Safety seal sa mga establisimyento kailangan pa rin sa ilalim ng Alert Level 1

ni Jasmin Joy Evangelista | February 28, 2022

Mananatili pa rin ang mandato ng Department of Trade and Industry sa business establishments na magkaroon ng safety seal certification kahit nasa Alert Level 1 na ang isang lugar.

Ang safety seal ay patunay na sumusunod ang establisimyento sa minimum public health standards na itinatakda ng pamahalaan.

Kung may safety seal na ang isang establisimyento, maaari pa rin itong makansela kung mahuhuli itong lumalabag sa mga panuntunan sa Alert Level 1.

“The establishments will need to follow also ‘yung safety seal protocols natin," ani Trade Undersecretary Ruth Castelo.

"Makikita ng consumers na ‘yung mga establishments na merong certification, sigurado sila na sumusunod ‘yung establishment na ‘yun at magiging kumpiyansa sila na safe sila," dagdag niya.

Samantala, narito ang mga lugar na isinailalim ng Inter-Agency Task Force (IATF) sa Alert Level 1 simula March 1-15:

Luzon

*    Abra

*    Apayao

*    Baguio City

*    Kalinga

*    Dagupan City

*    Ilocos Norte

*    Ilocos Sur

*    La Union

*    Pangasinan

*    Batanes

*    Cagayan

*    City of Santiago, Isabela

*    Quirino

*    Angeles City

*    Aurora

*    Bataan

*    Bulacan

*    Olongapo City

*    Pampanga

*    Tarlac

*    Cavite

*    Laguna

*    Marinduque

*    Puerto Princesa City

*    Romblon

*    Naga City

*    Catanduanes

Visayas

*    Aklan

*    Bacolod City

*    Capiz

*    Guimaras

*    Siquijor

*    Biliran

Mindanao

*    Zamboanga City

*    Cagayan de Oro City

*    Camiguin

*    Davao City

200K manggagawa, inaasahang balik-trabaho — DTI

ni Lolet Abania | February 7, 2022

Aabot sa 200,000 manggagawa ang inaasahan na makakabalik na sa trabaho sa gitna ng pagluwag ng restriksyon sa Metro Manila sa Alert Level 2, ayon sa Department of Trade and Industry (DTI).

Sinabi ni DTI Undersecretary Ruth Castelo, ang pagbabalik ng mga manggagawa sa kanilang trabaho ay makikita aniya, mula sa karagdagang 20% capacity sa pinayagang mga negosyo mag-operate, kung saan ang mga indoor establishments ay hanggang 50% na mula sa dating 30%, at outdoor establishments na hanggang 70% mula sa 50%.

“According to DTI estimates, we have around 100,000 to 200,000 jobs na makakabalik [that will return],” sabi ni Castelo sa Laging Handa virtual briefing ngayong Lunes.

Ayon sa opisyal, base sa taya ng National Economic and Development Authority (NEDA), ilang 15,000 workers ang inaasahang bumalik ng weekly basis sa kanilang trabaho.

Sa latest data naman na available mula sa Philippine Statistics Authority (PSA), nabatid na mayroong 3.16 milyong unemployed Filipinos noong Nobyembre 2021.

Ang Metro Manila ay isinailalim sa Alert Level 2 mula Nobyembre 5, 2021 habang itinaas ito sa Alert Level 3 noong Enero 3, 2022. Gayunman, ang National Capital Region (NCR) at marami pang lugar ay isinailalim muli na Alert Level 2 mula Pebrero 1 hanggang 15 dahil na rin sa pagbaba ng bilang ng COVID-19 cases sa bansa.

Sa parehong briefing, sinabi ni Castelo na anumang panukala para alisin ang Alert Level System ng bansa ay dapat aniya gawin ng gradual basis o dahan-dahan para matiyak na ang publiko ay nananatiling sumusunod sa minimum public health standards.

“Dahan-dahan lang until masanay na tayo at ma-accept na natin na ‘yung new normal natin ay kasama na ‘yung mga health protocols,” sabi ni Castelo.

Safety seal, kabilang sa nakaaapekto ng alert level sa isang lugar

ni Jasmin Joy Evangelista | November 21, 2021

Patuloy pa rin ang ebalwasyon ng Department of Trade and Industry (DTI) para sa mga establisimyentong nag-a-apply para sa safety seal.

Hindi umano tumigil ang DTI sa pagsusuri sa mga establisimyento para makapagbigay ng seal sa mga compliant sa health standard.

Kabilang sa mga kuwalipikasyon ay ang pagiging bakunado ng mga empleyado, pagkakaroon ng screening area sa COVID symptoms at contact tracing forms o QR code database.

Paliwanag ni Trade Sec. Ramon Lopez, kabilang ang dami ng mga may safety seal sa basehan para ibaba ang alert level status sa isang lugar.

Makakatulong din ang pagkakaroon ng safety seal para mapayagan pa ang dagdag na 10% occupancy.

Nakakatulong din ito para magkaroon ng tiwala ang mas maraming customers sa isang restaurant, salon at iba pang puwesto na nagbibigay ng serbisyo.