Israel at Hamas, ceasefire na!

ni Ronalyn Seminiano Reonico | May 21, 2021

Nagsimula na ang ceasefire sa pagitan ng Israel at Hamas militants ngayong Biyernes matapos ang mahigit isang linggo o 11 araw na palitan ng mga rockets.

Nagdesisyon ang dalawang panig na magsagawa ng ceasefire bilang tugon sa panawagan ng maraming lider ng mga bansa kabilang na ang United Nations.

Noong Huwebes, saad ni UN Chief Antonio Guterres, “The fighting must stop immediately".

Aniya pa, "If there is a hell on earth, it is the lives of children in Gaza."

Nagkaroon ng ceasefire deal matapos manawagan si US President Joe Biden ng “significant de-escalation.”

Ayon naman kay Israeli Prime Minister Benjamin Netanyahu, tinanggap niya kasama ang security cabinet ng Israel ang rekomendasyong magkaroon ng unconditional ceasefire.

Tinatayang aabot sa 232 Palestinians ang nasawi sa naturang giyera kabilang na ang 65 kabataan at 1,900 ang sugatan.

Umabot naman sa 12 ang nasawi sa hanay ng Israel at daan-daang katao rin ang sugatan.

Pahayag ni Ezzat El-Reshiq, senior member ng Hamas political bureau, “It is true the battle ends today but (Israeli Prime Minister Benjamin) Netanyahu and the whole world should know that our hands are on the trigger and we will continue to grow the capabilities of this resistance.”

Samantala, nagpasalamat naman si Biden sa Israeli at Egyptian president na si Abdel Fattah Al-Sisi dahil sa desisyong pagtigil ng kaguluhan at palitan ng mga rockets.

Patay sa giyera ng Israel vs. Hamas, 83 na

ni Ronalyn Seminiano Reonico | May 13, 2021

Umakyat na sa 83 ang bilang ng mga nasawi sa Gaza dahil sa palitan ng air strikes ng Israeli forces at Palestinian militants, ayon sa health ministry ngayong Huwebes.

Kabilang sa mga nasawi ay 17 kabataan at 487 ang tinatayang bilang ng mga sugatan.

Matatandaang unang nagpaulan ng mga rockets ang Hamas sa Israel. Gumanti naman ng air strikes ang Israel para pasabugin ang Hamas military na nasa Gaza City.

Samantala, nagpahayag na rin ng pagkabahala si U.N. Middle East Peace Envoy Tor Wennesland sa insidente at panawagan niya, "Stop the fire immediately. We're escalating towards a full scale war. Leaders on all sides have to take the responsibility of de-escalation.

"The cost of war in Gaza is devastating & is being paid by ordinary people. UN is working w/ all sides to restore calm. Stop the violence now.”

Kinansela na rin ng British Airways, Virgin Atlantic at Iberia ang mga biyahe papuntang Tel Aviv dahil sa patuloy na tensiyon sa Israel.

Pahayag ng British Airways, "The safety and security of our colleagues and customers is always our top priority, and we continue to monitor the situation closely.”

Israel pinasabog, State of emergency idineklara

ni Mary Gutierrez Almirañez | May 12, 2021

Nagdeklara ng state of emergency sa gitnang bahagi ng Lod City si Israeli Prime Minister Benjamin Netanyahu at ipinakalat ang hukbo ng militar sa buong bayan ngayong araw, May 12.

Aniya, “Wide-scale riots erupted by some of the Arab residents and endangering communities."

Nangyari ang madugong hidwaan sa pagitan ng mga Israeli at Palestinian, kung saan isang Israeli Arab ang namatay sa naunang pagpapasabog ng Hamas Palestinian military sa bahagi ng Israel.

Matatandaang kahapon ay gumanti ang Israel at pinaulanan ng mga rocket ang Hamas na nagdulot ng pagkasawi ng ilang sibilyan.

"This is just the beginning," pagbabanta ni Israeli Defense Minister Benny Gantz.

Hindi naman nagpasindak ang mga Palestinian at buong-tapang nilang pinaunlakan ang nagbabantang giyera sa pagitan ng dalawang hukbo.

"If Israel wants to escalate, we are ready for it," tugon pa ng Hamas leader na si Ismail Haniyeh.

Sa ngayon ay patuloy na nababalot ng tensiyon ang buong mundo, idagdag pa ang relasyon ng ‘Pinas at China na kinatatakutang magkalamat dahil sa usapin sa West Philippine Sea.