ni Julie Bonifacio @Winner | March 3, 2026
Photo: Jessy Mendiola at Luis Manzano - YT
Lilipat na ng bahay ang Manzano family – sina Luis, Jessy at Peanut!
Ang pag-flex ni Jessy ng bago nilang balur ni Luis ay mapapanood sa kanyang YouTube (YT) channel.
Bungad ni Jessy sa latest vlog niya, “Kami ay lilipat na sa aming forever home, ang Casa Manzano.”
Ang in-upload nila na content ay ang first episode ng kanilang ‘Casa Manzano’ series sa YT.
Almost five years na raw silang palipat-lipat ng bahay, kaya mas marami raw house tour sina Luis at Jessy.
“First and foremost, bakit tayo nag-decide du’n sa…” pause ni Jessy.
Dugtong niya, “Actually, sa totoo lang, nasa South kami.”
Ayon kay Luis, dalawa technically ang bahay nila – isa sa Lipa at itong Casa Manzano.
“‘Yung isa kasi, ‘pag nasa ABS (ABS-CBN) kami at kumbaga, ‘yun ay na-construct naming dalawa,” sabi ni Luis.
Dream home talaga nila ang ipinatayo nila, na kung hindi kami nagkakamali ay ang dating bahay ni Star for All Seasons at ina ni Luis na si Vilma Santos-Recto. Ito ay ‘yung bahay na bukod-tanging hiningi ni Luis sa mommy niya noong binata pa siya.
“And what’s funny, nagustuhan na rin talaga namin dito sa South,” sambit ni Jessy.
Maganda raw ang simoy ng hangin sa South at doon na rin kasi lumaki si Rosie a.k.a. Peanut.
Kuwento niya, “Sabi ko, ‘Sure ka na ba na gusto mong lumipat sa North ulit?’ Tapos, sabi n’ya sa akin, ‘Ganito na lang.’
“Halfway through ng construction, nag-decide kami, ‘Okay, let’s just keep renting. Iparenta na lang natin ‘yung bagong bahay,’ parang ganu’n.
“So, nagbago ‘yung plans. Nagbago ‘yung design ng bahay. And then, nu’ng nakita namin ‘yung bahay sa North, ang ganda nu’ng bahay. Ang ganda ng kinalabasan.”
And finally, nagdesisyon sila na tirahan na ang ipinatayo nilang bahay sa North. Okay naman din daw sa North para malapit sa trabaho nila at maging praktikal na rin.
“Mas okay ‘yung bahay mo talaga and who knows, ‘pag nakapag-ipun-ipon na kami, makapag-acquire kami ng iba pang properties sa South. Okay na rin ‘yun,” lahad pa ni Jessy Mendiola.
Bongga!
Parang kay the late Pres. Marcos noon…
PAGTABA NI KRIS, MANAS LANG DAW
IBINAHAGI ng comedienne-host-aktres na si Melai Cantiveros sa social media ang pagbisita nila ng mister na si Jason Francisco kay Kris Aquino at sa dalawang anak nito na sina Josh at Bimby.
Kitang-kita ang saya nila sa mga pictures na ipinost ni Melai.
Caption niya: “Babalik na sa TV si Ms. Kris, char (joke), char lang! Binisita lang namin si Ms. Kris kasi ninang namin siya sa kasal kasi kung hindi namin siya ninang sa kasal, bibisitahin pa rin namin siya. Hehehe! ‘Di ba ang gulo ng caption ko kasi nakakapagod naman kasi mag-isip ng caption, pero hindi ako si Linda Walker (sikat na karakter sa serye na kumalat sa TikTok), ha, na kinakausap ang sarili. Hoy! Ang gulo na ng caption ko, pero thank you, Ms. Kris, Ninang sa pa-dinner mo sa amin with @jasminip @darla and Papang.
“And thank you, Lord dahil bumabalik na ang gana mo sa kain, Ms. Kris. Nice seeing and bonding with Bimby and Kuya Josh, full healing, Ms. Kris ang prayer namin sa ‘yo, and sana, makabalik ka na sa TV.
“Salamat din sa inyo, Ma’am Jas and Madam Darla sa religious ninyong ambag sa pagbisita natin.”
Sey ng mga netizens…
“Tumaba na si Ma’am Kris.”
“Wow! Ang ganda na uli ni Kris.”
“Sana, tuluy-tuloy na ‘yan, Ma’am Kris.”
May nagsabi rin na ‘manas’ daw ang pagtabang muli ni Kris.
“Parang manas ang tingin ko, eh.”
“‘Di naman taba ‘yan, namamanas na s’ya.”
“Ang lupus, ganyan talaga, manas, parang si Ferdinand Marcos (SLN).”
Pumalag ang isang supporter ni Kris Aquino sa mga nagsabing manas ang dahilan ng pagtaba nito.
“Grabe nga nu’ng pumayat s’ya, ang daming sinasabi. Ngayong tumaba na at naging okay na tingnan katawan ni Ms. Kris, may masasabi pa rin. Importante po, buhay na buhay pa s’ya at okay na s’yang tingnan.”
Oo nga naman!
