6.2 lindol sa Catanduanes

ni BRT | April 6, 2023

Niyanig ng 6.2 magnitude na lindol ang Catanduanes kamakalawa, alas-8:54 ng gabi.

Ayon sa Philippine Institute of Volcanology and Seismology (Phivolcs), natagpuan ang epicenter sa 120 kilometro southeast ng bayan ng Gigmoto. May lalim na 9 kilometro ang lindol.

Naramdaman ang Intensity IV sa Virac, Catanduanes, habang naramdaman naman ang Intensity III sa Prieto Diaz, at Sorsogon City, Sorsogon; San Policarpo, Eastern Samar; Allen, Biri, Bobon, Catarman, Laoang, Lavezares, Rosario, San Jose, at San Roque sa Northern Samar; Calbiga, at City of Catbalogan, Samar.

Naramdaman naman ang Intensity II sa Malinao, at Tabaco City sa Albay; Borongan City sa Eastern Samar; Babatngon, Dagami, Dulag, Palo, Santa Fe at Tanauan sa Leyte; Tacloban City at San Antonio sa Northern Samar.

Naramdaman naman ang Intensity I sa Alangalang, Baybay City at Tabontabon sa Leyte.

Naitala naman ang Instrumental Intensity II sa Legazpi City, Legaspi, Albay; Daet, Camarines Norte; Sipocot, Iriga City, Pili, Camarines Sur; Kananga, Dulag, Abuyog, Leyte; San Roque, Northern Samar; Bulusan, Prieto Diaz, Sorsogon.

Naitala ang Intensity I Ragay, Pasacao, Camarines Sur; Quinapondan, Eastern Samar; Palo, Alangalang, Leyte; Monreal, Uson, Masbate; Gumaca, Polillo, Mauban, Guinayangan, Quezon; Donsol, Sorsogon.

6.5 lindol sa Ecuador, 12 patay

ni Jenny Rose Albason (OJT) | March 20, 2023

Hindi bababa sa 12 katao ang namatay sa 6.5 magnitude na lindol sa baybayin ng Ecuador noong Sabado.

Naramdaman ang lindol sa 13 probinsya sa bansa ng South America, kung saan ang Guayas, El Oro, Azuay at Chimborazo ang pinakaapektado.

Patuloy pa ang search and rescue operations, partikular sa lungsod ng Machala sa El Oro Province.

Ang bilang ng mga nasawi ay maaaring tumaas sa gitna ng mga pagsisikap na mahanap ang mga nakulong sa ilalim ng mga durog na bato.

Ilocos Sur, niyanig ng magnitude 5.3 na lindol

ni Lolet Abania | June 16, 2022

Niyanig ng magnitude 5.3 na lindol ang Candon City sa Ilocos Sur ngayong Huwebes ng hapon, ayon sa Philippine Institute of Volcanology and Seismology (PHIVOLCS).

Naitala ang lindol ng alas-2:08 ng hapon na tectonic ang pinagmulan at may lalim na 10 kilometro.

Ang epicenter nito ay matatagpuan sa layong 53 kilometro timog-kanluran ng Candon City. Naramdaman ang pagyanig ng Intensity I sa Baguio City at Itogon, Benguet.

Gayundin, naitala ang Instrumental Intensity III sa Vigan City, Ilocos Sur; Intensity II sa Sinait, Ilocos Sur; San Antonio, Zambales; Bolinao at Dagupan City, Pangasinan; at Intensity I sa Infanta, Pangasinan; Pasuquin at Laoag City, Ilocos Norte.

Ayon sa PHIVOLCS, wala namang nai-report na pinsala subalit asahan na ang mga aftershocks matapos ang lindol.