PCSO, namahagi ng Patient Transport Vehicles sa mga LGU

ni Fely Ng - @Bulgarific | February 08, 2022

Hello, Bulgarians! Isa ang inyong lingkod sa naimbitahan kamakailan ng Philippine Charity Sweepstakes Office (PCSO) sa kanilang pamamahagi ng 50 units Patients Transport Vehicles (PTV) na ginanap sa Toyota Otis, Paco Manila, ang mga nasabing sasakyan ay may kabuuang P99.5-M na ipinamigay para sa iba’t ibang Local Government Unit (LGUs), kaya’t tumataginting na P1.9-M ang naiuwi ng bawat tumanggap.

Ang unang batch na nabigyan ng PTVs para sa taong 2022 ay ang sumusunod na rehiyon at munisipyo, Region I (Ilocos Norte at La Union); CAR-Cordillera Autonomous Region (Ifugao); Region II (Isabela, Nueva Viscaya at Quirino); Region III (Zambales, Pampanga, Nueva Ecija, Bulacan, Bataan, Aurora at Tarlac); Region IV (Batangas, Quezon, Rizal, Laguna at Palawan); Region V (Camarines Norte, Camarines Sur, Albay, Masbate, Catanduanes; NCR, (Caloocan at Malabon).

Katuwang ang mga empleyado ng Toyota, inihayag sa event ang mga kailangang malaman at obligasyon ng mga tumanggap ng sasakyan upang maiwasan ang problem nito sa hinaharap.

Sinabi ni Vice-Chairperson at General Manager Royina Marzan Garman sa kanyang mensahe na mayroong pang 250 units ang ipamamahagi para sa taong ito. Kaya muli niyang hinihikayat ang mga naroroon sa aktibidad na suportahan ang mga produkto ng PCSO at gayundin sa mga dati nang tumatangkilik, na patuloy na maging katuwang ng ahensiya sa pamamagitan ng pagtaya sa lotto, digit games at tiket ng STL. “Nakikiusap po ako sa inyo, suportahan po natin ang mga larong may puso ng PCSO dahil kung walang tataya sa aming mga laro, wala rin po kaming magagamit na pantulong sa mga kababayan nating nangangailangan ng tulong medikal at wala din po kaming maibibigay ng tulad ng mga ipinamigay namin ngayon,” sabi ni GM Garma.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

The social entrepreneur behind ‘Puno Sagip Buhay’

ni Fely Ng - @Bulgarific | February 05, 2022

Hello, Bulgarians! Ngayong panahon ng pandemya, tunay namang lahat ay naniniwala sa kasabihang “Health is wealth”, kaya naman hindi na nakapagtataka na maraming produkto at negosyo ang lumalabas sa market.

Kasabay ng pag-usbong ng mga ito ang pagkilala sa mga nasa likod nito, katulad ni ROQS International Consumer Health Corp. (RichCorp) President Patrick Roquel, isang social entrepreneur, founder at direktor ng Binhi Biofarm Company na nakikibahagi sa pagpapalaganap ng mga herbal medicinal plant sa Pilipinas at tagapagtaguyod ng kanyang sariling corporate social responsibility “Puno, Sagip, Buhay” na may pangunahing pagpapahalaga sa “I plant, I share, I save communities” mission.

Ang RichCorp ay modern green consumer company na dalubhasa sa mga natural organic ingredients para sa mga raw materials at health care (food supplement at herbal medicine), personal at household care, na pinagsama-sama ang yaman ng karanasan at kadalubhasaan sa pagbibigay ng mga makabago, mas pinabuti at global quality products na nagpapahusay sa pamumuhay, kalusugan at kagalingan ng mamimili. Ang layunin ng negosyo ay tulungan ang mga tao na mamuhay ng de-kalidad at komportable sa pamamagitan ng pagbuo ng epektibo, mahusay, at maginhawang produktong organic na mula sa mga natural na sangkap na may mataas na kalidad para sa mas madali, mas mahusay at mas kasiya-siyang buhay.

Ito ay negosyo na isinilang dahil sa passion for excellence, pagtukoy ng mga basic at hindi natutugunan na mga pangangailangan ng mga mamimili at nakatuon para magbigay sa mga mamimili ng personal, home and health care na solusyon na tinitiyak ang epektibong resulta.

Ang RichCorp ang gumawa ng Sto Pio Citronella Andas, all-natural derma armor spray at sanitizer; Loco Mosquin, hand and body moisturizer na may natural citronella oil; L’abriegO Citronella Aromatherapy insect repellent candle; HappyCha Lagundi Tea Beverage at Immune Advance capsule, quad power 4x immunity vitamineral mula sa green leaves ng lagundi at moringa na may non-Acidic na vitamin C at Zinc.

Para sa karadagdagang impormasyon ng mga produkto, maaaring tumawag sa 09228938883 / 09190001738 o sundan ang kanilang FB Page: Puno Sagip Buhay

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Post Office naglunsad ng Year of the Tiger Stamps ngayong Chinese New Year

ni Fely Ng - @Bulgarific | February 03, 2022

Hello, Bulgarians! Pormal na inilunsad kamakailan ng Philippine Postal Office ang 2022 Year of the Tiger Commemorative Stamps na ginanap sa Seascapes Village sa CCP Complex Pasay City.

Ayon kay Postmaster General Norman Fulgencio, ito ang kanilang natatanging paraan upang ipagdiwang ng simple ang Lunar Year, lalo na at kanselado ang mga festivities dahil sa COVID-19 pandemic noong Pebrero 1.

Dumalo rin sa pagtitipon sina Secretary Bernie Cruz ng Department of Agrarian Reform (DAR); Ms. Mary Ng Go, Executive Vice-President of Federation of Filipino Chinese Chambers of Commerce & Industry, Inc.; Stanley K. Ng, President and COO of Philippine Airlines; David U. Ong, Co-Chairman, Tax & Business Advocacy Committee, Federation of Filipino Chinese Chambers of Commerce and Industry Inc. at si Benito G. Techico, Managing Director, The Cuisine of the Phils. Inc.

Ito ang taon ng water tiger, na siyang ikatlo sa 12 zodiac animal signs ng Chinese lunar calendar.

Available ang mga stamps, souvenir sheets at ang official first day covers ng “New Year 2022: Year of the Tiger Stamps” mula Enero 31, sa Philatelic Counter, Manila Central Post Office sa Liwasang Bonifacio. Para sa mga interesado, maaaring makipag-ugnayan sa PHLPost at i-check ang kanilang Facebook page.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.