Horoscope | Setyembre 6, 2025 (Sabado)

ni Maestro Honorio Ong @Horoscope | September 6, 2025

Sa may kaarawan ngayong Setyembre 6, 2025 (Sabado): Kung ano ang maganda, iyon ang ipagkakaloob sa iyo ng kapalaran mo. Kahit pa may ilang pangyayaring hindi mo maunawaan.

ARIES (Mar. 21-Apr. 19) - Kung saan ka sasaya, ru’n ka! Huwag mong  ipagpalit sa materyal na bagay ang iyong personal na kaligayahan. Ito ang mensahe ng iyong kapalaran na dapat mong pakinggan. Masuwerteng kulay-beige. Tips sa lotto-10-24-31-35-42-45.

TAURUS (Apr. 20-May 20) - Hindi  ka dapat mabuhay sa pagpapantasya. Kailangan ng tao kumilos ayon sa kagustuhan nilang mangyari. Ito ang gawin mong gabay sa buhay mo. Masuwerteng kulay-blue. Tips sa lotto-7-18-21-25-34-36.

GEMINI (May 21-June 20) - Ingatan mong mabihag ng tukso. Huwag mo itong kalilimutan upang hindi ka magsisi sa huli, dahil ang tukso ay nakakasira ng kapalaran. Masuwerteng kulay-black. Tips sa lotto-7-11-15-23-33-35.

CANCER (June 21-July 22) - Kapag nagdududa ka sa isang tao, agad mo na silang layuan. Masuwerteng kulay-violet. Tips sa lotto-5-15-23-30-39-42.

LEO (July 23-Aug. 22) - Huwag mong maliitin ang mumunting suwerteng darating sa buhay mo. Ito ang mensahe ng iyong kapalaran. Masuwerteng kulay-peach. Tips sa lotto-8-19-24-31-35-41.

VIRGO (Aug. 23-Sept. 22) - Nagbabanta ang mga negatibong pananaw na makikialam sa iyong buhay. Masuwerteng kulay-red. Tips sa lotto-11-17-20-23-37-40.

LIBRA (Sept. 23-Oct. 22) - Iyung-iyo ang araw na ito. Matatala sa aklat ng iyong kapalaran, na ang mga pangyayari ngayon ay ang magsisilbing pundasyon ng iyong magandang kinabukasan. Masuwerteng kulay-mocha brown.  Tips sa lotto-19-28-29-33-37-46.

SCORPIO (Oct. 23-Nov. 21) - Huwag mong isipin na ‘di mo kaya ang mga pagsubok. Ang mas magandang ilagay mo sa isip mo ay ang mga pagsubok ay tulad lang ng panakot sa mga ibon. Hindi naman totoo, sa halip ay panggulo lang sa paparating na mas malaking panalo at tagumpay. Masuwerteng kulay-white. Tips sa lotto-18-22-25-26-35-36.

SAGITTARIUS (Nov. 22-Dec. 21) - Kumukupas ang lahat ng bagay sa mundo. Huwag mong isiping ito’y isang negatibong katotohanan, dahil ito ay payo para ‘di mo na sayangin ang masasayang araw para sa mga walang kuwentang tao na umiintriga at naninira sa iyo. Masuwerteng kulay-green. Tips sa lotto-8-19-20-24-37-43.

CAPRICORN (Dec.22-Jan. 19) - Kailangan munang matapos ang  pangyayari, nang sa gayun ay magsimula ang bagong kabanata. Masuwerteng kulay-yellow. Tips sa lotto-6-11-14-23-35-39.

AQUARIUS (Jan. 20-Feb. 18) - Mabilis na mawawala sa buhay mo ang mga  bagay na hindi muna kailangan at makakagulo lang sa iyo. Kahit masakit, tanggapin mo ang katotohanang ito. Masuwerteng kulay-purple. Tips sa lotto-7-10-14-23-38-42.

PISCES (Feb. 19-Mar. 20) - Inihahanda na ng langit ang mga bagay na lubos na magpapasaya sa iyo. Ito ang mensahe ng iyong kapalaran. Masuwerteng kulay-pink. Tips sa lotto-4-16-21-24-32-38.

Horoscope | Setyembre 5, 2025 (Biyernes)

ni Maestro Honorio Ong @Horoscope | September 5, 2025

Sa may kaarawan ngayong Setyembre 5, 2025 (Biyernes): Huwag kang mag-alinlangan. Ito ang utos ng iyong kapalaran, kaya mas maganda kung magiging mabilis ka sa lahat ng bagay.

ARIES (Mar. 21-Apr. 19) - Hindi ka puwedeng talunin ng kalungkutan ngayon. Kapag natagpuan kang masaya, agad na dadapo sa iyo ang mga suwerte. Masuwerteng kulay-blue. Tips sa lotto-8-19-23-33-38-41.

TAURUS (Apr. 20-May 20) - Kumilos ka ayon sa plano mo. ‘Wag kang mag-alala, dahil ang mga pangyayari posibleng makaabala sa iyo ay aalisin ng langit. Masuwerteng kulay-black. Tips sa lotto-3-10-14-24-36-40. 

GEMINI (May 21-June 20) - Kahit wala kang gawin, darating pa rin sa iyo ang mga suwerte at pagpapala. Masuwerteng kulay-violet. Tips sa lotto-17-25-28-33-34-45.

CANCER (June 21-July 22) - Nabubuwal ang mga bunga na hindi umaayon sa ihip ng malakas na hangin. Kaya sakyan mo lang ang mga kaganapan sa iyong harapan. Masuwerteng kulay-peach. Tips sa lotto-3-12-13-22-39-44.

LEO (July 23-Aug. 22) - Unahin mo ang tungkol sa kabuhayan at huwag mo nang tutukan ang ibang bagay. Masuwerteng kulay-red. Tips sa lotto-7-11-14-28-33-37.

VIRGO (Aug. 23-Sept. 22) - Bawasan mo ang pag-aanalisa sa mga bagay-bagay, at dagdagan mo naman ang pagkilos. Masuwerteng kulay-silver. Tips sa lotto-5-13-18-21-28-32.

LIBRA (Sept. 23-Oct. 22) - Hindi na mahalaga kung ano ang tawag mo sa mga nangyayari sa buhay mo, ang importante ay malaman mo na ang mga ito ay kailangang mangyari para sa iyong kapakanan. Masuwerteng kulay-white. Tips sa lotto-2-14-20-32-39-44.

SCORPIO (Oct. 23-Nov. 21) - Kailangang dagdagan ang kapos o kulang, at obligado mong bawasan ang mga kalabisan. Suriin mong mabuti ang sarili mo. Masuwerteng kulay-green. Tips sa lotto-1-19-24-38-43-45.

SAGITTARIUS (Nov. 22-Dec. 21) - Ibigay mo ang buong kaya mo. Ito ang sikreto ng mga taong nagtagumpay. Masuwerteng kulay-yellow. Tips sa lotto-4-9-14-23-31-37.

CAPRICORN (Dec. 22-Jan. 19) - Huwag kang maniwala sa mga nagsasabing mahirap gawin ang mga plano sa buhay. Kapag ang tao ay totoong desidido, lahat ay magagawa niya. Masuwerteng kulay-purple. Tips sa lotto-1-13-17-20-27-41.

AQUARIUS (Jan. 20-Feb. 18) - Gawin mong mag-isa ang gusto mong gawin. Kapag may kasama o alalay ka, hindi mo magagawa ang gusto mo, dahil magiging sagabal lang sa mga ikikilos mo ang mga ito. Masuwerteng kulay-pink. Tips sa lotto-5-12-22-28-34-44.

PISCES (Feb. 19-Mar. 20) - Dumikit ka sa mga taong mabilis kumilos. Kapag nadikitan mo ang taong walang paninindigan, hindi aabante ang iyong buhay. Masuwerteng kulay-beige. Tips sa lotto-9-16-24-28-33-40.

Horoscope | Setyembre 4, 2025 (Huwebes)

ni Maestro Honorio Ong @Horoscope | September 4, 2025

Sa may kaarawan ngayong Setyembre 4, 2025 (Huwebes): Ikaw ang magbibigay ng suwerte sa iba. Gayunpaman, ‘wag mong kalimutan ang sarili mo.

ARIES (Mar. 21-Apr. 19) - Saya ang isa sa pinakamahalaga na meron ang isang tao. Kaya mula ngayon, iwasan mo na ang pagiging negatibo, dahil ang pagiging positibo ang magbibigay ng kaligayahan sa iyo. Masuwerteng kulay-yellow.  Tips sa lotto-9-19-24-28-34-41.

TAURUS (Apr. 20-May 20) - Huwag mong kakalimutan ang mga taong laging umaalalay sa iyo. Dahil habang inaalala mo sila, tuluy-tuloy ang pagdating ng marami pang suwerte sa buhay mo. Masuwerteng kulay-purple. Tips sa lotto-6-12-29-33-36-45.

GEMINI (May 21-June 20) - Isabuhay mo para sa taong ito ang pagkilos, dahil ito ang susi para suwertehin ka. Masuwerteng kulay-pink. Tips sa lotto-5-10-16-27-38-41.

CANCER (June 21-July 22) - Mas marami ang masasalo mo sa mga biyayang ihuhulog ng langit sa panahong ito. Gayunpaman, huwag mong kaligtaan na ibahagi ito sa mga kapuspalad. Masuwerteng kulay-beige. Tips sa lotto-7-18-22-25-38-44.

LEO (July 23-Aug. 22) - Patuloy na gaganda ang iyong kapalaran. Higit kailanman, mas maganda kung ngayon pa lang ay pahahalagahan at iingatan mo na ang mga regalo ng langit, nang sa gayun ay hindi ito masayang. Masuwerteng kulay-blue. Tips sa lotto-1-13-23-30-35-40.

VIRGO (Aug. 23-Sept. 22) - Bawasan mo ang pag-iisip ng malalim. Ang sikreto ng iyong kapalaran ay nagsasabing sumakay ka lang sa mga pangyayari para may mapakinabangan ka. Masuwerteng kulay-black. Tips sa lotto-10-14-21-25-29-34.

LIBRA (Sept. 23-Oct. 22) - Huwag mo nang balikan ang nakaraan, lalo na ang mga nagbigay sa iyo ng kalungkutan. Piliin mo ang mga bagong pakikipagsapalaran, nang sa gayun ay mas gumanda ang iyong buhay. Masuwerteng kulay-violet. Tips sa lotto-6-16-20-26-30-39.

SCORPIO (Oct. 23-Nov. 21) - Kung sino ang nagbibigay sa iyo ng saya, panatilihin mo sa buhay mo. At ang mga lungkot lang ang hatid sa iyo, dahan-dahan mong layuan at iwasan. Masuwerteng kulay-peach. Tips sa lotto-3-15-28-31-39-42.

SAGITTARIUS (Nov. 22-Dec. 21) - Tutukan mo ang ambisyon mo. ‘Wag mo nang intindihin pa ang mga bagay na wala namang kinalaman sa mga pangarap mo para hindi rin masayang ang lakas at oras mo. Masuwerteng kulay-red. Tips sa lotto-6-19-26-33-38-40.

CAPRICORN (Dec. 22-Jan. 19) - Lumayo ka sa mga bagay na magpapahina sa iyong katawan. Sa panahong ito ng iyong buhay, higit na kailangan mo ang lakas. Masuwerteng kulay-orange. Tips sa lotto-4-15-21-23-34-41.

AQUARIUS (Jan. 20-Feb. 18) - Makulay ang mga pangyayaring darating. Mag-ingat ka na malibang sa mga masasayang kaganapan. Masuwerteng kulay-white. Tips sa lotto-7-14-22-31-37-40.

PISCES (Feb. 19-Mar. 20) - Nakaguhit sa kapalaran mo ngayon ang napakaraming paglalakbay, na kung saan ay maaari kang yumaman. Masuwerteng kulay-green. Tips sa lotto-2-18-20-25-29-38.