DTI 6-point agenda, oks sa shipping, logistic groups

ni Mylene Alfonso @News | July 29, 2023

Suportado ng Alliance of International Shipping Lines (AISL) at Alliance of Container Yard Operators of the Philippines (ACYOP), ang 6-point agenda ng Department of Trade and Industry (DTI) para makamit ang food security ng bansa.

Sa post-SONA briefing sa food security, sinabi ni Trade Undersecretary Ruth Castelo na para mabawasan ang transport at logistic cost, dapat magkaroon ng moratorium sa pagpataw ng dagdag ng port fees at iba pang charges, zero tolerance sa gray cost at batas para ma-regulate ang international shipping charges.

"We fully support and we extend our gratitude to the Department of Trade and Industry for its invaluable recommendations. It is imperative that we put an end to the burden of unnecessary port fees, which only exacerbate inflation and adversely impact the prices of essential commodities," sabi ni Patrick Ronas, President bg AISL.

Binigyang diin naman ni Roger Lalu, chairman ng ACYOP, ang mahalagang papel ng logistics sa paggalaw ng mga produkto at kinatigan ang pagsuporta ng AISL sa agenda gn DTI.

Ayon pa sa dalawang grupo, mahalagang mapakinggan ng DTI ang panawagan na tanggalin ang Philippine Port Authority controversial container registry, monitoring, and storage system o mas kilala sa tawag na Trusted Operator Program-Container Registry and Monitoring System (TOP-CRMS).

Magtipid, mag-recycle — DTI.. Taas-presyo sa school supplies

ni Madel Moratillo @News | July 27, 2023

Tumaas ang presyo ng ilang school supplies, isang buwan bago magbukas ang klase.

Ayon kay Department of Trade and Industry (DTI) Undersecretary Ruth Castelo, nasa piso hanggang onse pesos ang itinaas ng presyo ng ilang school supplies. Dahil na rin ito sa pagtaas ng halaga ng raw materials.

Kaya para makatipid, payo ng DTI sa mga magulang, bumili ng bundle at ang mga gamit na pwede pa naman ay gamitin ulit.

Kahapon, binisita ng opisyal ang ilang establishments sa Marikina para matiyak na sumusunod sila sa suggested retail prices para sa school supplies.

Sa bagong SRP ng DTI, ang mga 80 leaves na composition notebook ay pwedeng ibenta mula P23 hanggang P52, depende sa brand.

Sa ballpen naman, P9.25 hanggang P19 habang para sa lapis ay P11 hanggang P17.

Dedma sa babala ng DTI.. Pekeng yosi at vape, ibinebenta pa rin sa Lazada

ni Chit Luna @Brand Zone | April 27, 2023

Isang grupo ng mga doktor ang nanawagan sa Senado at ibang ahensiya ng gobyerno na proteksyunan ang publiko sa putuloy na pagbebenta ng mga pekeng sigarilyo at vapes sa mga e-commerce sites.

Ito ay bunsod ng patuloy na paglantad ng mga hindi rehistradong produkto sa mga online sites tulad ng Lazada sa kabila ng babala na ipinalabas ng Department of Trade and Industry.

Ayon sa liham na pinadala ng Philippine Medical Association kay Senador Pia Cayetano, hindi nila maintindihan kung bakit ang mga hindi rehistrado at hindi nagbabayad ng buwis na sigarilyo at vapes ay hayagang ina-advertise, binebenta at ipinamamahagi sa lokal na merkado sa pamamagitan ng Internet.

Ipinadala din ng PMA ang kopya ng liham sa DTI, Department of Health (DOH), the Department of Finance (DOF), Department of Trade and Industry (DTI), Department of Interior and Local Government (DILG) at ibang ahensiya ng gobyerno.

Nanawagan ang PMA sa mga ahensiya na magkaisa laban sa mga iligal na tabako at vapes na matatagpuan sa Lazada, Shopee at Facebook Marketplace.

Naunang nagpatawag ng pulong ang DTI sa pamamagitan ng Consumer Protection Group sa mga kinatawan ng e-commerce companies upang pigilan ang paglaganap ng mga hindi otorisadong sigarilyo at vapor products sa Internet.

Sa kabila ng pagdalo ng ilang opisyal ng Lazada sa nasabing pulong, patuloy na makikita ang listahan ng mga hindi rehistrado at iligal na vapes sa naturang platform.

Ito ay hindi tulad ng Shopee na nagsabing tinanggal nito ang mahigit na isang milyong hindi rehistradong vapes sa website nito isang araw lamang matapos ang pakikipagpulong sa DTI.

Samantala, pinasalamatan ng PMA si Sen. Cayetano dahil sa kanyang patuloy na pagsisikap na maproteksyunan ang kapakanan ng mga Pilipino at pagbubunyag sa laganap na pagbebenta ng mga iligal na vapes sa mga online platforms.

Nagpahayag din ng babala ang grupo ng mga doctor na ang paglaganap ng mga hindi rehistradong produkto ay maksasama sa kalusugan ng publiko. Binanggit din ng PMA sa liham na ang mga nasabing produkto ay walang health warnings at binebenta sa mas mababang halaga dahil sa hindi pagbabayad ng buwis.

“There is no way to verify if the products sold are registered and paid the correct taxes… since they do not bear the internal revenue stamps nor the required packaging or labeling requirements,” ayon sa liham ng PMA.

“Raising the issue on illicit tobacco and vapor products and calling for the full implementation of the tax and regulatory laws on these products is crucial in protecting the interests of the government and the public,” dagdag pa nito.