Kiko, after mag-positive… PAMILYA NI SHARON, NEGATIVE NA LAHAT SA COVID

ni Julie Bonifacio - @Winner | January 12, 2022

Nakahinga na nang maluwag si Megastar Sharon Cuneta pagkatapos makuha ang resulta ng COVID test nila ng kanyang pamilya.

Matatandaang ilang araw pa lang ang nakararaan ay nagpositibo sa COVID sa RC PCR test ang mister ni Mega na si Sen. Kiko Pangilinan.

Sa caption ng pinakahuling Instagram post ni Sharon na isang image na may nakalagay na ganitong text: "God is good even when times are bad," inihayag ni Mega ang kanyang kasiyahan.

“Praise God! We all tested NEGATIVE!!!" aniya.

Bago makuha ang result ng kanyang test ay labis na nalungkot si Megastar dahil kinailangan nilang mag-isolate nang ilang araw.

Sabi niya sa isa pa niyang IG post, “I have not been this lonely in years… and right after New Year came in, right after my birthday…(sad emoji)”

Isa naman sa mga celebrity friends na nag-encourage sa kanya si Judy Ann Santos.

“Everything will be fine ate…,” comment ni Juday.

Pero dahil okey na si Mega, baka sumabak na siya sa pangangampanya ni Sen. Kiko bilang VP aspirant ka-partner ni incumbent Vice-President Leni Robredo na tumatakbo naman as president sa nalalapit na eleksiyon.

Hiwalay na agad? FIANCE NA SI MEL, BURADO NA SA INSTAGRAM NI KRIS

ni Julie Bonifacio - @Winner | January 03, 2022

Wiz’ kasama sa family picture na ipinost ni Kris Aquino sa kanyang Twitter account ang kanyang fiancè na si Mel Sarmiento.

Ang mga anak lang ni Kris na sina Joshua at Bimby ang katabi niya sa picture na may caption ng pagbati sa Bagong Taon.

Tweet ni Kris, “Happy New Year 2022. From Kris, Josh and Bimb to yours!”

May nagtanong agad sa comment section kung bakit hindi kasama sa picture si Mel.

“Happy New Year! Miss @KrisAquinoWORLD bakit wala si fiancé mo? Bakit hindi kasama sa pic?”

Kami man ay nagtaka kung bakit ‘missing in action’ si Mel sa picture, kaya sinilip namin ang Instagram ni Kris.

Hala! Hindi na namin makita ang mga posts ni Kris with Mel. Ang layo na rin ng pagitan ng date ng mga posts ni Kris sa kanyang IG.

At kapansin-pansin din ang bagong profile picture sa IG at Twitter ni Kris. Dati kasi, sa aming pagkakatanda, picture nilang dalawa ni Mel ang nasa profile picture ng kanyang socmed accounts.

Burado ang mga nai-post na pictures and videos ni Kris sa kanyang IG from the first time na lumutang ang relasyon nila ni Mel hanggang sa insidente ng “pagkayamot” niya sa tweet ng admin ng account ni Herbert Bautista, ang kanyang ex-boyfriend, at pagtatanggol sa kanya ni Mel.

Anyare?

May naganap bang hiwalayan during the holiday season between Kris and Mel?

Babu sa Korea… SANDARA, GUSTONG BALIKAN ANG CAREER SA ‘PINAS

ni Julie Bonifacio - @Winner | December 27, 2021

Nag-tweet ang former member ng famous all-female South Korean group na 2NE1 na si Sandara Park on how much she misses the Philippines.

Bago pa man napasama sa grupong 2NE1 ay tumira sa Pilipinas si Sandara during her younger years hanggang sa pasukin ang showbiz at maging sikat na Kapamilya star noong dekada ‘90.

Tweet ni Sandara, “2 yrs. na ako hindi nakapunta sa Phil. Kelan ba last show ko sa Phil?! Parang ‘di ko na naalala and mga shows ngayon, puro untact.”

Hindi lang nami-miss ni Sandara o Dara (gamit niyang pangalan sa 2NE1) ang ‘Pinas. Inihayag din niya ang kanyang wish na makabalik sa ating bansa.

“Ang X’mas wish ko is to go back to Phil. and be onstage again with u guys,” karugtong ng tweet ni Sandara last December 25.

Na-excite naman ang Pinoy fans and followers ni Sandara na tinaguriang Pambansang Krung-Krung ng Pilipinas.

“Miss na miss ka na rin namin ati. Super! Sana makabalik ka na rito kapag okay na ang lahat. Please be healthy and stay safe.”

“We miss you, Krungy, baka naman if you have time, you can react to the growing community of P-pop Idol here in the Philippines like BGYO and BINI who is under Star Magic. We would like to hear your thoughts as a senior idol! Love you Krungy!”

“Sana, idol Sandara Park, makita na kita in person dahil sobrang idol kita. Mula pa nu’ng bata pa ako, pinapanood kita. Lahat ng mga movies mo, lalo na ‘yung Lucky 1 and Lucky 2, kilig ako kapag ikaw napapanood ko sa TV. Kasi idol talaga kita. Sana, mayakap kita. Ate Sandara Park, idol, we love you.”

So, there.