Pag-IBIG members, makakakuha ng dibidendo na 5.16% sa Regular Savings, 5.66% sa MP2

ni Fely Ng - @Bulgarific | March 3, 2022

Hello, Bulgarians! Ang Pag-IBIG Fund ay nakakuha ng kita na mahigit P30 bilyon para sa limang magkakasunod na taon noong 2021 sa kabila ng patuloy na pandemya, inihayag ng top executive ng ahensiya noong Huwebes, Pebrero 4 sa Pag-IBIG Fund Chairman's Report.

“As we close our books for 2021, I am happy to report that your Pag-IBIG Fund achieved another milestone. Our strong performance last year led us to reach a net income of P34.73 billion! This is our highest net income ever, surpassing by 9.5% our P31.71 billion net income in 2020 and topping the previous record of P34.37 billion netted in 2019. I’d also like to note that this is the fifth time that our net income breached the P30-billion mark. Our members will directly benefit because we shall again go beyond what is required of us by declaring over 86% of our net income as dividends for their savings,” pahayag ni Secretary Eduardo D. del Rosario namumuno sa Department of Human Settlements and Urban Development at 11-member Pag-IBIG Fund Board of Trustees.

Under the Pag-IBIG Fund charter, the agency is required to declare at least 70% of its annual net income as dividends, which shall be credited proportionately to its members’ savings. However, Management has a recommendation to set aside 86.56% of its net income as dividends to maximize the benefit to its members during the second year of the pandemic. This is now up for approval of the Board, dagdag pa niya.

Sa pamamagitan ng matatag na pananalapi, sinabi naman ni Pag-IBIG Fund Chief Executive Officer Acmad Rizaldy P. Moti na ang mga dibidendo sa mga ipon ng miyembro - parehong mandatory at boluntaryo ay mananatiling mas mataas kaysa sa iba pang mga instrumento na magagamit sa merkado.

“We know that many of our members have been asking about the dividend rates. Now we can finally share the news. For 2021, dividend rates will remain above 5%. Returns for the Pag-IBIG Regular Savings is recommended to be at 5.16% per annum, and the Modified Pag-IBIG 2 Savings to be at 5.66% per annum. Considering the challenges caused by the pandemic, Pag-IBIG’s dividend rates are still much higher than other savings accounts and financial products in the market today,” sabi niya.

Ayon kay Moti, pinanatili ng Pag-IBIG Fund ang Capital Adequacy Ratio (CAR) na 15% noong 2021, na mas mataas sa 10% threshold na itinakda ng Bangko Sentral ng Pilipinas (BSP) para sa industriya ng pagbabangko. Idinagdag niya na habang ang ahensiya ay hindi kinokontrol ng BSP, ang Pag-IBIG ay boluntaryong nagpapanatili ng mataas na CAR upang matugunan ang kasalukuyang mga hamon sa ekonomiya, upang maprotektahan ang mga pondo ng mga miyembro nito, at upang mapanatili ang katatagan ng pananalapi ng ahensya.

“The last two years under a pandemic have not been easy, but Pag-IBIG still managed to claim a number of victories. For 2021, I’m proud to say that we are back to breaking records and attaining the ‘highest evers’ in our numbers. And, we have our members to thank for it. Because by fulfilling their obligations despite the hardships and by increasing their savings in Pag-IBIG, they are helping to keep the Fund healthy and resistant against a downward trend. And with a stable Pag-IBIG Fund, more members are served and our programs remain responsive to their needs. With Pag-IBIG back to its record-breaking form, I’m excited to see what 2022 will bring,” saad ni Moti.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Ika-27 taon ng Philhealth: Lumalaban sa mga pagsubok, hindi natitinag sa anumang hamon

ni Fely Ng - @Bulgarific | March 1, 2022

Hello, Bulgarians! Ipinagdiriwang ng Philippine Health Insurance Corporation ang ika-27 taon ng kanilang pagkakatatag alinsunod sa Republic Act 7875, as amended, na isinabatas noong Pebrero 14, 1995. Ang tema ng selebrasyon sa taong ito ay “PhilHealth, Tumutugon sa Hamon ng Panahon” upang ipakilala sa madla ang katatagan ng PhilHealth sa iba’t ibang pagsubok, lalo na sa hamon na dala ng kasalukuyang pandemya; at ang patuloy na pagsusumikap nitong mabigyan ang bawat Filipino ng sapat na proteksiyong-pinansiyal laban sa magastos na pagkakasakit.

PhilHealth at COVID-19. Ang pandemya na COVID-19 ay nagdulot ng pagsasara ng maraming negosyo at malawakang pagkawala ng trabaho at pinagkakakitaan ng maraming Filipino. Gayunman, nagbigay ng malaking kapanatagan ang PhilHealth sa mga kababayan nating nahawa at nagkasakit ng COVID-19. Bilang kabahagi ng ating pamahalaan sa pangkalahatang laban sa pandemya, nagpalabas ito ng benefit packages para sagutin ang malaking bahagi ng gastos sa testing, facility-based at home isolation, hanggang sa pagpapagamot. Naglabas din ito ng vaccine injury compensation package sakaling makaranas ng masamang epekto ang sinuman na nabakunahan laban sa COVID-19. Mula nang pumutok ang pandemya noong pasimula ng 2020 hanggang January 22, 2022, ang PhilHealth ay nakapagbayad ng mahigit sa 7 milyon COVID claims na nagkakahalaga ng P36.8 bilyon, kung saan P22.2 bilyon dito ay para sa COVID testing, P13.7 bilyon naman ay sa hospitalization claims, samantalang ang P939.8 milyon ay para sa community isolation claims.

Matapang na pagharap sa pandemya. Dahil tapat sa mandato nito na siguruhin ang kalusugan ng bawat Filipino, tulad ng isinasaad sa Universal Health Care Law, ang PhilHealth ay nagpatuloy sa pagbibigay ng serbisyo sa lahat ng mga miyembro, partners at stakeholders sa kabila ng mga limitasyon bunsod ng lockdowns. Ito ay sa kabila na marami rin sa mga kawani nito ang sumailalim sa quarantine, nagpagamot at ang iba ay nasawi pa dahil sa COVID-19. Ito ay sa kabila rin ng iba’t ibang usapin na nakaapekto sa morale ng hanay nito sa buong bansa.

Sa kabila ng lahat ng ito, ang PhilHealth ay hindi tumalikod sa kanyang misyon kung ang pag-uusapan ay pagbabayad ng benefit claims sa mabilis na pamamaraan. Nabawasan man ang dami ng empleyado na pumapasok sa mga tanggapan dahil sa quarantine restrictions, tuloy ang pagpoproseso at pagbabayad ng claims alinsunod sa mga regulasyon at panuntunan. Batay sa datos, simula 2020 hanggang Enero 22, 2022 ay nakapagbayad ang PhilHealth ng kabuuang P162.6 bilyon para sa 18.5 milyon COVID at non-COVID claims mula sa iba’t ibang ospital at pasilidad sa buong bansa.

Pinabilis na pagbabayad sa health facilities. Upang makatugon sa hiling ng mga ospital na pabilisin ang pagbabayad ng COVID claims nang hindi na kokompromiso ang alin mang batas, ipinatupad ng PhilHealth ang Debit-Credit Payment Method (DCPM) noong 2021. Sa DCPM ay mabilis na nakapagbabayad at nakapagbibigay ng kinakailangang pondo ang ahensiya sa mga healthcare partners nito. Ang DCPM ay nasa third wave na sa ngayon para sa mga ospital na gumagamot sa mga pasyenteng may COVID-19 sa buong kapuluan. Batay sa pinakahuling datos (January 20, 2022), nakapaglabas na ang PhilHealth ng P12.48 bilyon sa 464 ospital na nag-apply sa DCPM. Ang DCPM ay isa lamang sa mga positibong resulta ng tuluy-tuloy na pakikipag-usap ng PhilHealth sa mga partner hospitals nito.

Walang patid na pagseserbisyo. Upang makatugon ang PhilHealth sa serbisyong kinakailangan ng mga miyembro na limitado ang paglabas dahil sa pandemya, inilunsad nito ang Member Portal na isang napapanahong inobasyon kung saan maaaring ma-access ng miyembro ang kanilang membership at contribution records, at mag-download ng Member Data Record kahit saan at kahit kailan gamit ang kanilang smartphones o laptop. Sa nasabing Portal ay maaari ring makapagbayad ng contributions ang self-paying members gamit ang kanilang credit card, debit card o sa GCash. Ang Corporate Action Center (CAC)naman ng PhilHealth ay patuloy na naglingkod sa mga miyembrong may mga katanungan o hinaing sa kanilang benepisyo sa kabila ng manipis na hanay ng agents. Bukod sa automated voice response para sa karaniwang katanungan, naglunsad ito ng Callback Channel (0921-630-0009) kung saan ang mga miyembro ay maaaring mag-text ng kanilang tanong at sila ay tatawagan ng PhilHealth agents sa loob ng 72 oras. Mahigit sa 35,000 tawag ang natanggap at natugunan ng CAC sa taong 2021.

Sa pagdiriwang ng ika-27 taong anibersaryo at bilang pagtanaw sa susunod na 27 taon ng pagseserbisyo, patuloy itong magiging tapat sa kanyang mandato na paglingkuran ang bawat Pilipino na nangangailangan ng tulong-pinansiyal sa kanilang pagpapagamot. Pangako ng PhilHeath ang patuloy na pagtugon sa lumalawak na pangangailangang pangkalusugan ng mahigit sa 110 milyong miyembro sa bansa at sa iba’t ibang panig ng daigdig.

Hindi titigil ang PhilHealth na tumugon sa anumang hamon ng panahon.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

May “K” makatulong sa maliliit na negosyante kung sinuman ang manalo kina BBM at Leni

ni Fely Ng - @Bulgarific | February 26 , 2022

Hello, Bulgarians! Dahil MSMEs ang bumubuo ng 99.5 porsiyento ng mga negosyo at lumilikha ng milyun-milyong trabaho para sa mga Pilipino, mahalaga ang pagpili ng susunod na Pangulo ng Pilipinas para sa milyun-milyong maliliit na entrepreneurs.

Sinabi ni Go Negosyo founder Joey Concepcion, na naghain sina Sen. Bongbong Marcos at Vice-President Leni Robredo ng mga tiyak na plano para sa kapakinabangan ng maliliit na negosyante.

“Judging from the platforms they have presented, in the media and on Go Negosyo’s Kandidatalks forum, both of them prioritize the development of the MSME sector,” wika niya, partikular na tinukoy ni Concepcion ang mga plano nina Marcos at Robredo na tulungan ang MSMEs na makakuha ng mas madaling access sa puhunan.

“I am very hopeful that should either one become the next President of the Philippines, it will be good news for our small entrepreneurs. Big corporations were able to weather the pandemic, but in terms of the country’s economic recovery, they cannot do it alone. We need everybody to be healthy to be able to fully recover from the pandemic,” wika niya.

Ipinaliwanag niyang dahil mayorya ng mga negosyo sa bansa ay maliliit na entrepreneurs, mahalaga para sa ekonomiya ng bansa na sila’y muling makabangon.

Sa Kandidatalks forum na ginawa noong nakaraang taon, kapwa ibinahagi nina Marcos at Robredo sa Go Negosyo ang kanilang plano para sa MSMEs kung sakaling manalo bilang susunod na Pangulo. Mula noon, paulit-ulit na binanggit ng dalawang kandidato ang kanilang mga plano sa media at iba pang pampublikong pagtitipon.

Idinagdag pa ni Concepcion na parehong ipinahayag nina Marcos at Robredo kung paano maihahanay ang kanilang plataporma para sa MSMEs sa Go Negosyo, ang non-profit na kanyang itinatag para maibsan ang kahirapan sa pamamagitan ng pagsusulong ng entrepreneurship sa mga Pilipino.

Naobserbahan ni Concepcion na batid ng dalawang kandidato ang malaking potensiyal ng MSMEs sa pagbura sa kahirapan, pagsusulong ng pag-unlad at pantay na pagkakataon sa lahat.

“I think it will be a top agenda, whoever wins, and one of the biggest challenges that we face is the level of poverty in this country,” wika niya. “To create prosperity for every Filipino, MSMEs have to be among the top focus of the next administration.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.