Masayang-masaya raw… ECHO, KABUNTOT NI JANINE HANGGANG C.R.

ni Julie Bonifacio @Winner | August 26, 2024

Photo: Celebrity Kids and Babies / FB

Umamin na si Jericho Rosales sa tunay na estado ng relasyon niya kay Janine Gutierrez. 

Sa ginanap na grand mediacon pagkatapos ng special screening ng “exclusive” edited version ng ilang episodes ng Lavender Fields (LF) para sa cast at mga miyembro ng entertainment media sa Gateway Cinema noong Sabado, natanong si Janine kung ano'ng bulaklak ang pinakamahusay na naglalarawan sa kalagayan ng puso niya ngayon.

Sagot ni Janine, “Uhm, eh, di lavender na rin.”

Pero agad binawi ni Janine ang kanyang sinabi. 

“Pero ‘di talaga lavender. Tinry kong ipasok pero hindi. Siguro sunflower, kasi ano, nakakita na ng liwanag,” kinikilig na paliwanag ni Janine.

Sobrang kinilig din ang lahat ng nasa loob ng sinehan, kabilang ang buong cast ng serye lalo na si Jericho na nakaupo sa gitna ni Janine at ng bida ng bagong Kapamilya drama series na si Jodi Sta. Maria.

Idinaan naman sa biro ni Jericho ang pagsagot nang tanungin kung ano ang favorite flower niya. 

“Sunflower po, kasi gusto ko po ng sinag ng araw,” pabirong sagot ni Jericho. 

Pagkatapos ay nagseryoso na ang leading man ni Jodi, “I’m just really very happy on the professional side. I’m so happy to be with these guys. I love my team.

“But on the personal side, all of these people that I’ve worked with love her. So, it just feels light. Everything feels light if you know what I mean. So, we’re professionals on set. We can joke about it off screen, but when we step there, it’s just like there’s really a good balance.”

All throughout ng event, bago pa man nag-start ang mediacon at special screening, laging nasa tabi ni Janine si Jericho. Kahit na nu’ng pumunta sa restroom si Janine, sinamahan pa rin siya nito. Pero siyempre, hanggang labas lang si Echo.

After the mediacon, nagpaunlak ng ilang tanong si Echo sa amin at sa ibang ka-close niyang showbiz writers. Tinanong si Echo kung gaano kasaya ang puso niya ngayon. 

“Masayang-masaya,” bulalas ni Jericho.

Anyway, pasabog na acting showdown ang handog nina Jodi Sta. Maria, Janine Gutierrez, at Jericho Rosales sa pagsasama-sama ng ilan sa mga pinakamalalaking artista sa Pilipinas para sa Kapamilya teleseryeng LF na unang mapapanood sa Netflix at iWantTFC bago ito ipalabas sa TV simula Setyembre 2. 

Isa sa mga pinakainaabangan sa serye ay ang powerhouse cast na pinangungunahan nina Jodi, Janine at Jericho kasama ang Philippine drama icons na sina Albert Martinez, Edu Manzano, Jolina Magdangal, at Maricel Soriano, at ang new gen actors na sina Jana Agoncillo, Krystal Mejes, Miguel Vergara, at Marc Santiago.

---

Nag-celebrate ng kanyang kaarawan ang OPM singer-composer na si Ogie Alcasid sa It’s Showtime (IS) nu’ng Saturday.

Nag-opening number si Ogie at inawit ang bagong areglo ng mga hit songs niya noon gaya ng Nandito Ako, Kung Mawawala Ka, Ikaw Sana at Bakit Ngayon Ka Lang. 

Nanonood naman kay Ogie habang nagpe-perform ang kanyang mag-ina na sina Regine Velasquez at Nate sa audience. 

After mag-perform ni Ogie ay pumunta na sa stage sina Regine at Nate at binati ang IS host. 

Wish ni Regine na maging successful ang lahat ng ginagawang proyekto para sa ibang artists ng kanyang mister. Pati na ang pagre-reinvent sa sarili ni Ogie as an artista. 

“Honey, I’m very, very proud of you, and you know that. I’m very proud and very proud of the work that you do. So congratulations, Mahal. I love you very much,” pagbati ni Regine.

Hindi naman pinalampas ni Regine ang pagkakataon na pasinungalingan ang kumakalat na tsikang hiwalay na sila ni Ogie. 

Pahayag ni Regine, “By the way, gusto ko lang semplakin ‘yung nagsasabi na naghiwalay daw kami. 

“Hindi kasi alam n’yo mga kaibigan, marriage is difficult, marriage is very difficult the way it is, pero ‘yung may mga tao pa na who’s trying to make it even more difficult for us, ‘di po ‘yun maganda, parang ipinapanalangin n’yo na magkahiwalay kami, ‘di po kami maghihiwalay ever ‘coz we love each other. 

“Our marriage is not perfect, it’s not that for me, it is. It’s not perfect, siyempre may mga issues (jokes), pero gusto ko lang sabihin na napakabait po ng asawa ko.

“He is God-centered. Ang focus n’ya, kay God, marami s’yang ginagawa, pero ang focus n’ya, na kay God pa rin. Hence, ako po ‘yung nagbe-benefit du’n, dahil mahal na mahal n’ya ang Panginoon. Mabait at mabuti s’yang asawa at tatay sa ‘ming mga anak.”

Siyempre, nagbigay din ng kani-kanyang birthday wish kay Ogie Alcasid ang iba pang hosts ng IS, una na ang mga ka-team niya sa magaganap na Magpasikat 2024 sa anniversary ng Kapamilya noontime show.

Staff, kita sa video na naglabas ng baril… SEN. JINGGOY, NANIGAW NG BABAE, MUNTIK PANG SAPAKIN

ni Julie Bonifacio @Winner | August 24, 2024

Photo: Circulations & Jinggoy Estrada / FB

Nag-top trending si Senator Jinggoy Estrada sa X (dating Twitter) kahapon. Kumalat kasi sa socmed (social media) ang isang video kung saan nakikipagtalo ang isang babae kay Sen. Jinggoy.

Nangyari ito ilang oras matapos lumabas ang balitang naaprubahan ng Sandiganbayan ang apela ni Sen. Jinggoy sa kanyang prior conviction on bribery (direct and indirect). 

Nabaligtad at nabago ang desisyon ng Sandiganbayan sa prior conviction ni Sen. Jinggoy “for one count of Direct Bribery under Art. 210 of the Revised Penal Code and two counts of Indirect Bribery under Art. 211 of the same Code.”

Sa video ng engkuwentro ni Sen. Jinggoy sa isang female civilian, malinaw na narinig ng mga netizens ang mga dialogues.

Dinig sa video ang sinabi ng ordinary civilian kay Sen. Jinggoy, “‘Wag n’yo akong hino- 'Hoy!' porke't senador kayo?” 

At habang nagdidiskusyon si Sen. Jinggoy at ang female civilian, nakapalibot naman ang mga tao ng politician-actor. Kita rin sa video na isa sa mga tao ni Sen. Jinggoy ay may hawak na baril.

Pagtalikod ni Sen. Jinggoy sa female civilian, dinig din sa video ang sinabi ng politician-actor. 

Sey ng mga netizens, “Kung lalaki ka, sinapak kita e.” — rinig n’yo ba ‘yun, coming from Senator Jinggoy?"

“Low class na talaga ng Senate ngayon ano, except Senator Risa.” 

“Hello Senate, wala bang suspension d’yan?”  

“Harassment, intimidation na ‘yan, ah?!” 

Binatikos din ng mga netizens ang paglabas ng baril ng isa sa mga “tao” ni Sen. Jinggoy. 

Anila, “Let’s talk about someone BRINGING OUT A GUN TO INTIMIDATE A NON-ARMED CIVILIAN??????”

“Yup, I noticed that too. Bakit kailangang maglabas ng baril ang bodyguard ni Porky Senador?"

“Hindi ba violation ‘to, especially public official ‘yung amo n’ya? Sana, magdemanda si Ate Girl.”

Bumilib naman ang mga netizens sa pahayag ng female civilian kay Sen. Jinggoy na huwag siyang tawaging, “Hoy!”

React ng mga netizens, “GO ATE! (fire and clap emoji)" 

“Bravo Madam! Salute to this courageous lady!”

Nagkuwento rin ang ilang netizens kung ano ang diskusyon na naganap between Sen. Jinggoy at sa female civilian, "So, ang context daw nito ay nagkaroon ng sunog sa San Juan, kaya may mga tao sa evacuation center. Tapos, dapat si Jinggoy Estrada ay bibisita before 10 PM, eh, late dumating ang senador at nagpapahinga na ang mga tao, kaya hindi pinapasok ni "Ate Girl" na ikinagalit ni Kuya."

Galit na sabi ng mga nakapanood, “Jusko, alangan namang gisingin nila ‘yung mga tao para lang makapag-epal si Jinggoy? Stress na nga dahil nasa evacuation center, tapos, dagdagan pa ng pagmumukha n’ya.” 

“Tama naman. Bakit kasi s’ya late? Iistorbohin pa n’ya, natutulog na.” 

‘Yun pala ang kuwento.

---

Lahat pala ng galawan ni Barbie Imperial ay ikinukumpara ng mga netizens kay Sarah Lahbati na misis ni Richard Gutierrez, pati ang pag-aaral ni Barbie ng tamang porma sa pagbaril para sa kanyang role sa FPJ’s Batang Quiapo (BQ).

Ipinost ni Barbie ang video kung saan nagpapraktis siyang bumaril. 

Sey ng mga netizens, “Ganito rin ‘yung ginawa dati ng original,” na ang tinutukoy nga ay si Sarah.

“Hahahaha! Ginagaya n’ya nga kasi ang legal wife.”    

“Same sila ni Sara, next n’yan, motorbike naman.”

Ipinagtanggol naman si Barbie ng kanyang mga supporters sa mga bashers.

“Bakit bawal ba n’yang gawin, need n’ya ‘yan dahil nasa action series s’ya as a carnapper.”

“Nakita mong nagte-training dahil sa BQ.”

In fairness kay Barbie, hindi lang ang pagbaril ang ginawa niyang paghahanda para sa paglabas niya sa serye dahil pati muay thai and boxing ay inaral niya rin.

Excited si Barbie Imperial sa kanyang pagganap sa bagong karakter na si Tisay, isang singer at sugarol na maaaring magdala ng suwerte o patung-patong na kamalasan sa buhay ni Tanggol (Coco Martin).

Nagtanung-tanong, natauhan daw… RICH BUSINESSMAN, ATRAS GASTUSAN SI DINGDONG PARA MAG-SENADOR

ni Julie Bonifacio @Winner | August 23, 2024

Photo: Dingdong Dantes / FB

Totoo pala ang tsikang tatakbong senador si Dingdong Dantes sa darating na eleksiyon. Suportado si Dingdong ng ibang kakampi niyang senador na sila ring nag-udyok sa Kapuso actor na tumakbo.

Mayroon daw maperang “businessman” na malapit sa administrasyong Marcos ang supposedly magpi-finance sa kampanya ni Dingdong. 

Take note, si Dingdong ay isa sa mga artistang sumuporta sa kandidatura ni Atty. Leni Robredo sa pagka-senador noong nakaraang eleksiyon.

Pero natauhan daw ang maperang “businessman” at biglang nag-backout sa pag-finance ng kampanya ni Dingdong. 

Nagtanung-tanong daw kasi ang mayamang “businessman” sa malalapit niyang kaibigan tungkol sa tsansa ni Dingdong na manalo sa pagka-senador. Negatibo ang nakuhang feedback ng maperang “businessman”, kaya napaisip siya kung itutuloy o hindi ang balak.

Sa huli, nakinig ang maperang “businessman” sa kanyang mga kaibigan at dali-daling nag-backout sa pagsuporta kay Dingdong. 

Kaya pala nang magkaroon tayo ng pagkakataon na mainterbyu si Dingdong, matigas ang kanyang pagtanggi na papasukin niya ang pulitika.

Well, malay natin, baka may iba pang mayamang supporters. Pero dapat ngayon na siya lumantad kasi kailangan ni Dingdong umikot sa iba’t ibang lalawigan sa bansa, gaya ng iba pang aspiring candidates for the Senate tulad ni Atty. Persida Rueda-Acosta.

---

NANAY NI ANGELICA, PUMANAW NA SA EDAD NA 61

Photo: Angelica Panganiban / IG

Pumanaw na ang ina ni Angelica Panganiban na si Annabelle “Ebela” Panganiban noong Martes, Agosto 20. 

Ipinaalam ni Angelica ang pagyao ng kanyang ina sa pamamagitan ng isang post sa kanyang Instagram kahapon. Naka-detail dito ang impormasyon para sa wake ng kanyang ina, na pumanaw sa edad na 61.

Ibuburol ang ina ni Angelica sa Aeternitas Chapels and Columbarium sa Commonwealth, Quezon City simula sa Huwebes, Agosto 22. 

Sa kasalukuyan, wala pang ibang detalye kung ano ang naging sanhi ng pagkamatay ng ina ni Angelica.

Marami naman agad ang nagpadala ng pakikiramay kay Angelica mula sa kanyang mga celebrity friends sa comment section ng kanyang Instagram (IG) post, gaya nina Bea Alonzo, Miles Ocampo, Jugs Jugueta, Bianca Gonzales, Jolina Magdangal, at Pauleen Luna. 

Mula sa grupong AngBeKi, nag-post ng mensahe ng pakikiramay ang It’s Showtime (IG) host na si Kim Chiu.

“Mahigpit na yakap, Momsy. 'Andito lang kami lagi para sa 'yo. Prayers for you and your family,” comment-post ni Kim.

Habang si Bela Padilla, isa pang miyembro ng grupong AngBeKi (Angge, Bela at Kim) ay nag-comment din, “Love you, Momsy… Isang mahigpit na mahigpit na yakap."

Mula sa isa pa sa mga hosts ng IS na si Anne Curtis, “Love you, Kambal.”

“Condolences, Maymi. We love you, Ebela!” mula sa dating child star na si Serena Dalrymple.

“We love you, Ebela. Rest in peace with our Father,” mensahe ni Camille Prats.

May isang nag-reply sa comment-post ni Bea na binash ng ibang followers ng aktres,“@beaalonzo be kind, lie is too short. Tell your mama to forgive Dominic; he’s a good man, okay?”

“Huy, bastos naman nito. Dito ka pa nagkakalat, jusko!!”

“Ano daw?”

“Luh! ‘Wag bastos, BEH.”

“Papansin ka? Napakawalang modo mong tao kung tao ka ba talaga! Nagluluksa si Angelica, tapos epal ka mag-post dito!”

“Rude ka na, t*nga ka pa, mag-English ka.”

Kalurky.