After maudlot ang kasal kay Bea… VINCENT, KAY KIM NAMAN NGAYON

ni Julie Bonifacio @Winner | July 13, 2026

Photo: FB Kim Chiu & Vincent via FB-Circulated

Successful ang ginanap na opening ng store ni Kim Chiu sa Zamboanga. Personal na pinuntahan at inasikaso ng aktres-host ang opening ng kanyang pop-up store.

Ishinare ni Kim ang ilang photos and videos before and after ng opening kung saan nakasama niya ang kanyang mga kapatid na babae, minus her eldest sister na si Lakam Chiu.

Out pa rin pala sa family gathering ang ate niya. Baka hindi pa rin talaga tanggap ni Kim at ng pamilya ang kanyang eldest sister, kahit na may tsikang iniurong na raw ni Kim ang demanda.

Siyempre, happy ang mga fans ni Kim sa Zamboanga na makita siya nang personal. Gandang-ganda sila sa aktres sa personal. Pati raw ang mayor ng Zamboanga ay na-star struck kay Kim.

Sey ng mga fans:

“Kimmy, welcome to Zamboanga and congratulations. Sobrang ganda mo. Pati mayor namin, titig na titig sa ‘yo. Grabe, para kang buhay na Barbie. Sobra sa ganda.”

“Oo nga, grabe na-star struck si Mayor n’yo at ‘yung mga kasama n’ya kay Kimmy. Todo ang titig nila kay Kim Chiu.”

“The same I heard from one of my officemates who saw her in one of the mall shows. I asked if she is prettier in person. Response: ‘Yes, parang nakakita ka ng Barbie doll na buhay.’”

Naku, bukod sa mayor ng Zamboanga, inili-link din si Kim sa ex-fiancé ni Bea Alonzo na si Vincent Co.

Sa isang online news channel ay ipinost ang video ng businessman na si Vincent sa pa-event ng isa sa kanyang mga negosyo.

Comment ng netizen, “Grabe! Bagay kay Kim Chiu! Bwahahahaha!”

Puwede, since pareho silang Chinese. More or less, nagkakaintindihan na sila sa tradition and culture ng kanilang lahi.

Huwag lang ma-Xian Lim si Kim ni Vincent.

---

Nakaka-stress daw, AZ…

LARKIN, AYAW NANG MAGKADYOWA ULI NG TAGA-SHOWBIZ

APRUB kay Larkin Castor na makatrabaho ang ex-girlfriend niya na si AZ Martinez. At hindi lang si AZ, pati na si Ralph de Leon na ipine-pair sa ex-dyowa niya.

“Okay lang naman,” sey ni Larkin. 

Paliwanag niya, “Well, actually, okay, sige, sabihin na natin. Uhm, wala naman akong galit. Okay na ako sa nangyayari. I’ve moved forward na. And whatever happens, kung maisipan man ng mga boss na it’s a good move na mag-partner pa rin kami, why not? Okay naman ako.”

Diin pa niya, “Okay lang. Tatanggapin ko naman. Professional lang tayo.”

Naka-move on na raw kasi si Larkin sa breakup nila ni AZ.

“Actually, nag-focus po ako sa hobbies ko sa golf. Bumalik ako sa golf. Uh, pickleball. Meron kami ngayong pickleball court d’yan sa harap ng Southmall,” pahayag ni Larkin nang makausap namin sa grand launch ng Cindyrella Medical Group na pag-aari ni Dra. Aryana Lopez.

Happy daw si Larkin na may time na siya sa sarili ngayon. May time na siya for self-care and wellness.

“Marami akong free time. And sometimes, ano, aaminin ko, I’m dating other women ngayon. Pero nothing serious. ‘Di ko pa kaya ‘yung relationship talaga. Ano lang, getting to know people lang,” kuwento ni Larkin.

Marami raw siyang idine-date pero puro non-showbiz. Ayaw na raw niya ng girlfriend na taga-showbiz.

“Ayoko na,” matigas niyang sagot sabay iling. 

Pahabol niya, “Uh, nakaka-stress, eh. Hahaha! But actually, meron din namang mahahanap na swak ang ano n’yo, priorities, ugali. Pero coming from experience rin, ayoko na ng taga-showbiz.”

Sagot naman ni Larkin when asked kung na-trauma ba siya sa pakikipagrelasyon kay AZ, “Ayoko... Baka ma-bash ako,” habang natatawa.

Parehong ex ni Rico… SABRINA, GAME MAGING BFF SI CLAUDINE

ni Julie Bonifacio @Winner | July 12, 2026

Photo: File / Circulated

Nagbati na sina Sabrina M. at Katrina Paula. Nagkita ang dalawang sexy stars sa launch ng Cindyrella Medical Clinic.

Nagkaroon ng gap ang magkaibigan sa pag-amin ni Sabrina na nagkaroon sila ng relasyon ng ex-boyfriend ni Claudine Barretto na si Rico Yan.

Pahayag ni Katrina, “Matagal na kaming bati. Alam mo, ‘yun nga ‘yung sabi ko, dapat i-stop na talaga ‘yung mga tampuhan. Kasi matanda na tayo. Kung ano man ‘yung na-achieve ng isa, maging masaya tayo sa isa't isa. At kung ‘yung isa man ay ‘di naka-achieve ng maganda, hatakin natin pataas. Saka tapos na ‘yun, patay na si Rico. Patahimikin na natin.”

Nag-agree si Sabrina sa sinabi ni Katrina.

“Wala na, okay na ‘yun,” sambit nito.

Aniya pa, “Tapos na ‘yun. ‘Di ako nagseselos na magkaibigan sila. Sino para magselos? Ang tanda na natin. Kung magkaibigan sila, sige lang.”

Tinanong namin si Sabrina kung willing ba siya na maging kaibigan din si Claudine sa pamamagitan ni Katrina.

Tugon ni Sabrina, “Alam mo, ako naman po ‘yung tao na wala namang problema sa akin. Kung magiging kaibigan mo, wala namang problema. ‘Di naman ako namimili. As long as okay ‘yung isang tao, why not? Wala pong problema kung ilapit n’ya sa akin si Claudine.”

Ayon naman kay Katrina, nagsabi na rin daw sa kanya si Claudine ng interes na makipagkita kay Sabrina.

“Sobrang gusto talaga ni Claudine na makilala s’ya,” diin ni Katrina.

Sabi naman ni Sabrina, “Gusto ko rin naman s’yang makilala.”

Mas bongga kung makakasama nina Sabrina at Katrina si Claudine na magpa-treatment kay Dra. Aryana sa Cindyrella Medical.

“It is true that we are all aging. Naturally, we want to age gracefully. We want to look and feel young, but this should be accomplished through non-invasive procedures. Of course, we do not want to overdo it,” lahad ni Katrina.

Inanunsiyo rin ni Katrina sa launch ng Cindyrella ang gagawin nilang concert ng mga sikat na artistang kasama niya noong ‘90s.

Pagre-reveal ni Katrina, “We’re currently in the planning phase for the concert. I have always wanted to do this show. I believe the success of the Sexbomb reunion concert paved the way for future reunion shows. I love how young people discover celebrities from the past. It demonstrates that there is truly a place for everyone.”

Kasama rin nina Sabrina at Katrina ang iba pang ‘90s stars na dumalo sa opening ng beauty and wellness clinic ng aesthetician na si Aryana Lopez, sina Jeric Raval, Jojo Abellana, Pia Moran, Ynez Veneracion, Natasha Ledesma, Alma Concepcion at kasama ang bagets na si Larkin Castor.

Iba-iba ang gustong treatment ng mga 90s stars sa Cindyrella. Very much willing naman si Dra. Aryana na mas lalo pang i-enhance at i-maintain ang beauty ng kanyang mga celebrity patients.

---

“DAPAT,” ito ang sey ni Pia Moran sa sinabi namin na isa siya sa mga dapat na merong star sa Walk of Fame sa Eastwood City, Quezon City.

Nalungkot si Pia when she mentioned to us na wala pa pala siyang star sa Walk of Fame na itinayo ng veteran host na si German Moreno.

Naunahan pa siyang magkaroon ng vlogger na si Small Laude na magka-star.

Nagmarka rin ang pangalan niya sa entertainment industry. Bukod sa nakilala bilang Miss Body Language, naging big hits din ang comedy films niya especially with Redford White.

At isa si Pia sa mga artista na talagang walang retoke noong kasagsagan ng kanyang career.

Unlike ‘yung generation ng mga artista ngayon, lalo na sa mga kababaihan na halos pare-pareho na sila ng mukha, pure beauty and alindog ang panlaban nila.

“Wala talaga kaming retoke. Hawakan mo pa ang ilong ko. Lahat ‘yan, totoo. We were carefree and didn't mind showing our real bodies. When you look at our faces from that time, you can tell we were all different, ‘di magkakamukha,” pagmamalaki ni Pia.

And in fairness kay Pia, kahit ngayon na nagkaedad na siya ay lutang pa rin ang kanyang beauty.

Kaya naman promise ni Dra. Aryana na tutulungan niya si Pia at iba pang ‘90s star para panatilihin pa rin ang kanilang ganda.

Bongga naman ni Dra. Aryana!

Unveiling, suportado ng mga bossing sa ABS-CBN… WAX FIGURE NI KATHRYN, KUHANG-KUHA ANG MUKHA NIYA

ni Julie Bonifacio @Winner | July 10, 2026

Photo: IG MadameTussaudsHK

Sinuportahan si Kathryn Bernardo ng mga executives ng ABS-CBN sa unveiling ng kanyang Madame Tussauds wax figure. Patunay lang na si Kathryn pa rin ang top homegrown artist ng ABS-CBN. At siyempre, may bago siyang serye na malapit nang ipalabas.

Sabi nga ng isang netizen sa X (dating Twitter), nag-iisa lang siya sa kanyang trono sa ABS-CBN.

Isa si Kathryn sa mga Kapamilya stars kung bakit nananatiling konektado ang ABS-CBN sa mga Pilipino online.

Patunay dito ang naitalang record ng ABS-CBN Entertainment YouTube (YT) channel na may 55 milyong subscribers, kaya nananatili itong may pinakamaraming subscribers sa Southeast Asia para sa media and entertainment category.

Umabot na rin ito sa 76 bilyong lifetime views noong Hulyo 3, base sa datos ng Tubular at YT Analytics.

Marami kasing mapagpipilian sa ABS-CBN Entertainment YT channel tulad ng full episodes ng mga kasalukuyang umeere na programa at well-loved classics, highlights, at exclusive videos.

Available rin dito ang Kapamilya Online Live, kung saan mae-enjoy ng mga Pilipino sa iba’t ibang panig ng mundo ang 24/7 live streaming ng iba’t ibang programa ng ABS-CBN na kasalukuyang umeere, pati na rin ang replays ng mga all-time favorite show.

Ilan sa mga mapapanood sa YT channel ang mga primetime shows na Coco Martin’s Sigabo, Blood vs. Duty (BVD), at The Alibi: Ang Buong Katotohanan (TAABK), gayundin ang mga fan favorite na It’s Showtime (IS) at ASAP XP, ang newscast na TV Patrol (TVP), at ang mga weekend game shows na Kapamilya, Deal or No Deal (KDOND) at Everybody, Sing! (ES).

Anyway, marami ang pumuri sa wax figure ni Kathryn.

“Mas mukhang Kathryn ‘yung wax figure kaysa kay mismong Kath (laughing emoji).”

“Grabe, kuhang-kuha ang hulma ng original. Hmmmm…”

Panalo!

---

Sana raw, si Janice rin…

AGA, PUMAYAT NA, BALIK-PELIKULA

Handa na si Aga Muhlach sa kanyang pagbabalik-pelikula. Todo-exercise na ang aktor sa pamamagitan ng pagbibisikleta kaya malaki na ang nabawas sa kanyang timbang.

Tamang-tama ito sa kanyang pagbabalik sa pelikula. Pasok kasi ang movie niyang 2nd Miracle in Cell No. 7 sa 2026 Metro Manila Film Festival (MMFF).

Sa Instagram (IG) ay naka-post sa account na @agamuhlachfamofficial ang larawan niya habang nakasakay sa bisikleta.

Nakasulat sa art card ng larawan: “Back to work soon… I'll be ready.”

Caption sa nabanggit na IG post, “Slim na ‘yan s’ya. Ready na po kami makita ka sa big screen. Ingat palagi, Daddy A.”

Ang larawan ni Aga ay kinuha sa personal IG account ng aktor.

Ilan sa mga komento ng netizens…

“Wow! Pumayat na si idol.”

“Payat na ang idol ko.”

“Ayos na naman po for good health.”

May komento rin ang isang fan na nagwi-wish na pumayat na rin si Janice de Belen para muli silang magtambal ni Aga.

“Sana, pumayat din si Janice de Belen para makagawa ulit kayo ng movie. Mapagbigyan n’yo naman ang mga tagahanga n’yo. Ang tagal umasa, naghintay, ‘di napagbigyan. ‘Di nga kayo itinadhana, pati pa naman sa movie, walang pag-asa. Nakakalungkot naman.”

Wow! For sure ay gusto ‘yan ng anak nilang si Luigi Muhlach.