Davao del Sur, niyanig ng magnitude 5.1 na lindol

ni Ronalyn Seminiano Reonico | May 6, 2021

Niyanig ng magnitude 5.1 na lindol ang Davao del Sur ngayong Huwebes, alas-2:21 nang hapon, ayon sa tala ng PHIVOLCS.

Naitala ang epicenter ng lindol sa 06.78°N, 125.09°E - 007 kilometers N 69° W ng Magsaysay, Davao Del Sur at ang lalim naman nito ay 020 km.

Naramdaman din ang Intensity V sa Koronadal City, Intensity IV sa Bansalan, Matanao, Hagonoy at Padada, Davao Del Sur; Davao City; Digos City; Kidapawan City; Tupi, South Cotabato, Intensity III sa Lake Sebu at Tampakan, South Cotabato; Antipas, Kabacan, Matalam, M'lang, Cotabato; Columbio at Kalamansig, Sultan Kudarat, at Intensity II sa Pikit Cotabato; Isulan, Sultan Kudarat; Alabel Sarangani; at General Santos City.

Nagbabala rin ang PHIVOLCS sa posibleng aftershocks.

Sarangani, niyanig ng magnitude 5.7

ni Twincle Esquierdo | September 9, 2020

Niyanig ng 5.7-magnitude na lindol ang Sarangani, Davao Occidental. Naitala ang sentro ng lindol sa layong 208 KM Timog-Silangan ng Sarangani.

Ayon sa PHIVOLCS, tectonic ang pinagmulan ng lindol at may lalim na 65 kilometro na naramdaman bandang alas-11:41 ngayong umaga.

Wala namang naitalang pinsala o nasaktan matapos ang lindol. Pinapayuhan ang publiko na patuloy na mag-ingat sa posibleng pag-ulit ng pagyanig.

Chile, niyanig ng Magnitude 6.8 na lindol

ni Thea Janica Teh | September 1, 2020

Niyanig ng Magnitude 6.8 na lindol ang Chile ngayong Martes, September 1, ayon sa US Geological Survey (USGS).

Sa inilabas na pahayag ng National Emergency Office of the Ministry of the Interior and Public Security ng Chile, wala namang napinsalang infrastructure o nasugatang mamamayan matapos ang malakas na pagyanig.

Sa naitala ng USGS, ang lindol ay tumama sa 78 kilometer northwest ng Vallenar na may lalim na 23 kilometers noong 0400 GMT (12 pm, Manila time).