May pag-asang magkabahay ang minimum wage earner

ni Fely Ng - @Bulgarific | November 2, 2022

Hello, Bulgarians! Kamakailan ay inihayag ng mga top executive ng Pag-IBIG Fund na pinondohan ng ahensya ang 13,131 socialized homes para sa mga minimum-wage at low-income member mula Enero hanggang Setyembre ngayong taon. Ang socialized homes ay bumubuo ng 18% ng 74,708 units na ginastusan sa loob ng siyam na buwan na umabot sa P5.72 bilyon o 7% mula sa record-high na P83.31 bilyon na home loan na inilabas ng ahensya.

“We are happy to report that we continue to provide our members from the minimum-wage and low-income sectors affordable means to have their own homes. We remain steadfast in our commitment to the Pambansang Pabahay Para sa Pilipino Program led by President Ferdinand R. Marcos, Jr. in addressing the country’s housing backlog by ensuring that owning a home remains inclusive and accessible to all, particularly the underserved,” pahayag ni Secretary Jose Rizalino L. Acuzar, Chairman of the Department of Human Settlements and Urban Development (DHSUD) at 11-member Pag-IBIG Fund Board of Trustees.

Ang Affordable Housing Program (AHP) ng Pag-IBIG Fund ay espesyal na home financing program na tumutugon sa mga pangangailangan ng minimum-wage at low-income na mga miyembro na kumikita ng hindi hihigit sa P15,000 kada buwan sa loob ng National Capital Region (NCR) at sa mga kumikita ng hindi hihigit sa P12,000 kada buwan sa labas ng NCR. Sa ilalim ng AHP, ang Pag-IBIG Fund ay nag-aalok ng subsidized rate na 3% kada taon para sa socialized home loan na nagkakahalaga ng hanggang P580,000 - ang pinakamababang rate na available sa merkado ngayon.

Samantala, sinabi ni Pag-IBIG Fund Chief Executive Officer Marilene C. Acosta na ang special subsidized rate ay ginawang available ng ahensya sa mga miyembro nito sa minimum-wage sector simula noong Mayo 2017.

“For more than half a decade now, the Pag-IBIG Affordable Housing Program has made it possible for low-income and minimum-wage earners to own a home. With the lowest rate offered in the market, our members can enjoy a low monthly payment of as low as P2,445.30 for a socialized home loan of P580,000 with a loan term of 30 years,” sabi ni Acosta. “And what’s more, borrowers under our AHP do not have to put out cash for equity because of its 100% loan-to-value ratio. These are all part of our Lingkod Pag-IBIG commitment to provide accessible and affordable home loans for our low-income members,” dagdag pa ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Good news sa mga senior citizen!

ni Fely Ng - @Bulgarific | October 30, 2022

Hello, Bulgarians! Muling ginarantiyahan ng Philippine Health Insurance Corporation (PhilHealth) na may benepisyong makakamtan sa panahon ng pagpapa-ospital at maging sa paggamit ng primary care services sa buong bansa.

Ito ay tiniyak ng PhilHealth sa pagtatapos ng paggunita sa nakatatandang Pinoy ngayong buwan, kung saan naging bahagi ng selebrasyon ang pirmahan ng isang kasunduan sa pagitan ng PhilHealth at National Commission of Senior Citizen. Ito ay para mas mapagbuti ang membership database system, mapalawak pa ang mga benepisyo at mapabuti ang serbisyo para sa 13.8 milyong nakatatanda at dependents nila sa ilalim ng Lifetime at Senior Citizens Program ng PhilHealth.

Pinaalalahanan din ng ahensya na ang lahat ng nakatatanda ay maaaring makagamit ng ilang outpatient benefits, Z Benefit Packages at ng Konsulta o Konsultasyong Sulit at Tama Package, kung saan sila ay prayoridad.

Kasama sa PhilHealth Konsulta Package ang targeted health risk screening at assessment, initial at follow-up consultations, piling laboratory test at gamot batay sa rekomendasyon ng primary care provider na pinili nila at kung saan sila nakarehistro. Kabilang sa mga laboratoryo ay complete blood count with platelet count, urinalysis, fecalysis, sputum microscopy, fecal occult blood, Pap smear, lipid profile, fasting blood sugar, oral glucose tolerance test, electrocardiogram, creatinine at HbA1c.

Samantala, kasama rin sa Konsulta Package ang mga gamot na anti-microbial, anti-asthma, antipyretics, anti-dyslipidemia, anti-diabetic, at antihypertensive, anti-thrombotic, anti-histamines, at fluids at electrolytes para sa dehydration.

Samantala maaari namang iparating ang inyong concerns sa callback channel: 0917-898-7442 o sa pamamagitan ng text message, i-type lamang ang: PHIC callback <space> your mobile number or Metro Manila landline <space> details of your concern.

Puwede ring bisitahin ang Philippine Health Insurance Corporation fb page o maging ang @teamphilhealth sa twitter para sa iba pang anunsyo tungkol sa ahensya.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pagtutulungan ng CDA at SSS, sobrang oks!

ni Fely Ng - @Bulgarific | October 27, 2022

Hello, Bulgarians! Nilagdaan ng Social Security System (SSS) noong Oktubre 20, 2022 ang Memorandum of Understanding (MOU) kasama ang Cooperative Development Authority (CDA) na nagpormal sa kanilang partnership sa pagtiyak na ang mga kooperatiba at kanilang mga miyembro ay magkakaroon ng access sa social security protection sa pamamagitan ng SSS membership.

Sa ilalim ng MOU, ang SSS ay magsasagawa ng orientation at awareness campaigns hinggil sa SSS membership at cooperative accreditation sa iba't ibang lugar, kung saan maaaring magpalitan ng mga ideya at pananaw sa partikular na isyu na maaaring ayusin ng CDA; mabigyan ang mga kooperatiba at mga miyembro nito ng impormasyon, edukasyon at materyales sa komunikasyon tungkol sa mga programa ng SSS, tulong sa pagpaparehistro ng kanilang mga miyembro at pagpapadala ng kanilang mga kontribusyon, pati na rin ang access sa listahan ng mga benepisyo at pribilehiyo ng SSS sa pamamagitan ng iba't ibang e-service; at lumikha, bumuo, mapabuti, at magpatupad ng mga programa at patakaran para sa kanilang kapakanan.

Sa kabilang banda, tutulungan ng CDA ang SSS sa pagpapataas ng kamalayan tungkol sa kahalagahan ng pagiging miyembro ng SSS para sa mga kooperatiba at kanilang mga miyembro sa pamamagitan ng pakikipagtulungan sa SSS sa iba't ibang lugar at pagkakataon na magsagawa ng mga kampanya, kabilang ang mga programa sa seguridad sa lipunan bilang isa sa mga paksa sa panahon ng CDA briefings, assemblies, at council meetings, at pag-uugnay sa SSS sa iba't ibang kooperatiba sa buong bansa.

Bukod dito, tutulungan din ng ahensya ang SSS sa pagbubuo ng mga patakaran para mapahusay ang access sa social security protection para sa mga kooperatiba at kanilang mga miyembro.

Ang MOU signing ay kasabay ng pagdiriwang ng National Cooperative Month, na idineklara sa ilalim ng Republic Act No. 11502, na naglalayong isulong ang pagsasagawa ng mga aktibidad at programa na nagpapaangat sa mga prinsipyo at halaga ng mga kooperatiba at humimok ng kilusang kooperatiba.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.