsismis, iyan ay batay sa mga aktuwal na survey.

-----$$$--

OPO, ang mga nasasaksihan ninyong maniobra at drama — ay buwelo sa posibleng Duterte – Romualdez match.

Bisay vs. Bisoy.

-----$$$--

SAKALING matuloy ang Sugbuanon vs. Waray sa 2028, napakasuwerte ng ikatlong kandidatong magmumula sa Luzon.

Puwedeng maging dark horse ang isang Tagalog.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.