Yulo sinungkit ang unang gold sa French Gymnastics

by Gerard Arce @Sports News | May 19, 2026

Photo: Mula sa ginto hanggang sa serbisyo sa bayan. Bukod sa pagiging double Olympic champion, may bagong papel si Carlos Yulo sa likod ng gymnastics, tulad ng pagiging bagong reservist ng Philippine Navy para sa patuloy niyang pagbibigay inspirasyon sa sport at serbisyo para sa bayan.

Nagbigay ng panibagong karangalan sa bansa si 2024 Paris Olympics double gold medalist Carlos Edriel “Caloy” Yulo matapos na sumungkit ng gintong medalya sa unang salang sa French men’s Artistic Gymnastics Championships kahapon (oras sa Pilipinas) sa OAJLP Gymnastique sa Amiens, France.

Nagpamalas ng kahusayan ang 26-anyos na 3-time World champion para pasikatan ang mga katunggali sa French men’s artistic gymnastics upang makuha ang 14.250 na difficulty sa parallel bars, habang sinundan naman ito ng gold medal performance sa 15.050, upang patalsikin ang dating kampeon na ASVG Vallarius.

Lubos na ipinagmalaki at binigyang pagpapahalaga ang kanyang koponan sa nakuhang tagumpay sa loob ng kompetisyon kahit pa man bitbit ang pressure at mabibigat na sandali patungo sa nilahukang torneo. “So proud of what we all did last night! Everyone gave their all, and it really showed on the competition floor,” pahayag ni Yulo. “A lot of stressful moments and pressure behind this win, which makes it even more special. Really grateful for this team and everything we experienced together.”

Kasunod ng makasaysayang 2 gintong medalya sa Paris Games, muling nagpasikat ang 9-time Southeast Asian Games Pinoy gymnasts’ ng gintong medalya sa vault sa nagdaang 53^rd FIG Artistic Gymnastics World Championships sa Jakarta, Indonesia, kaantabay ang tansong medalya sa floor exercises. Kuminang din si Yulo ng ginto sa floor exercise sa Artistic Gymnastics Asian Championships sa Jecheon, Korea, kasama ang tatlong tansong medalya.

Tulad ng kanyang nakababatang kapatid na si Karl, na nagbulsa ng isang ginto at dalawang tanso IG Artistic Gymnastics Apparatus World Cup Series, inaasahang sasabak ang magkapatid sa 20th Asian Games sa Aichi/Nagoya Japan simula Set.19 hanggang Oktubre 4. 

Eala at Yulo, kinilala bilang Athletes of the Year

by Info @Sports News | February 17, 2026

Photo: Alex Eala at Carlos Yulo - FB

‘The Face of Philippine Sports’

Pinarangalan bilang Male and Female Athletes of the Year sina two-time Olympic gold medalist Carlos Yulo at WTA Guadalajara Open champion at 2025 SEA Games gold medalist Alex Eala sa ginanap na 2025 Philippine Sportswriters Association Awards.

Ito ay matapos ang kanilang natatanging tagumpay sa kani-kanilang larangan at ang karangalang ibinigay nila sa bansa sa nakalipas na taon sa sports.

Matatandaang ito na ang ikalawang beses na tinanggap ni Yulo ang naturang parangal matapos din itong ipagkaloob sa kanya noong 2024, habang si Eala naman ay unang beses na kinilala bilang Athlete of the Year ng award-giving body.

Alex Eala, Carlos Yulo, paparangalan bilang ‘PSA Athletes of the Year’

by Info @Sports News | January 17, 2026

Photo: File / Alex Eala at Carlos Yulo - FB

Nakatakdang parangalan sina tennis sensation Alex Eala Olympic gold medalist gymnast Carlos Yulo bilang Philippine Sportswriters Association (PSA)’s Male and Female Athletes of the Year sa PSA Annual Awards Night sa Pebrero 16.

Ito ang unang pagkakataon sa loob ng 22 taon na isang lalaki at isang babaeng atleta ang tatanggap ng naturang parangal, mula nang magbahagi ng karangalan sina People’s Champ Manny Pacquiao at golfer Jennifer Rosales noong 2004.

Tumatak si Alex sa taong 2025 dahil sa kanyang mga achievements kabilang na ang makasaysayang pagsabak sa Miami Open at pagkamit sa unang WTA 125 title sa Guadalajara Open.

Pinatunayan naman ni Yulo ang pamamayagpag niya sa international events gaya ng Asian Artistic Gymnastics Championships at FIG Artistic Gymnastics World Championships.