Muslim daw kasi… KA FREDDIE, ‘DI NA IBINUROL, INILIBING AGAD

ni Julie Bonifacio @Winner | May 28, 2025

Photo: Freddie Aguilar - Muntinlupa City Muslim Affairs Office-FB

Agad na inilibing ang pumanaw na music legend na si Freddie Aguilar kahapon.

Umaga pa lang ay kumalat na ang balita tungkol sa pagkamatay ni Ka Freddie sa Philippine Heart Center.

Kinahapunan ay may report na nailibing agad ang labi ng legendary OPM icon.

May nakapagsabi sa amin na Muslim daw kasi si Ka Freddie at may tradisyon sila sa pagpanaw ng kanilang mga mananampalataya. Inililibing daw agad ang namatay sa Muslim religion.

But let’s wait sa sasabihin ng pamilya, baka maglabas sila ng opisyal na pahayag kung ibuburol pa ang music legend. Siyempre, may mga gusto pa ring magbigay-respeto sa singer-icon na iba pang miyembro ng pamilya, mga kaibigan at tagahanga sa huling pagkakataon.

---

Idinaan ni Mark Herras sa social media ang madamdamin niyang pagbati sa kaarawan ng kanyang misis na si Nicole Donesa.

Pinasalamatan ni Mark si Nicole sa pagmamahal na ibinigay sa kanya ng dating actress-beauty queen.

Ang dami ring pinagdaanan nina Mark at Nicole. Nahirapan sila sa pagsisimula ng kanilang pamilya, especially sa pinansiyal na aspeto, hanggang sa nabalitang sumasayaw sa gay bar si Mark para masuportahan ang kanyang asawa at anak.

Ang bilis namang nakabawi ni Mark dahil sa mga tumulong at nagbalik ng tiwala sa kanya sa showbiz. At ngayon ay ine-enjoy na nila ni Nicole ang bago nilang bahay. 

Nagkaayos na rin daw si Mark at ang businessman-singer na si Jojo Mendrez.

Caption ni Mark sa kanyang latest Instagram (IG) post: “Happy, happy birthday, itchy!!!

Thank you for everything. Thank you for Corky & Mina. Salamat sa pagmamahal sa pag-intindi at sa mga away. Hahaha! Sana, maging masaya ka palagi. Thank you para sa pamilyang meron tayo.. love you & I will see you very soon. Happy birthday, Mommy. We love you!”

At sa kanyang Instagram (IG) story naman ay isang video ni Mark ang kanyang ipinost habang sumasayaw. Ibinida ni Mark sa video ang kanyang dance moves.

In fairness kay Mark, mahusay at napakaguwapo pa rin sa video. Kering-keri niyang gumanap bilang mala-“Magic Mike” na tema sa pelikula.

---

NAPAKAHUSAY na aktres talaga ni Chanda Romero. Sa ilang gabi ng panonood namin ng FPJ’s Batang Quiapo (BQ) ng mga eksena ni Chanda with Coco Martin, Tommy Abuel at Christopher de Leon, kulang na lang ay palakpakan namin siya.

Damang-dama ang emosyon ng pagsusumamo niya sa kampo ni Coco na tanggapin siya, and at the same time, ang pagkamuhi niya sa sariling pamilya kung bakit kailangan niyang lumapit sa mga kalaban nila.

Pero bukod sa kahanga-hangang pag-arte, ang talagang kahanga-hanga ay ang ipinakita ni Chanda na paggalang kay Coco Martin hindi lamang bilang kanyang co-actor kundi bilang direktor sa BQ.

Palagi siyang naroroon, nagtutulungan at propesyonal na patunay ng kanyang kababaang-loob sa kabila ng kanyang maalamat na katayuan sa industriya. 

Ang kanilang paggalang sa isa't isa ay isinasalin sa on-screen na chemistry na nagpapanatili sa mga manonood.

Kaya huwag palampasin ang BQ gabi-gabi, 8:00 PM on Kapamilya Channel, TV5, Kapamilya Online Live, and iWantTFC.

Anak ni Sen. Jinggoy, bina-bash pa, pumalag… JULIAN, NAGSALITA NA KUNG PAANO NABUGBOG NG 3 LALAKI SA BORACAY

ni Julie Bonifacio @Winner | May 27, 2025

Photo: Julian Estrada - IG

Nagsalita na ang anak ni Senator Jinggoy Estrada na si Julian Estrada sa insidenteng nangyari sa kanya sa Boracay last Saturday.

Unang lumabas sa balita na nilapitan daw ng isa sa mga suspek ang isang biktima at biglang sinuntok. Nu’ng umawat ang isa pang biktima ay itinulak at sinuntok din ng tatlong lalaki sa tapat ng isang hotel sa Bgy. Balabag.

Narito ang pahayag ni Julian sa kanyang Instagram (IG) Story, “To set the record straight.. there was no fight, it was an unprovoked attack.

“Jelo and I were already walking away from a peaceful night, heading home. When one of them walked up, said a few words and threw the first punch.

“What followed wasn't a scuffle, it was a group jumping and yet people online were so quick to say ‘deserved,’ ‘buti nga,’ funny how loud people get when they're hiding behind screens...

“Twisting a story they weren’t even there for. This wasn’t some bar fight.

“We weren’t looking for trouble and we sure as hell didn’t start any but it's easier I guess for strangers to believe the version that fits their bias.

“It’s easier to hate than to ask what really happened so before you speak of someone else’s pain, make sure you know the truth because what you say says more about you than it ever will about me. To everyone who checked in, messaged or simply kept it real, thank you. Your support didn't go unnoticed. I'm taking time to rest and move forward, that's all there is to it.”

Naghain na ng reklamo si Sen. Jinggoy laban sa mga suspek na umano’y nanakit kay Julian at sa pamangkin na si Jefferrely sa isla ng Boracay.

Nagtamo si Julian ng sugat sa ulo at nasira ang isang kuko sa paa pagkatapos daw sipain nang sunud-sunod. May tama naman daw sa ilong ang pinsan ni Julian.

As of this writing, nagpapagaling daw sa ospital ang magpinsan.

Hati naman ang mga netizens sa kanilang reaksiyon sa pahayag ni Julian Estrada:

“Kinda hard to believe coming from you.”

“Oo nga. Ilabas n’yo rin ‘yung version ng kabilang panig…”

“Kilala mo ba kung sino ako? Unprovoked ‘yon ????”

“Hindi ka mabugbog na walang dahilan. Period.”

Sey ng ibang mga netizens, “Maangas or not, it’s not right na binugbog sila.”

“Reason enough na ba ‘yun, para upakan at bugbugin mo ang tao? Kahit saan tayo pumunta, meron at meron tayong ma-meet na mga tao na mahangin at maporma. Kung hot-headed ka, abutin mo kulong at sakit ng katawan.”

“Boracay should be cleansed again. To think there’s also an unresolved murder of a female foreigner in Boracay. Also, suspects of kidnapping/murder were found hiding in Boracay etc..”

May ilan naman na pati nakaraang insidente tungkol kay Julian ay kinakalkal pang muli:

“Sabi mo ‘yan, eh… dumaan nga lang si Ben Simmons, tinawag mong supot! (nasa IG post n’ya) Malamang umariba na naman kayabangan mo kaya ka na-jombag.”

“Ganyan din s’ya nu’ng teenage years n’ya kasama n’ya si Diego Loyzaga noon, nasangkot din sila sa gulo.”

Sabeee?

---

INALALA ni Matet de Leon ang ika-40 araw ng pagkawala ng kanyang ina, ang Superstar at National Artist na si Nora Aunor.

Ipinost ni Matet sa kanyang Instagtam (IG) ang picture ng pagbisita nilang magkakapatid sa puntod ni Nora kasama ang kanilang mga anak kahapon.

Caption ni Matet sa kanyang IG post, “Today marks 40 days since our mommy left this world. In our tradition, the 40th day is a time to remember, pray, and let go with love - trusting that her soul is finding peace and rest.

“Not a day has passed without thinking of her - her kindness, her laughter, her quiet strength. She gave so much of herself to everyone around her, and even in her silence, she had a way of making you feel loved.

“The pain of losing her is still so real. Some days it feels like she’s just in the next room, and others, her absence is too loud to ignore. But even in grief, I find myself remembering her smile, her guidance, and the many lessons she left behind - in the way she lived, loved, and believed.

“Today, as we mark her 40th day, we offer our prayers. We remember her, we honor her, and we release her - trusting that she is now in a place of peace, surrounded by the light and love she gave so freely here on Earth.

“To those who have stood by me and our family during this time - thank you. Your kindness and prayers have been a source of strength when we needed it most.

“And to you, Ma, I carry your love in everything I do. I miss you more than words can say. I hope you are at peace. I hope you know how deeply you are loved and how much you are missed.

“You are forever in our hearts.”

‘Yun na.

SERYE NI COCO, UMEERE SA 41 BANSA SA AFRICA

ni Julie Bonifacio @Winner | May 26, 2025

Photo: Coco Martin PH - IG

Biyaheng Africa ang famous couple na sina Coco Martin at Julia Montes kasama ang iba pang Kapamilya stars.

Sa unang pagkakataon, dadalhin ng ABS-CBN ang Kapamilya stars sa Kenya para sa isang masayang selebrasyon upang magpasalamat sa ilang taong pagsubaybay sa mga programa ng ABS-CBN na umeere sa iba’t ibang bansa sa Africa.

Isa itong milestone para sa ABS-CBN dahil pagkatapos ng maraming taon na pagtangkilik ng mga taga-Kenya sa mga Kapamilya teleserye, personal na nilang makakasalamuha ang mga Kapamilya stars na napapanood lang nila noon sa mga paborito nilang serye.

Makakasama nga ng mga fans ang CocoJul sa Kapamilya Live in Kenya para ipagdiwang ang parehong kultura ng Pilipino at Africa na gaganapin ngayong Hunyo 28 sa Nairobi Cinema.

Bukod dito, inanunsiyo na rin ng ABS-CBN ang pag-ere ng kinakikiligang serye nina Coco at Julia na Walang Hanggan (WH) sa Hulyo, at ang serye naman na pinagbibidahan ni Julia na Saving Grace (SG) na ipapalabas sa Setyembre. Pareho itong mapapanood sa StarTimes channel ngayong taon.

Tuluy-tuloy ang pamamayagpag ni Coco sa Africa kung saan patok sa mga manonood ang serye niyang FPJ’s Batang Quiapo (BQ), na kilala sa pamagat na Gangs of Manila (GOM) at kasalukuyang umeere sa 41 na bansa sa Africa. Tumatak din sa mga manonood sa Africa ang mga teleserye ni Julia tulad ng Ikaw Lamang (IL), Doble Kara (DK), Asintado, atbp..

Mahigit 2 dekada nang umeere sa iba’t ibang bansa sa Africa ang mga programa ng ABS-CBN. Ilan lamang sa mga napapanood na Kapamilya teleserye ngayon ay ang Can’t Buy Me Love (CMBL), Lavender Fields (LF), What’s Wrong with Secretary Kim (WWWSK), The Broken Marriage Vow (TBMV), at marami pang iba.

Para sa iba pang mga detalye para sa Kapamilya Live in Africa, bisitahin ang Kapamilya live website. 

Para sa iba pang updates, sundan ang @abscbnpr sa Facebook (FB), X (dating Twitter), Instagram (IG), at TikTok (TT) o bisitahin ang ABS-CBN website.

---

Inabot ng mga aberya ang misis ni Senator Jinggoy Estrada na si Precy Ejercito at isa sa mga anak nila habang nagbabakasyon sa Boracay.

Naiulat sa isang provincial radio program sa Aklan na sinuntok ang anak nina Sen. Jinggoy at Precy ng tatlong hindi pinangalanang binata sa Station 2 ng Boracay Island noong 2 AM kahapon. 

Pero duda ng mga netizens, ang anak ni Sen. Jinggoy na tinutukoy sa mga news ay si Julian Estrada. May post kasi sa kanyang Instagram (IG) na hindi matutuloy si Julian sa event sa isang kilalang bar sa Boracay kung saan isa siya sa mga guests/performers.

Post ni Julian sa kanyang IG story, “To everyone expecting to see me at epic tonight, I won’t be able to make it. Got caught in a really unfortunate situation last night and need time to recover, both physically and mentally. 

“Appreciate all your understanding and support. See you soon.”

Ayon sa report, naglalakad daw ang dalawang biktima (anak ni Sen. Jinggoy at kasama nito) mula sa isang bar papuntang D’Mall (kilalang tourist area sa Boracay) nu’ng bigla silang sundan ng 3 lalaki. 

Nilapitan daw ng isa sa mga suspek ang isang biktima at biglang sinuntok. Nu’ng umawat ang isa pang biktima ay itinulak din siya at sinuntok din ng tatlong lalaki sa tapat ng isang hotel sa Bgy. Balabag.

Agad nakilala ang mga suspek na pawang mga residente sa isla ng Boracay at inaresto ng mga pulis, habang isinugod naman daw sa ospital ang isa sa mga biktima para sa agarang medikal na atensiyon.

May duda ang mga netizens kung bakit sinuntok ang mga biktima.

“Mga 18 years old, binugbog sila? Malamang napormahan o niyabangan n’yo.”

“So, hindi ‘yung anak ‘yung target, ‘yung kaibigan ng anak?”

“Penoys (Pinoy) doing penoy things again (laughing emoji). We all know that even the anak of kapitan feels like hari-harian (smiling emoji). What more than a son of a senator with a last name of Estrada… That’s like having two infinity stones (winking emojis).”

“Hindi mo ba alam kung sino ako.....”

“I have no sympathy for this family whatsoever.”

Ganoon?