16, 975 low-wage members natulungang magkabahay nitong 2020 - Pag-IBIG Fund

ni Fely Ng - @Bulgarific | February 18, 2021

Hello, Bulgarians! Nakakatuwang malaman na ngayong Buwan ng mga Puso ay mayroong 16,975 low-wage earner ang natulungan ng Pag-IBIG Fund na magkabahay noong 2020 sa ilalim ng Affordable Housing Loan Program nito, ayon sa pahayag ng mga opisyal ng ahensiya.

Anila, umabot sa P7.18 bilyon ang napahiram na socialized housing loans ng Pag-IBIG Fund noong nakaraang taon. Ito ay 27 porsiyento ng kabuuang 63,750 units na pinondohan ng ahensiya, na nagkakahalaga ng P63.75 bilyon.

“Pag-IBIG Fund’s Affordable Housing Loan Program offers the lowest rate and longest term for minimum and low-wage workers. Even as the pandemic posed numerous challenges last year, we were still able to provide many of our workers belonging to this sector the means to acquire their own homes, under the most affordable terms. This is our way of adhering to President Rodrigo Roa Duterte’s directive to government institutions to provide programs that serve the needs of the underserved sector,” pahayag ni Secretary Eduardo D. del Rosario, Chairman ng Department of Human Settlements and Urban Development (DHSUD) at ng Pag-IBIG Fund Board of Trustees.

Ang Pag-IBIG Fund Affordable Housing Program ay nilikha ng ahensya para sa mga miyembrong kumikita ng hindi hihigit sa P15, 000 kada buwan sa National Capital Region (NCR), at P12, 000 kada buwan naman para ibang rehiyon. Sa ilalim ng programang ito, makahihiram ang mga kwalipikadong miyembro ng hanggang P580,000 para sa mga socialized house and lot packages, at hanggang P750,000 naman para sa mga socialized condominium units.

Hindi rin kakailanganing maglabas ng equity ang mga borrowers sa ilalim ng nasabing programa upang mas lalong mapadali ang pagbili ng bahay. Ayon sa Chief Executive Officer ng Pag-IBIG Fund na si Acmad Rizaldy P. Moti, napapanatili ng ahensiya ang pinakamababang interes ng programang pautang na ito sa merkado dahil sa kanilang tax-exempt status na nakasaad sa Republic Act 9679.

“Pag-IBIG Fund is able to subsidize the low interest rate that minimum and low-wage workers enjoy under our Affordable Housing Loan Program being a tax-exempt agency, as prescribed under our charter. We are happy that the new CREATE bill seeks to continue to preserve this tax-exempt status of Pag-IBIG Fund, and thus allow us to continue offering these subsidized rates. We are grateful to our lawmakers who share our vision to make homeownership attainable, especially for the underserved sector. And, as we continue to face challenges imposed by the pandemic, we shall continue doing our best to help more low-income workers secure their own homes where they can be safe,” ani Moti.

Pa Valentines ng Meralco... Mas mababang presyo ng kuryente

ni Fely Ng - @Bulgarific | February 14, 2021

Hello, Bulgarians! Napakagandang balita ang hatid ng Meralco sa mga konsyumer ngayong linggo. Kamakailan ay inanunsyo ng Meralco ang pagbaba ng presyo ng kuryente para sa buwan ng Pebrero. Mula sa presyong P8.75 kada kilowatthour (kWh) noong Enero, ito ay bumaba sa P8.68 kada kWh.

Tila pababa na talaga ang karaniwang paggalaw ng kuryente mula pa noong nakaraang taon. Kung ikukumpara raw kasi ang presyo ng kuryente ngayong buwan sa presyo ng kuryente noong Pebrero 2020, ang kasalukuyang presyo ay mas mababa ng P0.18 kada kWh.

Malaking kaluwagan ito para sa mga customer ng Meralco. Ang pagbaba ng presyo sa anumang produkto at serbisyo ay maituturing na malaking tulong sa mga konsyumer lalo na ngayong napakarami ang walang sapat na panggastos sa pang araw-araw.

Mula noon pa man, kilala na ang Meralco bilang isang kompanyang nagmamalasakit sa mga customer nito. Bukod sa magandang balita ukol sa mababang presyo ng kuryente ngayong Pebrero, patuloy ang pagbibigay ng serbisyo at tulong ng Meralco sa mga konsyumer nito ngayong panahon ng pandemya.

Isa pang magandang balita mula sa Meralco ay ang muling pagpapalawig ng ipinatupad nitong No Disconnection policy para sa mga konsyumer na ang konsumo kada buwan ay hindi tataas sa 100 kWh. Tiyak na gumaan ang kalooban ng mga konsyumer dahil sa mas mahabang palugit na ibinigay ng kompanya upang makabayad ang mga ito ng kanilang mga naipong bill sa koryente.

Bagamat ang nasabing polisiya ay ipinapatupad lamang para sa mga konsyumer na may konsumong 100 kWh pababa, bukas ang tanggapan ng Meralco sa mga pakiusap ng mga konsyumer ukol sa mas magaan na paraan ng pagbabayad upang hindi maputulan ng serbisyo ng kuryente. Batid ng Meralco ang kahalagahan ng serbisyo ng kuryente ngayong panahon ng pandemya, lalo na ngayong marami ang nagtatrabaho mula sa kani-kanilang bahay at marami ring mag-aaral ang sumasailalim sa mga online class.

Sa mga panayam kay Meralco VP and Head of Corporate Communications Joe Zaldarriaga, binigyang diin niya na hindi prayoridad ng Meralco ang pagpuputol ng serbisyo ng mga customer na hindi pa kumpleto ang bayad sa mga naipong bill.

Sa gitna ng pandemya, kung saan napakaraming nawalan ng hanapbuhay at negosyong nagsara, napakahalaga na mayroong mga kompanya gaya ng Meralco na patuloy na nagpapakita ng malasakit sa mga ito at patuloy na naghahatid ng magandang balita sa pamamagitan ng mababang singil sa koryente. Nawa’y ang ibang kompanyang nagbibigay ng serbisyo sa mga konsyumer gaya ng tubig, internet, at iba pa, ay masundan ang pagpapakita ng malasakit na ginagawa ng Meralco. Happy Valentine’s day everyone!

Mahigit 500 kumpanya, lumahok sa Novavax briefing

ni Fely Ng - @Bulgarific | February 13, 2021

Hello, Bulgarians. Matapos ang ‘A Dose of Hope’ na nakakuha ng halos 17 milyong doses ng AstraZeneca vaccine para sa bansa, sinabi ni Presidential Adviser for Entrepreneurship at Go Negosyo founder, Joey Concepcion, na higit sa 500 na mga kumpanya ang lumahok sa kanilang briefing noong Pebrero 11, kasama ang Faberco Life Science Inc. na mayroong mga karapatan sa pamamahagi para sa Novavax sa Pilipinas. Ang Novavax ay kumpanya sa pagbuo ng bakuna sa Amerika na may efficacy rate ng 89.3%. Faberco ang hahawak sa National Government at LGU order, samantalang United Laboratories, Inc. (Unilab) naman ang hinirang sa pagkuha ng pribadong sektor.

“Luckily, we have already secured our doses with AstraZeneca. We are fortunate that Lotis Ramin and the whole of AstraZeneca in the Philippines has done their utmost effort just to secure the doses for the country. Now, with Novavax, they have offered our country an equitable and great offer and I am encouraging the private sector to look at this developing initiative. Unilab will handle the orders from the private sector and Faberco will handle both the government and LGU orders. We are in full support of this partnership,” Pahayag ni Concepcion.

Ang Go Negosyo, sa pamamagitan ng programang ‘A Dose of Hope’ ay nanguna sa pagsali sa pribadong sektor upang makipagsosyo sa sektor ng publiko — pagbuo ng unang kasunduan sa tatlong-panig sa gobyerno, ang nag-iisa lamang sa uri nito sa buong mundo. Si Concepcion ay patuloy na naghahanap ng mga paraan upang ma-secure ang mga bakuna para sa bansa dahil ang pangangailangan ay hindi tumitigil at ang demand ay patuloy ang pagtaas.

“Our economic problem is induced by a health issue, the COVID-19 pandemic. The only solution is the vaccine which will give us the chance to eliminate, if not, drastically slow down the transmission of the virus. Now, it’s the time for every qualified Filipino to respond to this call of duty and take the vaccine. We will serve like soldiers in this war and our gun is the vaccine. If everyone suits up, we will be able to beat COVID-19 and open up the economy much more—allowing industries who have been greatly affected like the tourism, retail, and restaurant sector, among others, to come back,” saad ni Concepcion.