Surigao del Sur, niyanig ng 4.9 magnitude na lindol

ni Lolet Abania | October 24, 2021

Niyanig ng 4.9 magnitude na lindol ang katubigang bahagi ng Surigao del Sur ngayong Linggo ng umaga, ayon sa Philippine Institute of Volcanology and Seismology (PHIVOLCS).

Alas-7:08 ng umaga ngayong Linggo naitala ang lindol sa layong 08.49°N, 127.25°E - 102 km N 82° E ng Hinatuan, Surigao del Sur.

Sa tala ng Phivolcs ang lindol ay may lalim na 16 km habang ito ay isang tectonic in origin. Naramdaman din ang lindol na nasa Intensity III sa Lingig, Surigao del Sur.

Ayon sa Phivolcs wala namang naitalang napinsala subalit posibleng magkaroon ng mga aftershocks.

Unang nai-report na ang pagyanig ay nasa 5.3 magnitude na lindol subalit naglabas ang PHIVOLCS ng updated na impormasyon at ni-revised ito sa magnitude 4.9 na lindol sa Surigao del Sur.

Magkasunod na lindol... Occidental Mindoro, niyanig ng 5.6 at 4.6 magnitude

ni Lolet Abania | October 3, 2021

Niyanig ng magnitude 5.6 na lindol ang Occidental Mindoro ngayong Linggo nang madaling-araw, ayon sa Phivolcs.

Sa tala ng Phivolcs, alas-5:59 ng madaling-araw nai-record ang pagyanig na nasa layong 10 kilometers northwest ng bayan ng Sablayan.

Ang lindol ay tectonic in origin na may lalim na 10 kilometers.

Naitala naman ang instrumental intensities ng lindol na Intensity III sa San Jose, Occidental Mindoro, Intensity II sa Batangas City, Intensity I sa Mulanay at Mauban, Quezon; Tagaytay City.

Inaasahan naman ng Phivolcs, ang mga aftershocks matapos ang lindol.

Ayon sa disaster response officer na si Arcris Canillo, sa Barangay San Agustin sa Sablayan, ang pader ng isang bahay ay gumuho dahil sa lindol.

Nai-record naman ang sumunod na lindol ng magnitude 4.6 ng alas-7:33 ng umaga ngayon ding Linggo, na nasa layong 7 kilometer southeast sa bayan pa rin ng Sablayan.

Nasa lalim na 13 kilometer at ito ay tectonic in origin. Ayon sa Phivolcs, naramdaman ang “moderately strong” tremor o Intensity IV sa Sablayan, Occidental Mindoro.

Occidental Mindoro, niyanig ng 5.7 magnitude na lindol

ni Jasmin Joy Evangelista | September 27, 2021

Niyanig ng 5.7 magnitude na lindol ang Looc, Occidental Mindoro ganap na ika- 1:12 nang madaling araw ngayong Lunes.

Nagdulot ito ng 112 after shocks as of 5 a.m., kung saan ang pinakamalakas na naramdaman ay magnitude 4.5, ayon kay Phivolcs chief Renato Solidum.

“Dahil ito ay malalim, itong mga aftershock 'di nagdulot ng pagkaramdam, isa lang na mahina at di naman ito mapanira," ani Solidum sa isang panayam.

Ayon sa Phivolcs, ang mga naitalang intensities ay ang mga sumusunod:

Intensity IV:

* Calatagan, Lian, Lipa City, Malvar and Nasugbu, Batangas;

* Malolos City and Obando, Bulacan;

* Cavite City, General Trias, Naic, Amadeo, Bacoor, Dasmarinas, Tagaytay City and Tanza, Cavite;

* Biñan, Cabuyao, Laguna;

* Las Pinas City; Malabon City; Mandaluyong City; City of Manila; Marikina City; Muntinlupa City; Paranaque City; San Juan City; Taguig City; Pateros, Metro Manila;

* Abra De Ilog, Looc, Lubang and Mamburao, Occidental Mindoro;

* Baco, Naujan and Puerto Galera, Oriental Mindoro;

* San Mateo and Taytay, Rizal

Intensity III:

* Santo Tomas, Batangas;

* Makati City, Pasay City, Pasig City, Quezon City;

* Valenzuela City;

* Santa Cruz, Occidental Mindoro;

* Antipolo City;

* Socorro, Oriental Mindoro

Intensity II - Los Banos, Laguna; Palayan City, Nueva Ecija

Intensity I - Arayat, Pampanga