Aktres, excited nang mag-beach… VICE KAY ANNE: AYOKONG MAKITA KANG NAKA-PANTY!

ni Julie Bonifacio @Winner | February 28, 2026

Photo: VIce Ganda at Anne Curtis - Instagram

Inokray ni Vice Ganda si Anne Curtis. 

Palagi namang ganoon ang dalawang hosts ng It’s Showtime (IS), lagi silang nagbibiruan pero mas madalas siyempre, si Vice ang nanlalait kay Anne.

This time, sa social media naman niya binanatan si Anne. Nag-post si Vice ng picture niya habang nasa beach at may dalang malaking bag.

Sey ni Vice sa post niya, “The bitch is missing the beach.”

Comment ni Anne, “Let’s go? (heart emoji).”

Sagot ni Vice, “Ayokong makita kang naka-panty!”

Siyempre pa, aliw na aliw ang mga followers ni Vice sa banat niya kay Anne.

Komento ng mga fans:

“Tawang-tawa ako.”

“Magbi-briefs daw si @annecurtissmith para sa ‘yo, Meme.”

Hahaha! Ganern? Aabangan natin ‘yan!

---

Proud na ini-announce kahapon ni Jodi Sta. Maria sa X na officially enrolled na siya para sa kanyang master’s degree sa Psychology.

“After the setbacks and delays, it’s finally happening. Officially enrolled in my MA in Psychology with Specialization in Family Life Development. Delayed doesn’t mean denied. Thank You, Lord,” pagmamalaki ni Jodi.

Puring-puri si Jodi ng kanyang mga followers sa bago niyang achievement sa buhay.

Sey ng mga netizens…

“Wow! God bless on this new journey Jodi!”

“God bless and good luck. Enjoy every moment and have fun with everyone during the journey.”

“Ate Jods, I’m so proud of you. God’s timing is always perfect. Delayed but never denied talaga. Excited for this new chapter of your MA journey. This is just the beginning of greater things ahead. I’m celebrating with you.”

Ibinahagi ni Jodi ang bago niyang achievement para magbigay-inspirasyon. Hindi raw naging madali ang pag-e-enroll niya sa kanyang masteral degree.

Mensahe ng isang fan, “You inspired me so much, Ma’am (Jodi). Planning to go back to school na rin soon. Makakatapos ako no matter what happens.”

Reply ni Jodi Sta. Maria, “Go for it!”

Wow!

May pasabog sa Araneta Coliseum… ANDREA, BAGONG PRINSESA NI MVP

ni Julie Bonifacio @Winner | February 27, 2026

Photo: Andrea Brillantes - Instagram

Pasabog ang ginawang performance ni Andrea Brillantes sa halftime ng pa-basketball tournament ni Mr. Manny V. Pangilinan, CEO ng TV5. 

Bonggacious ang outfit ni Andrea sa kanyang production number dahil lutang na lutang ang kaseksihan niya.

Ipinost ni Andrea ang tatlong pictures niya wearing her outfit during her halftime performance sa kanyang Instagram account.

Caption ni Andrea, “Yesterday’s halftime moment at Smart Araneta Coliseum.”

Pinasalamatan ni Andrea si MVP at tinawag na boss sa huling bahagi ng caption niya.

Tama naman, boss niya talaga si MVP. May kontrata siya sa streaming platform nito at may series sila ni Enrique Gil, ang A Secret in Prague (ASIP) na ipinrodyus din ng business tycoon.

Mukhang si Andrea Brillantes ang bagong prinsesa ni MVP.

Why not?

---

TUMALAK si Angel Locsin sa social media sa kabila ng kanyang pananahimik. Hindi nakatiis si Angel na lumantad online para depensahan ang stepson niyang si Joaquin Arce.

Si Joaquin ay anak ng mister ni Angel na si Neil Arce sa una nitong misis. At the same time, isa si Joaquin sa mga housemates ngayon sa Pinoy Big Brother Celebrity Collab Edition 2.0.

Nag-react si Angel nang sabihang ‘nepo baby’ si Joaquin online. Isang mahabang mensahe ang ipinost niya sa X (dating Twitter) kahapon upang ipagtanggol si Joaquin.

“Bihira lang akong mag-social media, ha. Pero nagulat ako sa comments ng ilang tao rito. Ano namang kasalanan ni Joaquin at naging asawa ko ang dad n’ya para ma-brand s’ya as nepo baby?” panimula ng post ni Angel sa X.

Ipinaalala ni Angel sa mga netizens na dati rin siyang nasa ibaba at naranasan ang ginagawa ng mga mahihirap gaya ng pagsakay sa public transportation.

Pagre-remind ni Angel sa publiko, “Para namang ‘di ako nag-dyip o bus papuntang tapings ko dati. Ka-level ko pala si Discaya? LOL (laugh out loud). Pero ‘yung pera ko, ‘di galing sa nakaw.

“‘Yung 12K na boto ko kay Joaquin sa buong journey n’ya, baka dagdagan ko, maasar ko lang ‘yung ibang gumagawa ng issue.

“My son could have asked me for a project, but ang hiniling n’ya is mag-audition sa PBB. ‘Wag bitter. Nakakapangit ‘yan.”

Marami ang nakaintindi kay Angel sa pagdepensa kay Joaquin online.

Sey ng mga fans:

“Me as a stepmom, would do the same.”

“Grabe si Idol Angel, kahit minsan lang magsalita, mapi-feel mo pa rin talaga na sobrang bait at napaka-soft lang ng talk n’ya. Ikaw lang talaga ang Darna sa akin, Idol Angel Locsin.”

Inilahad naman ng nakasubaybay kay Joaquin sa loob ng PBB house kung bakit nakasama ang stepson ni Angel sa Ultimate 8.

“Mas marami rin s’yang lie na nakuha kahit na sincere naman ang mga sagot n’ya. Pero ‘yung ibang housemates, puro truth kahit harapan sa screen at kita na nagsinungaling. Parang pinag-usapan pa ng mga housemates bago sila magtaas ng kamay, tinginan muna sa mga kasama nila kung ano ang ibo-vote nila. Unfair ito para kay Joaquin.”

“Si Joaquin ang pinakatotoo. Ipinakita n’ya ang mga imperfections n’ya pero still willing to listen and to improve.”

“Mabait na tao si Joaquin, may strong personality s’ya. Sadyang may mga taong ‘di nakakaintindi pero mabuti si Joaquin. Sila ni Lella (Ford) ang Big Winner ko.”

So, there!

Mister ni Izzy, sobra na raw sa mga bading… BOY KAY ALVIN: ‘DI AKO PUPUNTA SA IMPIYERNO DAHIL MABAIT ANG DIYOS

ni Julie Bonifacio @Winner | February 26, 2026

Photo: Boy Abunda at Alvin Aragon - YT FB

Hindi nakatiis ang King of Talk na si Boy Abunda na mag-react sa naging pahayag ni Alvin Aragon tungkol sa LGBTQIA+ community at sa mga magulang na nagbibigay ng suporta sa kanila.

Knowing Kuya Boy na isa sa mga big supporters ng LGBTQIA+, hindi siya mananahimik na lamang sa mga ganitong panlalait at pagyurak sa kanilang pagkatao.

Sa kanyang programang Fast Talk with Boy Abunda (FTWBA) ay kinol-out ng King of Talk si Alvin at naglabas ng kanyang saloobin.

Talak ni Kuya Boy, “I’d like to be gracious to Alvin. He’s coming from a point of faith, kanyang paniniwala. Totoo ‘yung kanyang paniniwala.

“Pero para sa akin po, he crossed a line. Sumobra s’ya noong nagpangalan na s’ya ng mga magulang na ‘Tingnan mo sina K Brosas, Ian Veneracion, Gloc-9,’ na parang ‘di tama.

“In other words, what he was trying to say is hindi tama na ine-embrace nila ang kanilang mga LGBT children dahil hindi ‘yan nakasaad sa kautusan ng Diyos. To me, that was an overstretch. To me, that was wrong. To me, du’n sumobra si Alvin.

“I’d like to call him out dahil ang masakit, na para bagang sinasabi ni Alvin na ito ang tamang parenting style, tama kami dahil hindi namin pinapayagan, ‘di namin tinatanggap. As opposed to these people who chose to embrace and who continue to choose to embrace their children with love, with dignity, with kindness, with compassion.

“Alvin, you cannot impose your faith. You cannot impose your parenting style. You cannot impose yourself on us. Walang puwedeng magsabi sa amin, not you, not anyone. Kung iba ang iyong paniniwala, iba ang iyong faith, sobra ang paggalang ko sa ‘yo.

“As a matter of fact, pagdating nila dito, I found Izzy really beautiful inside and out. Alvin was so funny. We had a wonderful experience with them.

“Pupunta ba ako sa impiyerno because I am gay? At pupunta ba ang mga magulang na yumayakap sa kanilang mga anak with love and dignity?

“‘Di kami pupunta ng impiyerno because ako, I believe in a God who’s kind, I believe in a God who's compassionate, I believe in a God who is all understanding, I believe in a God na makikita ang aking kalooban.

“Sinabi ni St. John of the Cross, and listen, gusto ko itong pakinggan ni Alvin, ‘In the evening of life we will all be judged on love and love alone.’”

‘Yun na!

---

Sopla ang mga bashers ni Bea Alonzo na nagsabing hindi na siya bibigyan ng show ng GMA-7, dahil heto na’t sasabak na muli si Bea sa bagong serye sa Kapuso Network.

Lumabas na sa social media ang mga posts para sa bagong serye ni Bea na pinamagatang Whispers From Heaven (WFH).

Ang WFH ay isang political-thriller series directed by Zig Dulay and Jorron Lee Monroy.

Second-in-a-row na ito nina Bea at Direk Zig sa GMA-7. Una ay ang successful drama series nila na Widows’ War (WW).

Solo lead si Bea sa kanyang pagbabalik-serye sa Kapuso Network. Pero makakasama niya sa WFH sina Tom Rodriguez, Maricar Reyes, Jason Abalos, Cassy Legaspi at Jake Macapagal.

Nag-post ang manager ni Tom na si Popoy Caritativo ng picture nila kasama si Bea sa Instagram (IG).

After Carla Abellana, ang kanyang ex-husband na si Tom naman ang makakatrabaho ng aktres. We wonder kung mapag-uusapan kaya nina Bea at Tom si Carla sa set.

Samantala, balik-acting si Maricar after eight years, at muli silang magkakasama ni Bea after 12 years. Nakatrabaho ni Bea si Maricar sa drama series ng ABS-CBN na Sana Bukas Pa Ang Kahapon (SBPAK) noong 2014.

Sisimulan ni Bea Alonzo ang Whispers From Heaven this year at mapapanood sa 2027.