All the way na serbisyo para sa mga kapatid na Waray-Waray

ni Imee Marcos @Imeesolusyon | June 27, 2025

Mga beshie, ‘wag tayong masyadong atat sa pagko-compute ng ambag, ha? Bago niyo itanong kung anong naitulong ni Manang Imee sa Leyte at sa buong Region 8, ask niyo muna ang mga self ninyo, “Ako ba, may ambag miski sa barangay?” Char!

Ano raw ang konek ko sa Leyte at pinupuna ko ang San Juanico Bridge? Aba, hindi man ako araw-araw naroon, eh, buhay na buhay naman ang pagiging Waray ko! Leyte ang tahanan ng aking ina, the forever First Lady, Mommy Meldy! Kaya kahit hindi ako lumaki roon, solid Waray ito mga teh!

Hindi ko talaga bet ‘yang pahabaan ng lista ng mga nagawa sa Region 8 o saan mang lugar sa ‘Pinas. Sa ‘kin kasi, kung tutulong ka, gawin mo na lang — wala ng drama-drama! Help na agad hindi lang puro pang-kodak moment at forda likes!

At para malinaw: HINDI PO AKO KONGRESISTA NG LEYTE. Wala akong sariling pondo riyan. Pero kahit pa ganu’n, hindi ko nalilimutang mag-abot ng tulong para sa mga Waray.

May mga naipadalang educational, medical assistance pati mga proyektong ospital, kalsada, tulay -- saan ka pa? 

Kaya mga besh, push na push lang tayo sa pagtutulay ng serbisyo na dahilan ng aking amang si Apo Lakay sa pagtatayo ng San Juanico Bridge -- serbisyong ramdam ng mga tao.

Kaya sa mga nagtatanong, huwag kayong mag-alala. Hindi ako taga-Leyte, pero andito ako — kasama nila hindi lang sa salita, kundi sa aktuwal na gawa.

Mabuhi an Leyte! Mabuhi an Region 8!

Gutom, mabagal na internet, walang trabaho, tiwaling sistema, ready nang solusyunan

ni Imee Marcos @Imeesolusyon | June 21, 2025

Yes na yes, finally nakapag-oath na ang lola niyo bilang re-elected SENADORA ng Republika ng Pilipinas!

Umuwi tayo sa aking beloved Ilocos Norte para makapagsimba sa St. Augustine Parish Church sa Paoay bago manumpa nu’ng Hunyo 18.

At mga sis, grabe ang weather ha — hindi pawisan, hindi maulan — kumbaga sa makeup, FRESH lang ang atake! Sabi nga ng tatay ko, ang tawag diyan, MARCOS WEATHER!

Of course, hinding-hindi natin malilimutan ang isang dosenang pasasalamat:

* Sa mga loyalistang hindi nagpa-shake kahit anong intriga!

* Sa mga sumuporta kahit maraming nega!

Sa totoo lang, hindi lang ako ang panalo — TAYONG LAHAT ITO!

Kaya ngayong palapit na ang 20th Congress, aba G na G na akong maghanap ng mga #IMEEsolusyon sa mga problema ng bayan!

Gutom, mabagal na internet, walang trabaho, tiwaling sistema — girl, nilista ko na lahat ‘yan sa planner ko with matching color coding pa!

So, push lang nang push! Asahan ninyong ilalaban natin ang national minimum wage; suweldo para sa mga magsasaka; at pag-amyenda sa Regional Specialty Centers Act, Cooperative Code at marami pang iba.

Simula pa lang ng laban at ang paghahanap natin ng tunay na IMEEsolusyon.

20th Congress, lezzgo! Reding-ready na ang inyong Manang!

Konektadong Pinoy Act, para sa mas mabilis at reliable na internet

ni Imee Marcos @Imeesolusyon | June 13, 2025

Mga beshie, ‘wag na tayong magpa-stress sa mga linyang “Connecting... reconnecting...” habang nanonood ng inyong paboritong teleserye o nagla-live selling! ‘Di mo na kailangan maki-join sa WiFi ng kapitbahay — dahil ngayon, may Konektadong Pinoy Act na! Afford mo na ang cheap, pero fast and reliable na internet.

Ito na ang sagot sa mga panalangin natin para sa maayos na internet connection!

Isipin niyo ‘to: mas mura, mas mabilis, at mas maaasahang internet na hindi kailangan ng mga paandar na drama!

Kaya mga beshie, ready na ba kayong mag-FB Reels nang walang lag at makahanap ng online love? Dahil sa Konektadong Pinoy Act, lahat tayo may chance maging connected ang life — in HD!

Dasurv na dasurv niyo ‘yan!