Mula Nobyembre 4... Plastic barriers sa PUVs, out na — DOTr

ni Lolet Abania | November 1, 2021

Hindi na kakailanganin pa na maglagay sa mga public utility vehicles (PUVs) ng plastic dividers para mapaghiwalay ang mga pasahero simula sa Huwebes, Nobyembre 4.

“Wala rin hong medical findings ‘yung aming pag-aaral na ito po ay makakapagpaiwas ho sa paghawa ng COVID-19 bagkus ay ito po ay maaaring kabitan [kapitan] ng virus because of the plastic material,” ani Department of Transportation (DOTr) Assistant Secretary Mark Steven Pastor.

Matatandaang simula ng payagang mag-operate ang mga PUV drivers at operators ay ni-require sila na gumamit ng plastic barriers para mapaghiwalay ang mga pasahero sa loob ng kanilang mga unit at sumunod sa itinatakdang 50% capacity rule sa mga pampublikong transportasyon.

Simula rin sa Nobyembre 4, ang papayagang kapasidad sa PUVs ay nadagdagan nang 70%.

Paalala naman ng DOTr, patuloy nilang ipapatupad ang mahigpit na health safety measures sa mga PUVs sa kabila ng pagsasagawa ng naturang adjustments.

Dahil sa Lightning Red Alert NAIA, stop operation muna

ni Lolet Abania | October 11, 2021

Pansamantalang itinigil ang operasyon sa Ninoy Aquino International Airport (NAIA) sa Pasay City matapos na magbaba ng Lightning Red Alert ngayong Lunes ng tanghali.

Sa isang advisory ng Department of Transportation (DOTr), ayon sa ahensiya nag-isyu ng alert ang PAGASA bandang alas-12:37 ng tanghali ngayong Lunes.

Agad na naglabas ang PAGASA ng red lightning alert nang magkaroon ng isang thunderstorm sabayan pa nito ng lightning o pagkidlat sa loob mismo ng 9 kilometers ng paliparan.

Ang alert scheme ay may mga mandato, kung saan suspendido muna ang operasyon at galaw ng parehong aircraft at ramp personnel para na rin sa kaligtasan at seguridad ng lahat.

“The Red Lighting Alert is a safety measure taken to prevent any untoward incident from happening when lightnings are prevalent in the immediate area and may endanger personnel, passenger, and even flight operations," paliwanag ng DOTr.

Ayon sa DOTr, ang alert scheme ay ipinatupad sa NAIA matapos na isang empleyado ang namatay nang tamaan ito ng kidlat sa Terminal 3 tarmac noong 2014.

Mas pinalawak, simula Set. 3 – DOTr... Libreng sakay sa medical workers, APORs

ni Lolet Abania | September 12, 2021

Muling ipapatupad ng Department of Transportation (DOTr) ang libreng sakay para sa mga medical frontliners, essential workers, at authorized persons outside of residence (APORs) simula sa Lunes, Setyembre 13.

Ayon sa DOTr, palalawakin na ang mga free rides sa mga lugar na nasa labas na rin ng Metro Manila sa ilalim ng second phase ng kanilang Service Contracting Program.

Sa ilalim ng naturang programa, ang mga public utility vehicle operators at drayber ay bibigyan ng suweldo o sahod depende sa kanilang trips kada linggo, kahit ilan pa ang bilang ng kanilang pasahero.

Babayaran sila sa tinatawag na weekly basis, kung saan mula sa P3-billion funding sa ilalim ng General Appropriations Act (GAA) for 2021.

“Ginagawa po natin ang mga ito dahil ang Kagawaran ng Transportasyon ay naniniwala na hindi lamang pang-hanapbuhay ng tsuper at operator -- ito po ay kaakibat sa paghahanap-buhay ng iba pa nating kababayan sa Republika ng Pilipinas,” ani DOTr Secretary Arthur Tugade sa isang statement.

Sa tala ng DOTr nasa 31.6 milyong Pilipino ang nakapag-avail ng libreng sakay sa initial phase, kung saan P1.5 bilyon ang in-award ng Land Transportation and Franchising Regulatory Board (LTFRB) sa mga operators at mga drayber.

Gayundin, may alokasyon sila na umabot sa P3.388 bilyon bilang payouts sa mga operators at mga drayber na nakiisa sa programa.

Ang Land Bank of the Philippines ang siyang tumutok na nagsilbing payment partner para sa proyekto.

“We welcome this collaboration to deliver financial assistance to PUV operators nationwide towards ensuring pay and uninterrupted operations of public transportation in the new normal,” ani presidente at chief executive officer ng Land Bank na si Cecilia Borromeo.

Nananatili ang National Capital Region sa ilalim ng modified enhanced community quarantine (MECQ) hanggang Setyembre 15, 2021.

Habang ang gobyerno ay patuloy na binubuo ang mga guidelines para sa implementasyon ng bagong alert level system with granular lockdowns sa region bilang bahagi pa rin ng paglaban sa panganib ng COVID-19.