Kahit maluwag na ang International Travel Restrictions, ingat pa rin!

ni Fely Ng - @Bulgarific | February 1, 2022

Hello, Bulgarians! Nagpasalamat si Presidential Adviser for Entrepreneurship at Go Negosyo founder Joey Concepcion sa Inter-Agency Task Force for the Management of Emerging Infectious Diseases (IATF) sa desisyon nitong luwagan ang mga panuntunan sa international na biyahe.

“This will definitely help the economy and sustain the growth we experienced in the fourth quarter of 2021,” wika ni Concepcion.

Noong Enero 28, inihayag ng IATF ang Resolution No. 159, na nag-alis sa facility-based quarantines para sa nagbabalik na overseas Filipinos at mga dayuhan kahit saang bansa pa sila nanggaling. Sa halip, hahayaan ang mga darating na pasahero na i-monitor ang sarili sa anumang sintomas sa loob ng pitong araw mula sa kanilang pagdating at iulat sa lokal na pamahalaan na kanilang pupuntahan sakaling makaranas sila ng sintomas.

Ire-require na lang ng IATF ang mga pasaherong kumpleto na ang bakuna na magpresinta ng negatibong RT-PCR test na ginawa 48-oras bago umalis. Magkakabisa ang kautusan sa Pebrero 1 para sa nagbabalik na overseas Filipinos na kumpleto ang bakuna at sa Pebrero 10 para sa mga dayuhang kumpleto ang bakuna at mula sa mga bansang hindi required ang visa.

Pansamantalang sinususpinde ng kautusan ang klasipikasyon ng bansa bilang “Green”, “Yellow”, o “Red”.

“This aligns with the proposal to adopt a change from a pandemic to an endemic mindset,” wika ni Concepcion.

Pinuri rin ni Concepcion ang nasabing hakbang bilang kailangang pagkilos na siyang bubuhay sa sektor ng turismo ng bansa, na lubhang naapektuhan dahil sa halos dalawang taon ng mga pagbabawal sa biyahe na itinakda para mapigil ang pagkalat ng COVID-19.

“We can now welcome both leisure and business travelers, and this will redound to benefits downstream for our MSMEs,” wika niya.

Bago rito, hiniling nina Concepcion at OCTA Research Fellow Fr. Nicanor Austriaco sa IATF na simulan na ang pagbalangkas ng exit plan ng bansa mula sa pandemya. Kabilang sa mga unang hakbang ay ang pagpapaluwag ng restriksiyon sa international travel, dahil pinaniniwalaang lilikha ito ng napakaraming benepisyo sa ekonomiya ng bansa. Dagdag pa rito, nakikita ito bilang mahalagang hakbang para tumaas ang tiwala sa mga bakuna.

Habang nakaranas ang bansa ng pagtaas sa mga bagong kaso kasunod ng holiday season at pagpasok ng Omicron variant, naobserbahan ang pagbaba ng kaso sa kalagitnaan ng Enero at lalo pa itong bababa pagsapit ng Pebrero.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Easy na ang access sa impormasyon, serbisyo at transaksiyon ng SSS!

ni Fely Ng - @Bulgarific | January 30, 2022

Hello, Bulgarians! Hinihikayat ng Social Security System (SSS) ang mahigit limang milyong followers nito sa Facebook (FB) na aktibong gamitin ang mga portal nito at iba’t ibang online na pasilidad kabilang ang mga social media platform nito para sa mas madaling access sa impormasyon, serbisyo at transaksiyon ng SSS.

Sinabi ni SSS President at Chief Executive Officer Aurora C. Ignacio na ginawa ng SSS ang My.SSS Portal nito sa website na www.sss.gov.ph para sa mga miyembro na magkaroon ng eksklusibong access sa kanilang kontribusyon at membership record, mapadali ang mga online transaksiyon, para sa mga appointment kasama ang kanilang servicing branch, at humiling ng mga kopya ng kanilang mga rekord, bukod sa iba pa. Sa nakalipas na ilang taon, ang My.SSS Portal ay sumailalim sa mga pagpapahusay at kasama na ngayon ang mga online aplikasyon para sa mga loan, benepisyo, request para sa pagbabago ng data ng miyembro (simpleng pagwawasto), maging sa Payment Reference Number (PRN) generation, at enrollment ng mga disbursement account.

“The majority of our FB followers interact with us by writing queries and making follow-ups in the comments section of our official FB posts and the SSS Social Media Services Section is in charge of responding to these concerns. As we encourage active social media engagement, we also invite them to maximize the usage of the My.SSS Portal since benefit claims and loan status are readily available in their respective accounts. Likewise, they may also reach us through the FB Messenger where a Chatbot can respond to their basic and frequently asked questions,” pahayag ni Ignacio.

Maaari ring gamitin ng mga miyembro at employer ang SSS Mobile App, na may tulad na feature at maaaring i-download sa pamamagitan ng Google Play Store, Apple App Store, o Huawei AppGallery nang libre. Maaari rin silang mag-avail ng Text-SSS facility sa pamamagitan ng 2600 na may service fee na P2.50 kada transaksiyon para sa mga subscribers ng Globe, Smart at Sun Cellular.

Inilunsad din ng SSS ang uSSSap Tayo Portal sa pamamagitan ng www.crms.sss.gov.ph noong Setyembre 2021 na nagbibigay sa mga user ng mas madali, mas simple at mas mabilis na access sa impormasyon ng SSS, at isang paraan para sa pagpapadala ng kanilang mga alalahanin kung paano mag-avail ng mga programa ng SSS, serbisyo at pag-verify ng katayuan ng kanilang mga follow-up at reklamo. Bukod dito, ang USSSap Tayo Portal ay gumagamit ng ticket support system na nagbibigay ng kumpletong archive ng user’s request na tumutulong sa kanila na subaybayan ang status ng kanilang mga ticket sa dashboard ng kanilang mga account.

Para sa karagdagang impormasyon tungkol sa iba’t ibang online na serbisyo ng SSS, maaaring ma-access ng mga miyembro at employer ang https://bit.ly/expreSSS, sundan ang “Philippine Social Security System – SSS” sa Facebook, “mysssph” sa Instagram o YouTube, “PHLSSS” sa Twitter, o sumali sa Viber Community ng SSS sa “MYSSSPH Updates.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Joint forces ang SM, Airspeed at PRC sa pagtulong sa mga ‘Odette’ victims

ni Fely Ng - @Bulgarific | January 27, 2022

Hello, Bulgarians! Halos bisperas ng Pasko noong nakaraang taon nang salantahin ng Bagyong Odette ang Visayas at Mindanao. Ang Cebu ay kabilang sa mga lalawigang pinaka-naapektuhan.

Iniwan nito ang halos buong Cebu City na walang tubig at kuryente. Bagama’t mahalaga ang kuryente, may generator na nagagamit, ngunit ang pangangailangan para sa maiinom na tubig ay napakahirap.

Maging ang mga SM Mall sa buong Cebu ay dumanas ng mga pinsala, ngunit bilang pagsunod sa pangako ng SM sa disaster resilience, ang pakikipagtulungan sa Airspeed ay agad na isinagawa para i-airlift ang mga bottled water sa mga empleyado at kaakibat ng SM, mula sa Supermarkets, Savemore, SM malls, Radisson Hotel, at mga distribution center.

Ang Airspeed ay agad na naghatid ng mga trak ng SM bottled water na mabilis na naibigay sa mga empleyado ng SM sa Cebu, ang mga paghahatid ng bottled water ay mabilis na naibahagi sa mga apektadong barangay sa pamamagitan ng SM Foundation’s Oplan Tulong Express relief operations na nagbigay ng mahigit 33,000 Kalinga packs sa mga komunidad na pinaka-apektado.

Ginamit ng Airspeed ang kanilang air freight forwarding services, gayundin ang 6 at 10-wheeler trucks nito upang magdala ng iba pang mahahalagang kargamento, tulad ng mga power generator, mattress at bigas sa iba pang lugar na naapektuhan ng bagyo. Ang kanilang bodega sa Maynila at Cebu ay ginamit para sa libreng pag-iimbak ng mga relief goods na nagmumula sa iba’t ibang organisasyon sa buong bansa.

Parallel sa on-ground relief operations, nakipagtulungan ang SM sa Philippine Red Cross sa donation drive sa 86 SM at SMDC malls para hikayatin ang publiko na tumulong sa pamamagitan ng cash donation na direktang ipadadala sa Red Cross o ilalagak sa mga donation box sa mga SM Malls entrance at SM Cares Kiosk.

Ang diwa ng Bayanihan at partnership, tulad ng SM, Philippine Red Cross at Airspeed na kabilang sa mga grupong ginawa upang tulungan ang libu-libong biktima ng ‘Odette’ na dahan-dahang makabangon. Para sa mga interesadong mag-donate sa pamamagitan ng Philippine Red Cross, i-scan lamang ang QR code sa ibaba o direktang magdeposito sa PRC account number.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.