After maudlot ang kasal nila ni Vincent… BEA, TODO-FLEX NA HAPPY NA SIYA

ni Julie Bonifacio @Winner | July 9, 2026

Photo: IG Bea Alonzo

Pinatunayan ni Bea Alonzo na naka-move on na siya sa pagkadiskaril muli ng kanyang love life.

Sa kanyang recent Instagram (IG) post ay inamin niya na nasa sitwasyon na siya ngayon kung saan nakakaramdam siya ng ganap na kasiyahan.

Nag-post si Bea ng series of photos sa kanyang IG na may iba’t ibang caption.

Sa mga caption ay malinaw na inilarawan ni Bea ang kalagayan ng kanyang puso at isipan, gaya sa unang larawan ni Bea na nakaupo sa set ng kanyang seryeng Whispers From Heaven (WFH).

Caption ni Bea rito, “In my element.”

Sumunod na photo ay sa set ng serye niya na ang location ay sa isang squatter's area.

Ang caption ni Bea sa picture na ito ay isang movie camera emoji.

Pangatlong picture ay nakatalikod si Bea na may bitbit na weekend bag habang nakatingin sa malayo.

“Moving,” sey niya.

Pang-apat ay picture niya with her family sa dining room ng bahay nila.

“My safe place,” caption pa ni Bea.

Ang iba pa ay pictures niya with her best friend at may white wine bilang reward daw at tsikahan nila ng kanyang direktor na si Zig Dulay sa taping.

Positive vibes ang dating ng recent post ni Bea sa kanyang mga IG followers.

Anila, “Happy ng mga babies.”

“You belong where your soul feels alive.”

“Can’t wait for your teleserye comebackkkk!!!”

Abangers na talaga sila.

---

OUT na ang apat na pelikula sa unang batch na kasali bilang official entries sa December filmfest this year. At isa riyan ang pasabog na pagsasanib-puwersa nina Vice Ganda at Bossing Vic Sotto para sa The Greatest Showdown (TGS).

Ang TGS ang nagsisilbing unang kolaborasyon nina Vice at Vic at ipo-produce ito ng ABS-CBN Studios, Star Cinema, The IdeaFirst Company, M-Zet Productions, at APT Entertainment sa direksiyon ni Jun Robles Lana.

Tsika ni Vice sa interbyu, “Kailangan naming magsanib-puwersa para ibigay ang tawa, halakhak, at kaligayahan na kailangan ng mga Pilipino. Hardcore, todo-comedy ang gagawin naming dalawa.”

Ang tatlo pang pasok sa December filmfest ay ang mga pelikula nina Aga Muhlach, Dennis Trillo, at Maricel Soriano.

Tiniyak naman ni Vic na maraming aral ang mapupulot ng mga manonood sa movie nila ni Vice.

Sabi pa ni Vic, “Magbibigay kami ng ligaya sa taong bayan. Magpapasaya tayo at magpapatawa tayo.”

For sure, excited na ang buong bayan sa pagsasama nina Vic at Vice sa pelikula.

Baka raw tumakas tulad ni Sen. Bato... HIRIT NI BONG NA DUMALAW SA PATAY NA UTOL, TABLADO

ni Julie Bonifacio @Winner | July 8, 2026

Photo: File / Circulated

Sad for sure si former Sen. Ramon ‘Bong’ Revilla Jr. sa pagkaka-deny ng request niya na pansamantalang makalabas ng kulungan.

Nais sanang lumabas ng kulungan ni Bong para makapunta sa wake ng pumanaw niyang kapatid na si Jojo Bautista.

Ang Sandiganbayan Third Division ang nagdesisyon na huwag pagbigyan ang request ng dating senador.

Todo-reak naman agad ang mga netizens sa mga latest news kay Bong.

“‘Yan na naman ‘yung special requests na ‘yan!”

“Dapat lang, no special treatment nga naman.”

“No special treatment!”

“Very good! Baka ‘pag lumabas, mag-ala-Bato.”

“Ay, dapat lang! Baka itakas din ni Robin.”

“OMG, who said that??”

“‘Di pa naman convicted. They should have been more humane.”

Nahaharap si Bong sa kasong malversation at graft dahil sa diumano’y ghost flood control projects.

---

MATAGUMPAY ang ginanap na selebrasyon para sa ika-30 taon ng mega hit song ni Renz Verano na Ibang-Iba Ka Na. It was celebrated via a grand show sa Tanghalang Pasigueño last June 23.

Ang pagdiriwang ay pinangunahan ng mismong composer na si Evelyn Bruce.

“It’s a blessing, blessing po ‘yan na galing sa Itaas. Lahat po ‘yan ay galing sa Kanya, sa Diyos. And I’m very happy, of course, very blessed. I can sing it in the same key as I did 30 years ago. Sana nga ho, tuluy-tuloy,” pahayag ni Renz pagkatapos ng show.

Inamin ni Renz na malaki na ang kinita niya sa awiting ito.

“‘Pag may hit ka, dadalhin mo na ‘yun throughout your career. At ako ay masuwerte at meron akong mga hit. Marami. Oo, marami po,” diin ni Renz.

Sobrang pasasalamat ang ibinigay ni Renz kay Evelyn, na ngayon ay may sarili nang singers under her talent management, ang EBQ Music Production.

“Well, maraming-maraming salamat kay Evelyn (Bruce), composer ng Ibang Iba Ka Na. Up to now, simula nu’ng magkita kami sa first show we did together sa Saipan, 1993 or 1996, aba, eh, lagi na niya akong kinukuha. ‘Di n’ya ako nakakalimutan sa mga raket. Kaya maraming-maraming salamat, Evelyn. Maraming-maraming salamat sa napakagandang komposisyon,” pasasalamat ni Renz.

May special performance rin ang EBQ talents sa 30th anniversary ng Ibang Iba Ka Na. Ilan sa kanila ay ang mga batang sina Aerwyna Pearl, Robby Diesta, at Lyndon McLain. Ang tatlong nabanggit na artists ng EBQ Music Production ay nakatanggap din ng award bilang Most Influential Filipino Asian Award.

Si Aerwyna ay walong taong gulang. Nakagawa na siya ng album titled Everyday I Thank You, na composed nina Evie Quintua at Baby Salvanera. Record producer naman si Nicasio Quintua.

May kasamang anim na kanta, kabilang ang kanyang debut single na siya ring title ng kanyang album.

Sa huli, nagbigay ng mensahe si Renz sa mga batang artists ng EBQ Music Production.

“Well, ‘pag meron kang pangarap sa buhay, ‘wag mong tigilan. Uh, meron akong formula r’yan. Patience and prayers. ‘Pag matiyaga ka sa iyong ginagawa at ‘pag sigurado ka na gustung-gusto mo, makakamit mo ‘yan. Sasabayan mo lang ng dasal,” lahad ni Renz.

Bongga!

Matagal na nawala dahil sa utang… KEN, NAGPARAMDAM NA ULI SA SOCMED

ni Julie Bonifacio @Winner | July 7, 2026

Photo: FB Ken Chan

Aktibong muli si Ken Chan sa Facebook (FB). Pansin agad ng mga netizens ang pagpaparamdam ng aktor sa social media.

Mukhang sadyang nagpapansin talaga si Ken online. Sunud-sunod kasi ang mga posts niya. Ang huli niyang post bago ito ay noong April 18, 2025.

Senyales daw ito na nagpaparamdam na si Ken sa mga netizens, at posibleng ‘paglitaw’ na rin ni Ken in person.

Duda ng mga netizens, maaaring nakabayad na si Ken sa mga pinagkakautangan niya.

Sey ng mga fans:

“Sana, goods na lahat (cross fingers emoji).”

“Na-miss ka namin, Ken Chan (heart emojis). God bless you always (praying emoji).”

“Prepared s’ya, wow! Hahaha!”

“Fully paid na.”

“Eto na ‘yun. Ang pagbabalik!”

“Happy to see you back, Ken ‘Boyet’.”

“Miss ka na namin.”

Sabeee!

---

Pa-thank you raw sa mga fans…

LAST CONCERT NI REGINE, FREE!

KINLARO ni Asia’s Songbird Regine Velasquez na hindi niya personal na desisyon na gawing libre ang kanyang Finale concert.

Marami kasi ang nagulat sa pa-free concert ni Regine. May mga nang-iintriga pa na kung bakit wala nang bayad ang gustong manood sa concert niya.

Nagpaliwanag si Regine sa X (dating Twitter) tungkol sa kanyang pa-free concert.

Post ni Regine sa X, “Hello guys, I’m excited, nervous, and anxious all at once, and my feelings are all jumbled up (laughing emoji) but most importantly, I’m really grateful.”

At sinabi ni Regine na nagmula sa kanyang sister-manager na si Cacai Mitra ang ideyang gawing free concert ang Finale.

Pagpapatuloy ni Regine, “I’m thankful to my sister Cacai because she’s the one who really thought of this, and actually, she’s the producer of this concert—not me. She wanted us to express our gratitude to all of you at my last concert (heart emoji).

“She’s the one who found people to help us so that, somehow, we could get assistance with the costs. As you all know, producing a concert is so expensive these days.”

Sa huli ay may pakiusap si Regine sa kanyang mga fans.

“Our only request is that for those who can afford it, let’s give the free night spots to those who truly can’t buy tickets. So that those who dream of watching me live can have the chance to see me. Thank you so much for 40 years. Love you guys (smile emoji),” diin pa ni Regine.

Sana ay lahat din ng entertainment press, gaya ng lahat ng members ng Philippine Movie Press Club (PMPC), ay makanood. Beke nemen.