Makakabangong muli ang ekonomiya sa ikaapat na quarter ng 2021

ni Fely Ng - @Bulgarific | March 7, 2021

Hello, Bulgarians! Kasabay ng panawagan ng economic sector na higit pang buksan ang ekonomiya at isailalim na ang buong bansa sa mas maluwag na modified general community quarantine (MGCQ), nagpahayag naman ng kumpiyansa si Presidential Adviser for Entrepreneurship at Go Negosyo founder, Joey Concepcion, na ang pagdating sa bansa ng Sinovac mula sa China at AstraZeneca mula sa COVAX facility ay simula na rin nang tuluyang pagbangon ng ekonomiya ng bansa na nalugmok dahil na rin sa banta ng coronavirus disease 2019 (COVID-19).

“As we vaccinate, we must put the entire country into MGCQ, boost domestic tourism to recover faster, and allow the economy to open more. This is the last and only chance for our micro and small entrepreneurs to come back strong and utilize the fourth quarter as the start of their bounce back,” ayon kay Concepcion.

Aniya, inaasahang sa pagsapit ng Mayo ay makatatanggap pa ang bansa ng may 2.6 milyong doses ng AstraZeneca vaccines sa pamamagitan ng ‘A Dose of Hope’ program habang sa ikatlong bahagi naman ng taon ay maide-deliver na rin ang natitira pang 14 milyong doses ng bakuna, kabilang na rito ang ikalawang batch ng order mula sa pribadong sector at mga local government units (LGUs).

Nakatakdang dumating sa bansa ang iba pang brand ng bakuna, kabilang na ang Moderna at Novavax sa ikatlong bahagi ng taon, bukod pa sa vaccine order ng National Government.

Sinabi ni Concepcion na kung magiging maayos ang daloy ng vaccination program ng pamahalaan, kung saan ang ikalawa at ikatlong quarter nito ang itinuturing na critical point ay makakaasa na ang mga Pinoy na makababangon ang bansa sa huling bahagi ng taong ito.

“With vaccines to start coming in by May onwards, especially in the third quarter that will bring in a lot of confidence. Remember 2022 is an election year that is the biggest stimulus when people start to spend behind election. The last quarter of 2021 which is Christmas, I believe is going to be the chance for many of our MSMEs to get back on their feet. That should be the time that the economy must really be bouncing back,” aniya pa.

Dagdag pa niya, ginagawa ng pamahalaan ang lahat upang kaagad na mai-deliver ang mga bakuna sa bansa at maisagawa ng maayos ang pagbabakuna sa mamamayan sa huling bahagi ng taon upang maibalik at mapataas ang kumpiyansa ng mga konsumers.

“Then we’ll have spending because of the Christmas season and the elections which would complement the numerous stimulus packages such as the Bayanihan 2, the CREATE bill, and the proposed Bayanihan 3,” saad pa niya.

Sa pagtatagumpay ng lahat ng ito, muling makakabangon ang ekonomiya sa ikaapat na quarter at tiyak nang magiging maganda ang pasok ng 2022.

Nakausap niya ang isa sa pinakamalaking financing companies sa bansa at lumilitaw na tila maraming micro at small enterprises ang apektado ng pandemya dahil marami sa loan na mas mababa sa P500, 000 ay hindi nababayaran habang ang nakababayad ay yaong malaki ang utang.

Makikita ang epekto ng problemang pang-ekonomiya sa maliliit na negosyante lalo na ang kanilang lifelines sa mga bangko ay hindi kasinglaki ng sa mga katamtaman at malalaking kumpanya.

Naniniwala naman si Concepcion na ngayong nasa bansa na ang mga bakuna ay maaari nang higit pang buksan ang ekonomiya at iminungkahing panatilihin munang online ang pag-aaral ng mga bata para na rin sa kanilang kaligtasan.

---

Para sa anuman impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

“Two is better than one”... Nagkaisa ang PhilHealth at NBI upang labanan ang health insurance fraud

ni Fely Ng - @Bulgarific | March 5, 2021

Hello, Bulgarians! Kamakailan ay gumawa ng kasunduan ang Philippine Health Insurance Corporation (PhilHealth) at ang National Bureau of Investigation (NBI) upang mahuli ang mga aktibidad na ipinagbabawal tungkol sa potensiyal na panloloko sa National Health Insurance Program.

Ang bawat partido ay sumang-ayon sa mga ibinahaging responsibilidad upang tuklasin, hadlangan, at mag-usig sa pandarayang ginawa ng mga health care facilities and professionals, at maging ang mga nakikipagsabwatan nitong mga opisyal at empleyado.

Sa ilalim ng kasunduan, maaaring humiling ang PhilHealth ng tulong sa NBI para sa pag-iimbestiga kasama na ang pagsubaybay, pagsisiyasat, at pagkakulong ng mga lumalabag, kung kinakailangan. Dagdag dito, ang mga opisyal at empleyado ng PhilHealth ay maaaring tawagan bilang mga saksi para sa mga reklamo na isasampa ng Bureau. Ang lahat ng nauugnay na record, dokumento, at impormasyon ay dapat ibigay ng PhilHealth sa NBI upang makatulong na malutas ang mga kaso.

Sinabi ni Gierran. “Two are better than one, because they have a good return for their labor. If either of them falls down, one can help the other up.” Dagdag din niya na ang pagtutulungan ng PhilHealth at ng NBI ay magreresulta sa isang tiyak na aksiyon laban sa pandaraya na isinagawa sa mga pagtatanong sa Kongreso noong nakaraang taon.

Para sa kanyang bahagi, sinabi ni Distor na ang MOA, “…essentially outlines how the Bureau and PhilHealth will work together as a team in combating graft and corruption and in gaining back the trust and confidence of the people in government-subsidized health care system.”

Nangako siya na ang NBI ay “…respond swiftly and appropriately to a complaint, relevant tip-off, information, and/or lead provided by PhilHealth whether referred by PhilHealth head office or regional office including its legal offices, to determine possible violations.”

---

Para sa anuman impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Manila Central Post Office “urban gardening”, sinimulang isagawa

ni Fely Ng - @Bulgarific | February 25, 2021

Hello, Bulgarians! Maganda ang araw kung bubungad ay maaliwalas na kapaligiran. Kahalintulad ng Philippine Postal Corporation (PHLPost) ang pagtatanim ng mga halaman sa harap at paligid ng gusali ng Manila Central Post Office ay palaging isinasagawa upang mapangalagaan ang kalikasan at mapanatili ang ganda ng paligid.

Kilala ang gusali ng Post Office bilang makasaysayang lugar sa bansa. Ito ay maituturing na National Treasure at patuloy na dinarayo ng mga turista dahil sa ganda at tibay ng istruktura nito na itinayo noong panahon ng mga Amerikano at idinesenyo ng Pilipinong si Juan Arellano.

Ilan sa mga kilalang gusali sa Maynila na idinesenyo ni Arellano ay ang Manila Metropolitan Theater at ang old legislative building (National Museum).

Ang Manila Central Post Office ay idineklarang “Important Cultural Property” ng National Museum upang mapabilang sa mga kinikilalang lugar na naglalarawan ng mayamang kultura at kasaysayan ng bansa.

Kabilang ang gusali ng Post Office sa mga nagsisilbing atraksiyon sa Maynila upang hangaan ang makasaysayang lugar, ang luntiang ganda ng mga parke at pampublikong lugar nito.

Ayon sa PHLPost, malaking tulong ang mga halaman upang mabawasan ang ating mga alalahanin, stress level at mapaunlad ang pagkamalikhain at kasanayan sa mga gawain.

Ang pagtatanim ng halaman ay makatutulong din upang mabawasan ang problema sa polusyon sa kapaligiran.

---

Para sa anuman impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.