Round 4 ng bigtime oil price hike... P12.50 diesel, P2.50 gasoline, P2 kerosene

ni Mai Ancheta @News | March 31, 2025

Photo: File

Nadagdagan na naman ang penitensya ng mga motorista dahil sa panibagong taas-presyo ng produktong petrolyo ngayong Martes.

Ilang kumpanya ng langis ang magtataas ng P12.50 kada litro sa diesel; P2.50 naman ang taas-presyo sa gasolina habang P2 sa kerosene.

Ang oil price adjustment na magiging epektibo ngayong Martes ay ikaapat na magkakasunod na linggong double digit ang itinaas ng presyo matapos pumutok ang giyera sa pagitan ng Iran, Israel at Amerika.

Inaasahang maglalabas din ng price adjustment ang ilan pang kumpanya ng langis para sa linggong ito.

Dahil sa krisis sa Middle East, sumirit pataas ang presyo ng langis at walang katiyakan kung kailan matatapos ang tensiyon at walang pangmatagalang supply ng langis ang Pilipinas.

Kumikilos na ang gobyerno para bumili ng supply sa ibang mga bansang hindi konektado sa Middle East.

Round 3 ng mega oil price hike... P17 diesel, P10 gasoline, P21 kerosene

ni Mai Ancheta @News | March 24, 2026

Photo: File

Nadagdagan na naman ang maagang penitensiya ng mga motorista dahil sa panibagong taas-presyo ng produktong petrolyo.

Ayon sa Department of Energy, ang inaasahang dagdag-presyo sa langis ngayong Martes ay ang sumusunod:

- Diesel hanggang P11.88 per liter

- Gasoline hanggang P6.47/L

- Kerosene hanggang P13.66/L

Gayunman, batay sa ilang kumpanya ng langis, mas mataas ang magiging oil price hike batay sa kanilang pagtaya, mas malayo sa komputasyon ng DOE.

- Diesel tataas ng P17.80 per liter

- Gasoline hanggang P10.70/L

- Kerosene hanggang P21.90/L

Sinabi ni Energy Secretary Sharon Garin na bahagyang kumalma ang presyo ng langis sa pandaigdigang pamilihan at mangilan-ngilang pagtaas nitong nakalipas na ilang araw.

Sinabi ng kalihim na patuloy silang makikipag-usap sa mga oil player para gawing unti-unti ang pagtataas sa halip na minsanan na magiging mabigat para sa mga motorista.

Pero may ilang kumpanya aniya ang nagsabing hindi nila kaya ang staggered price increase kaya naghihintay ang DOE sa report ng mga kumpanya ng langis.

Sinabi ni Garin na hinihintay pa nila umano ang pahayag ng ilang oil players sa pagbabago ng presyo ng langis at sa pakiusap na gawing staggered ang pagpapatupad sa oil increase.

---

OIL PRICE WATCH (MARCH 24, 2026)

ni Cristine Marish Rivera @News

Spaghetting pataas, pataas nang pataas

Mga ka-BULGAR, epektibo na muli ang panibagong taas-presyo sa mga produktong petrolyo ngayong Martes, Marso 24, ayon sa Department of Energy (DOE).

Aabot hanggang P12 ang taas-presyo kada litro ng gasolina, habang hanggang P18 naman sa diesel.

Samantala, hanggang P22 naman ang itataas kada litro ng kerosene.

Dagdag-presyo, araw-araw... P24 diesel, P13 gasoline, P38 kerosene

ni Mai Ancheta @Business News | March 10, 2026

Photo: File

Maaga ang penitensiya ng mga motorista matapos ianunsiyo ng Department of Energy ang inaasahang mataas na presyo ng produktong petrolyo dulot ng epekto ng kaguluhan sa Gitnang Silangan partikular sa Iran, Israel at Estados Unidos.

Batay sa inilabas na pagtaya ng DOE, aasahan ang pagtaas ng presyo ng gasolina mula P7 hanggang P13 kada litro; P17.50 hanggang P24.25 kada litro sa diesel, at P32 hanggang P38.50 sa kerosene.

Dahil sa mataas na presyo, hiniling ng DOE sa mga kumpanya ng langis na huwag biglain ang implementasyon bagkus ay gawin itong unti-unti, bagama’t posibleng araw-araw.

Positibo naman ang pagtugon ng mga pangunahing kumpanya ng langis sa bansa upang hindi gaanong mahirapan ang publiko.

Hindi lamang ang mga motorista sa sektor ng transportasyon ang direktang maaapektuhan sa mataas na presyo ng langis kundi pati na rin ang mga magsasaka, mangingisda at ordinaryong consumer dahil sa magiging epekto nito sa presyo ng mga pangunahing bilihin.

Dahil dito, inatasan na ng Philippine National Police (PNP) ang kanilang mga tauhan na bantayan ang mga gas station upang maiwasan ang pagsasamantala gaya ng hoarding at profiteering mula sa produktong petrolyo.