PhilHealth, kinilala sa husay sa pamamalakad at pagseserbisyo

ni Fely Ng @Bulgarific | January 5, 2024

Hello, Bulgarians! Muling nakamit ng Philippine Health Insurance Corporation (PhilHealth) ang ISO 9001:2015 certification para sa Quality Management System (QMS) matapos ang masusing third party audit na isinagawa sa mga tanggapan nito sa buong bansa sa nagdaang taon.

Ang nasabing sertipikasyon ay isang pandaigdigang pamantayan para sa quality management ng isang organisasyon, ahensya o kumpanya. Sumasalamin ito sa mabuti at maayos na mga sistema na siyang daan para makapagbigay ng dekalidad na serbisyo sa kanilang mga kliyente at stakeholders.

Bunsod nito ay pinuri ni PhilHealth President and CEO Emmanuel R. Ledesma, Jr. ang mga opisyal at kawani ng PhilHealth sa masikap na pagpapatupad ng quality management system sa operasyon ng ahensya. Aniya, “Ang sertipikasyong ito ay hindi lang isang karangalan (bagkus) patunay ng aming commitment sa mahusay na pamamalakad, pagpapabuti ng serbisyo at dedikasyon sa paggawa”. Ipinangako niya na tuluy-tuloy ang pagsasagawa nito para sa kapakanan ng lahat ng miyembro sa buong mundo.

Makikita sa larawan sina Ledesma, Jr. (gitna) habang tinatanggap ang ISO 9001:2015 Certification mula sa SOCOTEC Philippines Inc. Operations Director Gilmore Rivera sa isang simpleng seremonya nitong Disyembre 2023 sa Pasig City. Kasama rin niya sina (mula kaliwa) Acting Vice President for PRO III and Concurrent Senior Manager for Organization and Systems Development Office Henry V. Almanon, Senior Vice President for Legal Atty. Jose Mari F. Tolentino, at Vice President for Arbitration Atty. Jay R. Villegas.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

SSS Zambo at DOLE 9-RCC, joint forces para sa KaSSSangga Collect Program

ni Fely Ng @Bulgarific | January 4, 2024

Hello, Bulgarians! Kamakailan ay lumagda ang Social Security System (SSS) Zamboanga Branch ng Memorandum of Agreement (MOA) kasama ang mga miyembro ng ahensya ng Department of Labor and Employment 9-Regional Coordinating Committee (DOLE 9-RCC) para sa social security coverage at proteksyon ng kanilang Job Order (JO) na manggagawa.

Sa pamamagitan ng KaSSSangga Collect Program, 70 JO worker sa ilalim ng DOLE ang irerehistro bilang SSS self-employed member dahil hindi sila sakop ng Government Service Insurance System (GSIS). 

Sa pamamagitan ng automatic salary deduction scheme, ang buwanang kontribusyon ng mga JO worker ay maire-remit nang maayos, kaya magiging kuwalipikado sila sa mga benepisyo at pribilehiyo sa ilalim ng Social Security (SS) at Employees’ Compensation (EC) Programs.

Ang mga ahensyang miyembro na sumali sa ilalim ng DOLE 9-RCC ay ang National Labor Relations Commission (NLRC), National Conciliation Mediation Board (NCMB), Regional Tripartite Wages and Productivity Board (RTWPB), Technical Education and Skills Development Authority (TESDA), Professional Regulation Commission (PRC), Occupational Safety and Health Center (OSHC), at Employees’ Compensation Commission (ECC).

Makikita sa larawan (mula kaliwa pakanan) sina SSS Zamboanga Branch Acting Head Irene D. Laxamana, ECC Regional Advocacy Manager Cerna I. Ahmad-Ayub, NLRC Executive Labor Arbiter Hon. Lizanilla J. Amarga, DOLE 9 Regional Director Albert E.

Gutib, SSS Mindanao West Division Acting Head Ma. Salvacion F. Alam, DOLE Undersecretary Atty. Benjo Santos M. Benavidez, TESDA IX Regional Director Tarhata S. Mapandi, NCMB Regional Director Oliver C. Jao, RTWPB IX Board Secretary VI Joel M. Ijirani, OSHC Regional Program Manager Engr. Leni R. Garcia, at PRC IX Professional Regulations Officer Maricar Siason, sa ginanap na 8th Mindanao Occupational Safety and Health Summit sa Garden Orchid Hotel's Convention Center, Zamboanga City.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga empleyado ng BOC, pasok sa KaSSSangga Collect Program ng SSS

ni Fely Ng @Bulgarific | December 24, 2023

Hello, Bulgarians! Kamakailan ay lumagda ang Social Security System (SSS) ng Memorandum of Agreement (MOA) sa Bureau of Customs (BOC) – Region IX sa Zamboanga City para ipatupad ang KaSSSangga Collect Program para sa social security coverage at proteksyon ng 16 Job Order (JO) at mga manggagawa sa Contract of Service (COS).

Sa ilalim ng kasunduan, irerehistro ng SSS ang mga JO at COS na manggagawa ng BOC bilang mga self-employed na miyembro ng SSS habang ang BOC ay magre-remit ng kanilang buwanang kontribusyon sa pamamagitan ng automatic salary deduction scheme para maging kuwalipikado sila sa mga benepisyo at pribilehiyo sa ilalim ng Social Security (SS) at Employees’ Compensation (EC) Programs.

Makikita sa larawan ang SSS President and Chief Executive Officer na si Rolando Ledesma Macasaet (ika-3 mula kaliwa) na nakikipagkamay kay BOC Region IX Acting Chief for Administrative Division Lelisa R. Gaceta (ika-4 mula kaliwa), kasama nila (mula kaliwa pakanan) SSS Senior Vice President for Mindanao Operations Group Edwin M. Alo, SSS Executive Vice President for Branch Operations Sector Voltaire P. Agas, at BOC Client Service Representative – Port of Zamboanga Sheiry Anne M. Abdulhaih.

Ang MOA signing ay ginanap sa Stakeholders’ Forum sa Palacio Del Sur sa Zamboanga City noong Nobyembre 7, 2023, at nasaksihan ng mahigit 220 kalahok kabilang ang mga kinatawan ng employer, empleyado, manggagawa sa informal sector, magsasaka at mangingisda, overseas Filipino workers, mga pensyonado, at iba pang benepisyaryo ng SSS.

Bukod dito, nilagdaan din ng Philippine Port Authority – Port Management Office sa Zamboanga City ang kahalintulad na MOA sa SSS sa panahon ng forum.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.