Ikaw-2 gold medal sa Asian Games sinungkit ni Yulo sa men’s vault

by Gerard Arce @Sports News | September 25, 2026

Photo: Napasigaw si Carlos Yulo nang maperpekto niya ang paglundag sa vault para sa ikalawang gold medal niya sa Asian Games 2026. (pocmedia)

Nasungkit ni Filipino gymnast Carlos Yulo ang kanyang ikalawang gold medal sa 2026 Asian Games matapos manguna sa men’s vault sa 20th Aichi-Nagoya, Japan ngayong Biyernes, Setyembre 25.

Nagtala si Yulo ng average score na 14.599, matapos makakuha ng 14.733 sa kanyang unang vault at 14.466 sa ikalawa. Dahil dito, nadagdagan ang kanyang medal tally sa kasalukuyang Asian Games.

Sinabi ng gymnast ng Pilipinas na si Yulo na ang pagkapanalo ng gintong medalya sa floor exercise ng Asian Games noong Huwebes ay parang isa na namang tagumpay sa Olympics, matapos ang pagkabigo sa Jakarta 2018.

Si Yulo, na tanging Pilipinong nanalo ng dalawang gintong medalya sa Olympics ay nagdagdag ng isa pang pangunahing titulo sa kanyang koleksyon na may iskor na 14.666 sa Nagoya City General Gymnasium, tinalo ang runner-up ng Kazakhstan na si Milad Karimi (14.600) at ang bronze-medal winner ng Japan na si Shoma Tsukiyama (14.566) sa pinakamahigpit na podium.

"Ang medalyang ito, parang pagkapanalo sa Olympics, dahil medyo pareho rin ito noong ako ay 18 taong gulang, sa 2018 Jakarta Asian Games," sabi ng 26-taong-gulang. "Medyo nagulo ang routine ko roon. Finalist ako sa floor at vault, pero hindi talaga maganda ang performance ko.

Ang 18-anyos na kapatid ni Yulo na si Karl Eldrew ay nakapasok din sa Nagoya Asian Games final at natapos sa ikapitong pwesto mula sa walong puwesto matapos ang isang di maayong paglabag sa simula ng kanyang routine.

Ang kanyang nakatatandang kapatid ay huwaran niya sa muling pagbangon sa mga pagsubok. "Mahirap siguro siya, at alam kong malalampasan niya ito at gagawing aral. Part ito ng challenge," sabi ni Carlos.

Nagsanay siya nang husto sa Japan kung kaya siya nahasa at nakakamit ngayon ang tagumpay para sa kanyang bansa, katulad ng nangungunang women's tennis player na si Alex Eala, na sasalang din para sa ginto sa Asian Games sa susunod na linggo.

Yulo, naka-ginto na, tiyak pa rin ang POC sa 7 pang ginto sa Asian Games

by Gerard Arce @Sports News | September 24, 2026

Photo: gma/pocmedia

Nadagdagan na ni Carlos Yulo ng isa pang gintong medalya ang kanyang koleksyon matapos manalo sa men’s floor exercise final sa iskor na 14.666 sa 2026 Asian Games ngayong Huwebes sa Japan. Ito ang unang medalya ni Yulo sa Asian Games at ang unang gintong medalya ng Pilipinas sa Palaro ngayong taon.

Sinisiguro pang sina EJ Obiena ng pole vault, Alex Eala ng tennis at Annie Ramirez ng jiu-jitsu pati na ang Gilas Pilipinas men's at women's ang magwawakas sa 61-year gold medal drought ng men’s basketball sa bansa sa 20th Aichi-Nagoya Asian Games.

Lampas sa 8 mga pambato ng bansa ang posible pang makapag-uwi ng ginto para sa Pilipinas, paniguro ni Philippine Olympic Committee President Abraham 'Bambol' Tolentino. Kumpiyansa pa rin si Tolentino sa asinta niyang 8 gintong medalya para sa Team Pilipinas sa Asiad.

Nakatisod na ng anim na medalya kaya nasa tamang daan na ang Pinas upang maisakatuparan ang naturang misyon. Nariyan pa ang weightlifters pati na ang mga pambato ng Pinas sa MMA, boxing, athletics, 3x3 basketball, esports (Mobile Legends) at jiu-jitsu pa.

Malaking dalangin ng Philippine national team na malampasan ng apat na gintong medalya na nakamit sa huling dalawang edisyon ng quadrennial meet. Una nang naka-bronze ang women’s team Soft Tennis na binubuo nina Princess Catindig, Noelle Manalac, Kristy Sanosa, Shyryn Salazar at Hilary Paas kontra defending champion at hometown bet na Japan.

“Soft tennis nagka- medal na," pahayag ni Tolentino, na umaasang malalampasan ng bansa ang apat na gintong medalya. “Sana we’re all praying for that na sana malampasan, sana ma-doble, Shala. Lahat yung mga pangarap natin dahil handang handa naman tayo sa Asian games after four years, pinaghandaan talaga ito.”

Optimistiko rin si Philippine Sports Commission (PSC) Chairman Patrick “Pato” Gregorio sa magiging kampanya ng national squad na inaasahang buong pusong kakampanya at lalaban para sa bansa at sa kanilang pamilya.

“The whole nation rallies behind our athletes as they carry the flag and the dreams of our country. You have worked hard and sacrificed much to be here,” wika ni Gregorio sa kanyang mensahe. “Focus your mind and remember your purpose—para sa sarili, para sa pamilya, para sa bayan.

Sa bawat laban, ipakita ninyo ang puso ng atletang Pilipino. Lahat kami ay nakaabang at nakasuporta. Laban, Pilipinas!” Determinado namang ibigay ng mga atleta ang kanilang lahat upang magwagi ng gintong medalya sa bansa, kung saan sasandalan ang mga combat sports mula boxing, jiujitsu, mixed martial arts, judo,non-combat sports tulad ng gymnastics, athletics, tennis at iba pa.

Naka-silver na si Jean Claude Saclag sa men’s under-65kgs Traditional at bronze si Carlos Alvarez sa men’s under-77kgs Traditional sa MMA aksyon. Bronze din si Marie June Adriano sa karate at bronze din ang kata team nina Rebecca Torres, Samantha Veguillas at Isabelle Arrogante,

Carlos gold, Eldrew bronze sa Men's Asian Artistic China

by Gerard Arce @Sports News | June 21, 2026

Photo: Ginto ang nasungkit ni Carlos Yulo habang ang nakababatang kapatid na si Eldrew Yulo ay tanso sa Floor Exercise Final ng 13th Senior and 19th Junior Artistic Gymnastics Asian Championships sa Zunyi, China kahapon. Nanguna si Carlos sa score na 14.700 habang si Eldrew ay 14.300 nang makuha ng magkapatid ang dalawa sa tatlong podium spots sa event. (pilipinassportsbarpix)

Tila nasa dugo dumadaloy ang kahusayan, kagalingan at kabantugan ng magkapatid na 2024 Paris Olympic double gold medalist Carlos Edriel “Caloy” at Karl Eldrew Yulo matapos kapwa magpasikat ng medalya sa 2026 Asian Men’s Artistic Gymnastics Championships sa Zunyi Olympic Sports Centre Stadium sa Zunyi, China.

Hindi pa rin napigilan na magpakitang-gilas ang 26-anyos na two-time Olympic champion sa paboritong floor exercises nang makakuha ng 14.700 na iskor para makuha ang ika-12 gintong medalya sa Asian Championships na sinimulang kunin ang ginto noong 2022 Doha meet.

Apat na sunod na taong nadepensahan ng three-time World champion ang kanyang korona na unang beses na nakuha ang kampeonato sa 2022 Doha, 2023 Singapore, 2024 Tashkent at 2025 Jecheon, South Korea, na siyang nag-iisang ginto, kabilang ang tatlong bronze medal sa All-Around, Vault at Parallel Bars.

Kinapos lamang ito sa tansong medalya sa All-Around sa kabuuang 81.864 sa likod ni Teppei Miwa ng Japan na may 82.265, habang pinagharian ni Zhang Boheng ng China ang ginto sa 85.298 at kababayang Yang Haonan sa silver sa 82.398.

Sumegunda kay Carlos si Shomi Tsukiyama ng Japan na nakuha ang silver medal sa naitalang 14.600, habang pumangatlo ang 2025 Junior Asian Championship bronze medalist titlist na si Eldrew sa 14.300.

Nagawang pagbidahan ni Caloy ang qualification round sa pagkamit ng 14.433 iskor, habang rumehistro sa ika-walong puwesto si Eldrew sa 13.600 upang umabante sa finals.

Nakatakda pang sumabak sa dalawang apparatus ang 9-time Southeast Asian Games champion na si Caloy sa parallel bars at horizontal bars finals, habang lalahok din ang nakababatang kapatid sa pare-parehong aparato.