Kandidatong kagawad, nasampulan sa vote-buying

ni Angela Fernando - Trainee @News | October 29, 2023

Inaresto ng mga awtoridad ang isang 52-anyos na tumatakbong kagawad sa Brgy. Bagong Barrio, Pandi, Bulacan dahil sa sinasabing vote-buying.

Kinilala ang suspek bilang alyas "Jun" at nakumpiska sa kanya ang nagkakahalaga ng P35,840, at Department of Social Welfare and Development sheets pati sample ng balota.

Nagbabala si Police Regional Office-3, Police Brig. Gen. Jose S. Hidalgo Jr. sa publiko na may parusang pagkakakulong ang sino man na mahuling sangkot sa pagbili ng boto.

Kasalukuyan namang nasa kustodiya ng Pandi police station ang suspek para sa mas malalim na imbestigasyon.

4Ps, bawal gamitin sa pangangampanya — DSWD

ni Angela Fernando - Trainee @News | October 27, 2023

Nagpaalala ang Department of Social Welfare and Development (DSWD) sa publiko na huwag magpaloko ang mga tao sa mga kandidatong ginagamit ang pangalan ng Pantawid Pamilyang Pilipino Program (4Ps).

Ayon sa DSWD, ang 4Ps ay hindi puwedeng gamitin sa pangangampanya sa BSKE o sa kahit ano pang eleksyon.

Nakakatanggap din umano ng reports ng mga kandidatong ginagamit ang 4Ps sa pangangampanya.

Hinikayat din ng DSWD ang masa na magtiwala lang sa kanila at sa kanilang mga personnel at magdoble-ingat para 'di mabiktima.

5,558 pulis, ready maging poll workers

ni Angela Fernando - Trainee @News | October 26, 2023

Sinisiguro ng Philippine National Police (PNP) ang malinis at ligtas na eleksyon at inihanda ang 5,558 na pulis para sa paparating na Baranggay and Sangguniang Kabataan Elections.

Preparado ang mga ito na maging poll workers para sa mga mag-aatrasang guro bilang poll watchers.

Ayon kay PNP spokesperson Police Colonel Jean Fajardo, ilang guro sa Cotabato City at Abra ang umatras dahil sa takot sa nangyayaring karahasan.