Naka-eyeglasses at face mask na, kulang pa rin daw?AGOT: UTOS NG GOBYERNO NA PAGSUSUOT NG

FACE SHIELD, WA' 'WENTA!

ni Julie Bonifacio - @Winner | May 31, 2021

Useless para sa singer-actress na si Agot Isidro ang ordinansa ng gobyerno na pagsusuot ng face shield, ayon sa kanyang pa-hashtag on her Twitter account.

Nagkaroon kasi ng karanasan si Agot na nasita ng isang security guard for not wearing a face shield samantalang may suot na siyang eyeglasses at face mask.

Gayunpaman, kahit may suot na siyang eyeglasses na proteksiyon na rin sa kanyang mga mata at face mask, nagsuot na rin ng face shield si Agot.

Ipinost ni Agot sa kanyang Twitter account ang dalawang piktyur niya. ‘Yung unang piktyur ay nu’ng kuwestiyunin siya ng guard kung nasaan ang kanyang face shield kahit may suot na siyang eyeglasses at face mask.

Sa pangalawang piktyur ni Agot ay may suot na siyang face shield habang naka-eyeglasses and face mask pa rin.

Caption ni Agot sa kanyang ikalawang photo sa Twitter, “O, ano kuya, kulang ka ba sa proteksiyon from me?”

Inalmahan din ng mga netizens ang utos ng gobyerno na pagsusuot ng face shield.

“‘Yung naka-eyeglass ka na, tapos may face shield pa, kaloka. It's not enough pa ba?”

“Hangga’t may kumikita, may face shield. Ang hirap kayang umalis ngayon. Dami mong isusuot sa mukha mo. Ok na sana kahit face mask basta higpitan lang para ‘yung iba, ‘di ibinababa sa baba.”

“Tayo lang ang bansa sa buong mundo na may panuntunan sa face shield. Have we wasted an entire year doing this when no one else would? Or ever will???”

“Pilipinas lang yata ang nagre-require ng face shield pero ang taas pa rin ng daily positive cases.”

‘Yun na.

Niresbakan ng frontliner, sopla! ANGELICA, ISININGIT NA NGA LANG ANG BF SA SWAB TEST,

TODO-REKLAMO PA, GUSTONG UNAHIN SILA

ni Julie Bonifacio - @Winner | May 26, 2021

Magkakasunod ang pinakawalang tweets ng aktres na si Angelica Panganiban sa kanyang Twitter account kahapon na panawagan para sa Red Cross Subic sa Olangapo City.

“Hello Red Cross Subic!! Isang oras na kami dito sa parking area n'yo. Nakaalis na din mga nakasabay namin. At inuna n'yo pa 'yung ibang bagong dating. Okay lang naman kung palakasan :) Tweet ko na lang,” panimulang post ni Angelica.

Hindi naman lingid sa marami na sa Subic based ang businessman non-showbiz boyfriend ni Angelica na si Gregg Homan.

Pinalagan ng mga netizens ang tweet ni Angelica.

“Sana Mam @angelica_114 iniisip n'yo muna po ano ang nangyayari BEHIND THE SCENES. Why do we need to prioritize other clients. At isa pa po, naging lenient po kami sa inyo na even though na 'di naka-sched 'yung BF n'yo ngayon, isiningit pa rin namin.”

Isa pang netizen ang nag-reply sa tweet ni Angelica na kabilang mismo sa mga frontliners ng Red Cross sa Subic. Ipinaliwanag niya kung bakit may mga nauna pa kay Angelica kahit mas maaga siyang dumating.

“Be grateful na lang sana na nai-swab 'yung kasama mo Ma’am without queueing at maramdaman 'yung init sa tent while waiting for their turn. May appointment lahat ng nagpa-swab today, and hopefully, kayo rin para valid ‘tong rant mo Ma’am.”

Pinagsabihan pa nito si Angelica na next time ay maaga siyang pumunta, make sure na may appointment and better na pumila para malaman niya na hindi lang daw siya ang client ng Red Cross Subic.

Ipinost din ng netizen/frontliner ang isang piktyur nila ni Angelica kung saan nasa bandang likuran niya ang aktres habang nakasakay sa loob ng sasakyan.

“Photo taken before pa. Ginamit ko lang para alam din ng iba na you’re too privilege to rant about our service,” may pagka-sarkastikong sabi pa ng netizen na frontliner.

Pero hindi rin nagpakabog si Angelica sa netizen na frontliner.

“Taray ng Red Cross dito sa Subic. 'Di sila namamansin :),” tweet ni Angelica.

Ni-retweet ng netizen ang tweet ni Angelica sabay lagay ng caption na ganito: “Swabber/Frontliner lang po kami Ma’am. May kailangan po ng service namin, not just you. Hindi po kami artista na need pansinin 'yung mga taong privilege masyado. Lalo na 'yung nakahiga lang naman sa kotse n'ya while sinu-swab 'yung kasama niya.”

Inalmahan ulit ni Angelica ang message ng netizen/frontliner by posting another tweet.

“Nu'ng huling beses ako nagpa-swab sa Red Cross, muntik akong mabaliw. Nagpadala sila ng e-mail na positive ako sa COVID. Pero 'yung attachment result, negative ako. Ginawa nila 'yun sa buong Olongapo, guys. Nag-sorry naman sila after 12 hours.”

After this, wala na kaming nabasang reply o reaksiyon mula sa netizen na frontliner.

Dinikdik dahil sa utol ni Yassi na ipinalit daw sa ex-GF…FANS NI NADINE KAY JAMES: WALANG 'BALLS'

ni Julie Bonifacio - @Winner | May 25, 2021

Nabulabog ng JaDine fans ang Instagram account ni Liza Soberano dahil sa simpleng comment ni James Reid sa post ng kalabtim at girlfriend ni Enrique Gil.

Kung sa personal nagkita-kita ang mga fans ni James at ng ex-girlfriend/love team niyang si Nadine Lustre, baka nagrambulan na sila.

Sa reply section ng IG post ni Liza ay na-reveal na may fans pala si Nadine na may sama ng loob kay James, huh?

Para klaro, umpisahan natin sa IG post ni Liza na trailer ng anime series na Trese. Excited na in-announce ni Liza na boses niya ang ginamit para sa isang karakter sa Trese tungkol sa Pinoy folklore na ipapalabas sa Netflix.

“TRESE TRAILER Here it is!!! The official TRESE trailer. Still can’t believe I get to be part of this. It’s an honor to be the voice of Alexandra Trese and I can’t wait for June 11. There’s still so much more you haven’t seen yet,” caption ni Liza.

Ang boses ni Liza ang gagamitin sa Filipino language version at ang boses naman ng Filipino-Canadian actress na si Shay Mitchell (YOU, Pretty Little Liars) ang maririnig sa English language release.

Eto ang comment-post ni James, “Damn that’s cool.”

Kalurky ang naging reply ng mga netizens sa simpleng comment ni James na umabot sa almost 300.

Isa sa mga replies ay sinabihan si James na walang “balls” at muling binuhay ang pagkaka-link ulit ng kapatid ni Yassi Pressman na si Issa sa controversial actor.

"@james not like u, walang b*yag forever and that’s unCOOL lmaoo. Just tell the world 'bout ur new lover @issa___thebrand @issapressmannnn to stop Jadine fans delusions that ur (you're) still together w/ @nadine u pc.”

“@james Mas cool 'yung tapos gamitin si @nadine at ngayon, daming girls iba-iba. Same old James. 'Wag mo idinadamay si @lizasoberano at @enriquegil17 sa pagka-user mo. They are decent nice peeps.”

May nag-post din ng “LizJames.”

Pero may nagtanggol naman na netizens kay James.

“Why blame James? Not James' fault when your idol (was) the one who decided to (get) out from Viva.”

“Ikaw ang delusional! Hanggang ngayon, push pa din si Issa, wala ka namang evidence na mailabas! Pandemic na nga, 'di ka pa din maka-move on!"

“'Yan ang natatanggap ni James everyday galing sa mga fans ni Nadine. Akala n'yo lang, si Nadine ang naba-bash? Doble pa kay James. Kung alam n'yo lang. Ganyan kababoy ang fans ni Nadine, kahit saan, nagkakalat. Nakakahiya.”

May pumuna rin na 'di raw dapat nagko-comment ng ganyan against James sa socmed account ni Liza.

“Nakakahiya. Wala talaga kayong pinipiling oras para ipaglaban lang 'yang katangahan n'yo. Nasa IG kayo ni Liza, 'wag dito, kapal talaga ng mukha ang mga bashers ni James!! Magpahinga naman kayo! 'Wag puro ka-nega!!!"

Hindi naman nakapagpigil ang LizQuen fans sa bangayan ng JaDine fans sa Instagram ni Liza at may nag-message para kay James.

“@James Pakisabihan 'yung mga fans mo na tantanan ang IG ni Liza. Jusko! Masaya at tahimik ang LizQuen at ang LizQuen fans, utang na loob! Ang to-toxic nila! Huwag guluhin ang nananahimik at masaya, ok?!”

So, there.