'For sale' sa bahay ni Du30, inalis na

ni BRT @News | July 1, 2025

Photo File: John Fortich / FB

Wala na ang “for sale” sign na napaulat na inilagay sa bahay ni dating Pangulong Rodrigo Duterte sa Davao City.

Nitong Lunes ng umaga, standees na lamang ni Duterte ang makikita sa harap ng gate ng bahay.

Napaulat na kinumpirma ng common-law wife ni Duterte na si Honeylet Avanceña na ibinebenta na ang bahay, kasunod ng pagkakaaresto sa dating Pangulo at paglilipat dito sa The Hague, Netherlands.

Sa kabila nito, sinabi ng mga volunteer na nagbabantay sa bahay na wala umano silang nakikitang “for sale” sign at tinawag ang viral post sa social media na “fake news”.

ICC warrant vs Duterte, ilalabas sa Setyembre — Carpio

ni Angela Fernando @News | August 15, 2024

Photo: dating Pangulong Rodrigo Duterte at retired Supreme Court Justice Antonio Carpio

Binigyang-diin ni retired Supreme Court Justice Antonio Carpio kamakailan na umabot na sa isang mahalagang yugto ang imbestigasyon ng International Criminal Court (ICC) tungkol sa brutal na kampanya laban sa ilegal na droga sa ilalim ng administrasyon ni dating Pangulong Rodrigo Duterte.

“I think the day of reckoning is coming closer because what I’m hearing is that a warrant of arrest will be issued by the ICC sometime in September,” saad ni Carpio sa isang panayam.

Samantala, walang ibinigay na detalye ang dating Supreme Court Justice kung saan o sino ang mga sources niya sa ibinulgar na impormasyon.

Pag-iimbetiga sa EJK, binuksan na

ni Angela Fernando @News | May 17, 2024

Binuksan ng komite ng karapatang pantao ng House of Representatives ang isang pagdinig hinggil sa extrajudicial killings (EJK) sa panahon ng war on drugs sa ilalim ng administrasyong Duterte na nasa pamumuno ng dating Presidente Rodrigo Roa Duterte.

Ini-schedule ang pagsisiyasat dalawang araw bago magtapos ang ikalawang regular na sesyon ng 19th Congress sa Mayo 24.

Sinabi ni Manila Rep. Bienvenido Abante Jr., na siyang nangunguna sa komite sa karapatang pantao ng Kamara, na itinakda ang pagsisiyasat sa Mayo 22 at ang mga opisyal ng nakaraang administrasyon ay imbitado.

Samantala, nilinaw din ni Abente Jr. na hindi nila nakikita ang rason upang bigyan ng subpoena ang dating Presidente at si Senador Ronald dela Rosa.

Ayon sa Manila Rep., hindi nila inaasahan ang pagdalo ng dalawa sa imbestigasyon para sa EJK.

Iginiit din nitong magiging patas ang pagsusuri at kinakailangan ito dahil marami sa biktima ng EJK ay puro alegadong user at dealer ng ipinagbabawal na gamot.