Sarangani, niyanig ng 6.1-magnitude na lindol

ni Lolet Abania | December 16, 2020

Niyanig ng 6.1-magnitude na lindol ang Alabel, Sarangani ngayong umaga, ayon sa Philippine Institute of Volcanology and Seismology (Phivolcs).

Naramdaman ang paggalaw ng lupa bandang alas-7:22 ng umaga ngayong Miyerkules.

Matatagpuan ang epicenter ng lindol sa layong 06.12°N, 125.39°E - 011 km N 79° E ng Alabel. Ang pagyanig ay may lalim na 54 kilometer at tectonic ang origin.

Ayon sa Phivolcs, asahan ang mga susunod na aftershocks matapos ang lindol.

Wala namang nasaktan sa naganap na pagyanig. Patuloy na pinapayuhan ang publiko na maging mapagmatyag at mag-ingat sa lahat ng oras.

Surigao del Sur, niyanig ng Intensity 6.4 na lindol

ni Thea Janica Teh | November 16, 2020

Niyanig ng Magnitude 6.4 na lindol ang Surigao del Sur ngayong Lunes nang umaga, ayon sa Phivolcs.

Ang lindol ay nangyari kaninang 6:37 ng umaga sa 11 kilometers northwest ng bayan ng San Agustin at may lalim na 58 kilometers.

Naramdaman ang Intensity V sa Bislig City habang Intensity III naman sa Gingoog City, Misamis Oriental. Naramdaman din ang lindol sa Cagayan de Oro City at Surigao City, Surigao del Norte sa Intensity II.

Intensity I naman ang naramdaman sa Alabel Sarangani, Koronadal, Tupi South Cotabatao, Kidapawan City, Palo Leyte at Borongan City. Inaasahan na magkakaroon pa ng aftershock sa Surigao del Sur.

27 katao patay, 800 sugatan sa magnitude 7.0 na lindol

ni Ronalyn Seminiano Reonico | November 1, 2020

Umakyat na sa 27 ang bilang ng mga namatay sa magnitude 7.0 na lindol na tumama sa Aegean Sea na yumanig sa Turkey at Greece noong Biyernes ng hapon.

Twenty-five sa mga nasawi ay mula sa coastal areas ng Turkey habang dalawang menor-de-edad, lalaki at babae, ang namatay sa Greek island of Samos matapos mabagsakan ng gumuhong pader.

Ayon kay Mayor Tunc Soyer, 20 gusali ang gumuho sa Turkey sa siyudad ng Izmir. Tinatayang aabot naman sa 800 katao ang sugatan sa Turkey, ayon sa disaster agency ng bansa.

Nakapagtala ng 470 aftershocks ang naturang lindol kung saan 35 sa mga ito ay higit sa 4.0 magnitude. Patuloy naman ang pagsasagawa ng search and rescue operations sa mga apektadong lugar.

Ayon sa United States Geological Survey (USGS), magnitude 7.0 ang naganap na lindol at mas mababang magnitude 6.6. naman ang tala ng Turkish authorities.