5-Year strategic plan ng SC, para sa mas maayos, mabilis at patas na paghatol

ni Fely Ng @Bulgarific | July 10, 2022

Hello, Bulgarians! Mas maayos, mabilis, parehas at walang kinikilingang paghatol at lantad sa publikong paggawad ng hustisya. Ilan lamang ito sa nilalaman ng inilabas na 5-taong plano ng Korte Suprema sa layuning makapaggawad ng napapanahon, matapat at bukas sa madlang paghatol at pagkakaloob ng katarungan.

Ang plano na pinamagatang “Strategic Plan for Judicial Innovations (SPJI) 2022-2027” ay naglalayong lutasin ang matagal nang problema sa hudikatura sa pamamagitan ng mga bagong gawain sa mas mabuting serbisyo na magbubunga ng mas malawak na pagkakamit ng hustisya sa lahat. Lulutasin sa SPJI ang mga problema tulad ng matagal na pagkabinbin ng mga kaso, nagtambak na ‘di naaksyunang mga kaso, at kakulangan ng iba’t ibang pangangailangan ng hukuman. Nagdudulot ang mga ito, ayon sa Korte Suprema ng dahilan ng mabagal na sistema at gawain sa mga hukuman.

Ayon sa SPJI, problema rin ang malaking kakulangan ng nakatatag na hukuman, mga gabay at alituntunin sa pamamaraan na nagpapahintulot sa mahabang proseso sa pagdinig sa mga kaso, mabagal na galaw at pagtupad, kapabayaan o kaya ay kapos sa kakayahan ng mga kawani ng hukuman. Binanggit din ng SPJI ang pakiramdam ng publiko na may nagaganap na korupsyon sa mga hukuman, at ito ay tututukang maresolba ng Kataas-taasang Hukuman.

Sinisimulan na ring itayo ang “eCourt System Version 2.0.” na gagamitin para sa mabilis na transaksyon sa mga hukuman tulad ng pagrerekord ng mga kaso, bayarin, rapol at mga kalendaryo sa mga pagdinig at gawain sa mga hukuman.

Magpapatupad din ang SC, ayon sa SPJI ng tulong legal, data base para sa libreng payong legal at muling pag-aaral sa ipinatutupad na Enhanced Justice on Wheels program. Palalakasin din ang Shari’ah justice, sabi ng SPJI, at gagawin ito sa pag-oorganisa at pagbubuo ng operasyon sa 56 Shari’ah court sa bansa.

Plano ring rebyuhin ang bumubuo ng komite ng Shari’ah at suriin ang sistema ng Shari’ah justice, at dagdag dito, palalakasin ang legal Shari’ah legal education system.

“The realization of the objectives of the SPJI is imperative in ensuring the attainment of the goal to ‘remold and transform the courts into consistently efficient and accountable havens for the disadvantaged, the wronged, and the injured’,” pahayag ni Chief Justice Alexander Gesmundo.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

SSS Ewheels, umarangkada sa Negros Island

ni Fely Ng @Bulgarific | July 7, 2022

Hello, Bulgarians! Nakilahok ang Visayas West 1 Division ng Social Security System (SSS) sa pagdiriwang ng Araw ng Paggawa sa buong bansa sa pamamagitan ng pagsasagawa ng eWheels sa iba’t ibang lugar sa lalawigan.

“We believe that the labor force covers not only the employed workers but also the self-employed and voluntary members who toil for their everyday sustenance. To show our appreciation for their hard work, we are bringing SSS services closer to them through the conduct of simultaneous eWheels in the key cities of Negros Island. On top of our regular activities, we also joined in various local government unit and school activities like job fairs and festivals,” pahayag ni SSS Vice President for Visayas West 1 Division Dr. Lilani Benedian.

Ang “SSS eWheels sa Barangay” ay isang mobile service program na inilunsad noong Marso taong kasalukuyan, upang ilapit ang mga serbisyo ng SSS sa mga barangay at turuan ang mga kliyente nito kung paano gumamit ng iba’t ibang digital platforms tulad ng website ng SSS (www.sss.gopv.ph); my.SSS Portal, uSSSap Tayo Portal, at ang SSS Website.

Kasama sa mga serbisyong makukuha sa eWheels ang pagbibigay ng Social Security (SS) Number; My.SSS registration at pag-reset ng password; pagbuo ng Payment Reference Number (PRN) para sa kontribusyon at pagbabayad ng utang; online na aplikasyon para sa Salary Loan, Pension Loan, at loan penalty condonation program (ConsoLoan); pagpapatala sa Disbursement Account Enrollment Module (DAEM); online na pagsusumite ng mga aplikasyon sa pag-claim ng benepisyo sa pamamagitan ng My.SSS Portal; kahilingan sa pagbabago ng data ng miyembro; tugon sa mga katanungan; at pamamahagi ng SSS forms.

Limang barangay at isang LGU ang nakinabang sa nasabing aktibidad, kabilang ang Barangay 1 sa San Carlos City, Barangay Alijis sa Bacolod City, Barangay Payao sa Binalbagan, lahat sa Negros Occidental, at Barangay Sta. Agueda sa Pamplona at Barangay Poblacion sa San Jose sa lalawigan ng Negros Oriental.

Gayundin, nagsagawa ng job fair sa EB Magalona, Negros Occidental, na nagsilbi sa 877 kliyente at nagproseso ng 1,024 na transaksyon.

Makikita sa itaas at ibabang mga larawan ang mga branch personnel ng SSS Dumaguete at SSS Kabankalan branch na tinatanggap ang mga kliyente sa Barangay Poblacion San Jose, Negros Oriental, at Barangay Payao Binalbagan, Negros Occidental noong Abril 28.

Para sa karagdagang impormasyon, bisitahin ang alinman sa mga sumusunod na SSS social media accounts, ang opisyal na Facebook Page ng SSS sa “Philippine Social Security System – SSS”; SSS Viber Community sa "MYSSSPH Updates"; Instagram at “mesiyas”; Twitter sa “PHLSSS,” YouTube at “MySSSPhilippines, at USSSapTayo Portal crms@sss.gov.ph.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pag-IBIG Fund, nakakuha ng pinakamataas na audit rating sa COA

ni Fely Ng @Bulgarific | July 5, 2022

Hello, Bulgarians! Nakuha ng Pag-IBIG Fund ang pinakamataas na audit rating ng Commission on Audit sa presentasyon ng mga financial statement nito para sa ika-11 magkakasunod na taon.

Ipinaalam ng mga state auditor, sa isang liham na may petsang Hunyo 22, sa Pag-IBIG Fund na nagbigay ito ng opinyon sa pagiging patas ng presentasyon ng mga financial statement nito para sa mga taong 2021 at 2022.

Sa parehong sulat, in-upgrade ng COA ang naunang inilabas na modified opinion nito sa mga aklat ng ahensya para sa taong 2021, matapos mapahusay ng Pag-IBIG Fund ang data migration system nito kasunod ng mga rekomendasyon ng mga state auditor.

Ang mga pag-unlad na ito ay nagbigay-daan sa ahensya na mapanatili ang sunud-sunod nitong pagkamit ng pinakamataas na rating ng pag-audit ng COA para sa ika-11 sunod na taon.

“This is truly a significant milestone in Pag-IBIG Fund’s history. Earning the highest opinion from COA for the 11th consecutive year is yet another proof that Pag-IBIG Fund has been, and continues to be managed properly. This is a testament to how Pag-IBIG Fund upholds excellence and integrity in managing their funds, in the fulfillment of our mandates and in line with the directive of President Marcos of providing Filipinos with more stable and more prosperous lives,” ani Secretary Jose Rizalino L. Accuzar, na namumuno sa Department of Human Settlements and Urban Development at ng 11-miyembro ng Board of Trustees ng IBIG Fund.

“The year 2022 stands out as our best performing year yet, as we posted our highest ever annual net income of P44.50 billion. We also posted record-highs in home loan takeout worth P117.85 billion which benefitted 105,212 members who now have new or better homes, membership savings collections amounting to P79.90 billion and loan payment collections worth P127.42 billion. We also extended P53.76 billion in short-term loans to aid a record-high 2,612,491 members with their financial needs. In the same year, we also launched service innovations such as the Virtual Pag-IBIG Mobile App and the Lingkod Pag-IBIG On Wheels, which now provide our members better access to our services and benefits,” pahayag ni Pag-IBIG Fund Chief Executive Officer Marilene Acosta.

“With our 2022 performance capped by this unmodified opinion from COA, this shows that we have achieved our best performance ever while maintaining the highest standards of financial integrity. This is what our members and stakeholders can expect from us, that we shall remain transparent in our operations and serve them with excellence and integrity,” dagdag pa ni Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.