Sumagot at manalo gamit ang Tangere: Pinoy Survey app

ni Fely Ng - @Bulgarific | February 15, 2022

Hello, Bulgarians! Habang papalapit ang Mayo, mas lalong umiigting ang usaping pulitika, dahil na rin sa nalalapit na eleksyon. Kani-kanyang paraan kung paano mas makikilala ang mga kandidatong tumatakbo, lalo na sa pinakamataas na posisyon.

Kadalasan umaasa ang lahat sa mga nakikita sa TV, radio, pahayagan at iba pang social media apps, kung saan panalung-panalo sa mga nangangampanya. Kamakailan, naging isyu ang pagdalo sa mga Interview at Forum ng mga kandidato sa pagka-Presidente. Naglabasan ang iba’t ibang haka-haka o espekulasyon at katanungan sa nangyaring mga palabas, na nasundan ng mataas na porsiyento o datos na galing sa iba’t ibang survey.

May kredibilidad ba ang mga gumagawa nito? Isa ang Tangere: Pinoy Survey app sa nagbigay ng datos sa mga tanong sa nagdaang senaryo na may kinalaman sa eleksyon at sa mga tumatakbong kandidato. Naglabas din ito ng Presidential Survey Bump Chart mula Enero hanggang Pebrero 2022, na bagamat nangunguna pa rin si former Senator Ferdinand Marcos, Jr. sa survey. Maraming nadismaya sa hindi nito pagdalo sa naganap na mga panayam, ang nagpataas sa datos ni Mayor Isko Moreno-Domagoso.

Ang Tangere ay award-winning technology & innovation-driven market research & opinion poll company na aktibo at patuloy na lumalaki nationwide base sa mahigit na 600,000 respondent nito at kinikilala sa industriya na nagbibigay ng makabagong diskarte sa pangangalap ng data, paglutas sa mga kritikal na pangangailangan para sa napapanahong mga kaalaman at pagdedesisyon na batay sa data.

Sinabi ni CEO and Founder Martin Xavier Peñaflor, ang Tangere ay isang incentivized mobile application na nagsimula noong 2018. Sa ngayon ang kumpanya ay nakapagsagawa ng higit sa 500 surveys para sa mga kliyente mula sa parehong pribado at pampublikong sektor at sa bawat survey na sasagutan ng Ka-Tangere Community kada Linggo ay magkakaroon ng pagkakataong makaipon ng raffle points na maaaring i-redeem o i-donate sa mga proyektong makatutulong sa mga kababayang nangangailangan.

Para sa mga karadagdagang impormasyon at detalye, mag-subscribe sa kanilang FB page, Tangere (where the voice of the Filipino counts) o maaring i-download ang Tangere: Pinoy Survey with Prizes app sa mobile playstore upang mapasama sa Ka-Tangere community.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Post Office “Express Pada-LOVE”, inilunsad sa araw ng mga puso

ni Fely Ng - @Bulgarific | February 12, 2022

Hello, Bulgarians! Ibinabalik ng Philippine Postal Corporation (Post Office) ang Express Pada-LOVE ngayong Araw ng mga Puso. Ayon sa Post Office, kahit ang COVID-19 ay hindi mapipigilang iparamdam sa mga nagmamahalan at minamahal ang pagdiriwang ng Valentine season.

Ngayong taon, muling binuhay ng Post Office ang tradisyunal na pagpapadala ng flowers, chocolates, stuffed toys at iba pang gift items mula Pebrero 7 -14 sa pamamagitan ng Domestic Express Mail Delivery Service (DEMS).

Simula noong Pebrero 7, tumatanggap ang Post Office ng mga orders mula sa Valentine’s Day booths na nakakalat sa lobby ng Manila Central Post Office upang ihatid ang mga bulaklak, novelty at food items via DEMS sa araw mismo ng Valentine’s Day.

Ang isang linggong selebrasyon ng Valentine’s Day ay magtatagal hanggang sa Araw ng mga Puso ngayong Pebrero14, kung saan maghahatid ang mga kartero ng ipinadalang Valentine’s Day gift items, tulad ng flowers, chocolates at greeting cards na in-order at sorpresang ipinadala via Express Pada-LOVE.

Dagdag pa ng Post Office, siguradong magiging matingkad ang selebrasyon kapag sinamahan ng espesyal na harana tampok ang “Singing Kartero’s (mailman) sa halagang abot-kaya.

Layunin ng “Express Pada-LOVE” na maghatid ng simple, ngunit makabuluhan at di-malilimutang karanasan para sa mga minamahal sa buhay.

Ang Post Office ay maghahatid ng mga orders via door to door sa pamamagitan ng Domestic Express Mail Service (DEMS) kahit saan lugar sa Metro Manila. Para sa mga nagnanais na um-order, tumawag lamang sa telepono (02) 8527-0135 at hanapin si Mr. Jeffrey Catayong.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga miyembro nakaipon ng mahigit P63B sa gitna ng pandemya — Pag-IBIG Fund

ni Fely Ng - @Bulgarific | February 10, 2022

Hello, Bulgarians! Nakakabilib ang indibidwal o ahensiya na kahit nasa panahon ng pandemya ay kumikita at nakakaipon pa, tulad sa inihayag ng mga opisyal ng Pag-IBIG Fund na umabot sa P63.67 bilyon ang naipon ng mga miyembro, pinakamataas na halaga sa kasaysayan ng ahensiya.

Ang kabuuang savings na nakolekta noong nakaraang taon ay tumaas ng 32% mula sa P48.18 bilyon na nakolekta noong 2020 at 26% na mas mataas kumpara sa P50.38 bilyon na nakolekta noong 2019, na siyang pinakamahusay na taon ng ahensiya bago ang pandemya. Bilang bahagi ng kabuuang savings, ang mga koleksiyon sa ilalim ng Pag-IBIG Regular Savings ay tumaas din ng 8% mula P34.90 bilyon noong 2020 hanggang P37.71 bilyon noong 2021.

“During these challenging times, we are glad to report that Pag-IBIG remains resilient. While our members were not spared from the pandemic’s effect on the economy, they still chose to save and grow their hard-earned peso with Pag-IBIG. This shows their significant trust that Pag-IBIG Fund shall manage their savings prudently. And, with more funds, Pag-IBIG is in a better position to finance its programs to help more members in the coming months, as we continue to contribute to the recovery of the whole nation,” ani Secretary Eduardo D. del Rosario, na namumuno sa Department of Human Settlements and Urban Development (DHSUD) at ng 11-member Pag-IBIG Fund Board of Trustees.

Ang voluntary savings program ng ahensiya, ang Modified Pag-IBIG 2 o MP2, na lalong naging popular sa mga miyembro nitong mga nakaraang taon, ang dahilan sa likod ng paglaki ng savings ng mga miyembro nito, ani Pag-IBIG Fund Chief Executive Officer Acmad Rizaldy P. Moti. Sa katunayan, aniya, halos dumoble ang ipon sa MP2 noong 2021 sa P13.29 bilyon na naipon ng mga miyembro noong 2020, kung saan ang mga koleksiyon ay tumaas ng 95% tungo sa record-breaking na P25.95 bilyon.

“The growth of our members’ savings in 2021 is truly remarkable. The MP2 has bucked the downward trend experienced by the market. As I have said before, we have seen a dramatic increase in MP2 in the last five years but reaching almost P26 billion despite the continuing pandemic is truly exceptional. We are thankful to our members for growing their savings with Pag-IBIG Fund, and particularly, in favoring the MP2 even during the health crisis. And as we close our books for 2021, we know that our members are eagerly waiting for the announcement of the dividend rates for the regular savings and MP2 for 2021. We will make the announcement within the quarter, following the approval from our Board. With our strong performance and robust fiscal standing, I am optimistic that our dividends will still be higher than most instruments available in the market,” pahayag ni Moti.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.