Single, triple pay sa Valentine’s Day

ni Madel Moratillo | February 8, 2023

Sa General Luna sa Quezon, ang lahat ng ‘single since birth’ na empleyado o walang karelasyon sa loob ng 5 taon ay tatanggap ng triple pay sa Araw ng mga Puso. Ito ang inihayag ni Gen. Luna Mayor Matt Florido.

Ayon kay Florido, ang mga single o walang dyowa ay puwedeng pumili kung double pay kung sila ay papasok sa Pebrero 14.

Puwede ring leave with pay sa Pebrero 13 para pasok sa long weekend.

Ang mga kwalipikado, kailangang magsumite ng aplikasyon sa tanggapan ng alkalde o sa Human Resource Office.

Para makasiguro, may special committee na magba-validate ng mga aplikasyon kaya paalala ng alkalde maging tapat.

Nabatid na hindi umano kukunin sa pondo ng bayan ang gastos para sa dagdag-benepisyo na ito kundi sa sariling bulsa ni Florido.

“Ang benepisyo ay personal kong i-shoulder at hindi kukunin sa pondo ng lokal na pamahalaan,” pahayag ni Florido.

Leave of absence sa mga single, ipinatupad sa Quezon

ni Ronalyn Seminiano Reonico | February 5, 2021

Binigyan ni General Luna, Quezon Mayor Matt Erwin Florido ng paid leave of absence ang mga single employees ng city government para sa Huwebes, February 11 upang makahanap umano ng “forever” para sa Araw ng mga Puso.

Sa Facebook post, saad ni Florido, “PARA SA MGA LGU EMPLOYEES NA SINGLE: “Pinapayagan ko kayong mag-LEAVE sa February 12. Ilaan n’yo ang buong araw sa paghahanap ng inyong forever upang makaabot kayo sa February 14.

“With pay ang leave n’yo, kasi naka-support ako sa pinagdadaanan n’yo. Ok? Lab u! “PS. Dahil holiday nga pala ang February 12 at Chinese New Year, maaari kayong mag-file ng leave sa February 11.

Mahaba-haba ang oras n’yo para maghanap.” Ito ay ipinatupad ni Florido upang mapasaya umano ang mga empleyado ngayong panahon ng COVID-19 pandemic.