Carpooling sa EDSA busway, tablado

by Mai Ancheta @News | January 31, 2026

Photo: File / MMDA

Ibinasura ng Department of Transportation (DOTr) ang mungkahing payagan ang carpooling na mga sasakyan na dumaan sa EDSA busway sa harap ng inaasahang matinding traffic dahil sa isinusulong na rehabilitasyon.

Ayon sa DOTr, kapag pinayagan ang mga pribadong sasakyan na dumaan sa EDSA busway ay tiyak na magpapabagal sa takbo ng mga bus.

Ang EDSA busway ay inilaan lamang para sa mga bus kaya hindi dapat na payagang makapasok ang mga pribadong sasakyan.

Ang paggamit ng carpooling sa EDSA busway ay iminungkahi ni Metro Manila Development Authority (MMDA) General Manager Nicolas Torre III bilang solusyon sa matinding traffic sa Metro Manila.

Sinabi ng DOTr na bukas ang ahensya na makipag-usap sa MMDA at sa iba pang ahensya para sa mga ideya na maaaring makatulong upang malutas o kung hindi man ay mabawasan ang problema sa trapiko sa National Capital Region.

Ang carpooling ay ang paggamit ng isang sasakyan sakay ang ilang pasahero upang mabawasan ang paggamit ng maraming pribadong sasakyan sa mga kalsada.

Leila, Kiko, Bam sa EDSA

by Info @Showbiz News | September 21, 2025

Photo: Kiko, Bam a Leila / Bulgar Media

Present din sina Sens. Francis ‘Kiko’ Pangilinan at Bam Aquino kasama si ML Partylist Rep. Leila De Lima sa isinasagawang rally laban sa korupsiyon ngayong Linggo, Setyembre 21, sa EDSA Shrine.

110 motorista, huli sa bus lane

ni Eli San Miguel - Trainee @News | November 2, 2023

Hinuli ang nasa 110 hindi awtorisadong motorista na gumamit ng bus lane ng EDSA kaninang umaga.

Huli rin ng Inter-Agency Council for Traffic (I-ACT) ang 109 na motoristang hindi sumunod sa mga traffic sign.

Isang motorista ang pinatawan ng parusa dahil sa pagmamaneho nang walang lisensya at sa hindi pagpapakita ng opisyal na resibo at sertipiko ng rehistrasyon ng kanyang motorsiklo na kinumpiska kalaunan.

"I'll also request ng affidavit of loss kaso nga lang po holidays tapos I need to go to work kasi nga night shift. And I just had no choice. It's understandable naman po and they are just doing their jobs," ayon sa motorista.

"Unfortunately, nakuha po kasi valid IDs, postal ID, ATM, cash and other government IDs [ko]," dagdag niya.

Ilang motorista, kabilang ang anim na mga pulis, isang opisyal ng militar, at isang kawani ng gobyerno, ang umamin na dumaan sila sa eksklusibong bus lane upang maiwasan ang matinding trapiko.

Nagpaalala si Deputy I-ACT chief Ret. Colonel Isaias Espino sa mga pribadong motorista na istriktong inireserba ang EDSA bus lane para sa mga city bus at sasakyan na ginagamit para sa mga emergency response tulad ng ambulansya, bumbero, at mga patrol car.

"Atin pong hinihimok ang lahat ng atin mga private vehicles na hindi otorisado na pumasok d'yan sa busway na sundin po natin ang patakaran ng ating lansangan," pahayag ni Espino.

Haharap ang mga first time violator sa multang P1,000 at 5 puntos na kakaltasin mula sa kanilang lisensya ng pagmamaneho.